المساعد الشخصي الرقمي

مشاهدة النسخة كاملة : كل مرة بيت او مقطع او قصيدة


الصفحات : 1 [2] 3 4

اسامة ابوزيد
03-02-10, 10:07 AM
يا ودودالابتسامة
بشتكيلك منك الحزن الدفين
خلي بالك للغمامة تملى
تملى لما تنزللا بتشكي ولا بتحكي
الا تطلع من انين الارض وردة وعش حمامة
شفتك امبارحمعايا
كنت بين نايمة وصاحية
تحتويني الريدة والشوق والعنا
وانت صاحي ترفعايدك للشموس العالية
وتدفئ الغنا
ينتميلك قلبي يا اب قلباً حنين
بشتكيلك منك الحزن الدفين

magdikooooo
03-02-10, 10:24 AM
قاسي قلبك عليا ليه ؟
تاااااااااااااااااااااااااااااارا

اسامة ابوزيد
04-02-10, 12:09 PM
وكيف تكون من بعدى ؟!
وأخفض رأسي فى حزنٍ
فكيف أكون من بعدك ؟!
لقد ضاعت من رُبا حلمى الايام
وعشتُ مرارة الحرمان كالايتام
وصاحب قلبى الآ لام
وصادر بؤسى الاحلام
ولم ادرى . . .
لماذا خاصمت قلمى الكلماتْ
وقد كانت له زاداً وخير رفيق ؟!
لماذا صاحبت قلبى الآهاتْ
وقد صارت له قدراً بالف طريق ؟!
ولما صادرت فرحي العبراتْ
وقد اضحت له بحراً
ولم يطفو كأى غريق ؟!
تباعدنا ...
ولم أشهر سوى . . .
سيفاً من الذكرى
سوي رمحاً من الحب بالفطرة
أقاتل جرأة الزمن العنيد المستبدِ
ولم أبقى لعينيك سوى حباً
يضىء لك الدرب من بعدى

نيلوفر
04-02-10, 12:49 PM
الزول العزيز و جد نحن بنريدو
مالو قطع الخبر وما جانا منو بريدو
خلانا نردد في السؤال ونعيدو
يا ربي نسانا ولا فاضي رصيدو

سامية الصديق
05-02-10, 04:34 PM
ما كــنــتـــا قـايــــــل فـــى غــرامــــك لـى شريك
لـكــن عــرفــــــــتـــــا وتـــــــانى مـــا برجع إليك
والله كـل مــا اتـذكــرك اتـذكـــر إنو معـاى شريك
زي ما قـلـيـبـى اشـتــهـــاك تـلـقاهو ايضا يشتهيك
قولى لى ذنـبـي آيــه مـا الـنــاس جميع مفتونه بيك
طماعه يا ست الجـمـال كـيـفـن تطيرى مع جريك
ماكل غرام بيظل غــرام ماكـل بـريــق سن إبتسام
ما كُل خـطــوة إلـى الأمـام أحـيـانـا بيتعسر مشيك
قولى لى كيف قلبك سـمـح يـخـدع قـليبى الإنشرح
ودرتى زول كايـس فـرح عيشتيهوا فى دنيا الترح
مـسـتــنـى كـان تـبـقـيلوا غيمه تظللى من حراً لفح
لكـن بـقـيـتـيـلـو الهـجـيـر فى وادى منو الغيم نزح
لو قيس سمع ماكان ندم كان يرثى لى حالى ويحن
كان يبكى زين دمعاتوا تهـطل فوق عيونا ويغسلن
ما بـيــرضـى كــان الــغــرام يصبح سلع ونتبادلن
رغم الحصل قلبى الأمين لا راضى لنفسو الخداع
لا راضـى لـى غـيــــروا الأنين
واحساسوا بيك يا ست الــجـمال
ما بيرضى غيروا يعيـش حزين
انا اصـلــى مــن ريـــــدك قنعتا
وآخــر وصــيـــه بـقــــولـه ليك
ابــقــى عــشـــرة عـلى البريدك
لا تـخـيــبـــى ابــداً ظنـــوا فيك
ابــقـــى زى لـيـــلـه وبـثــيــنـه الغرور لا يعتريك
قــالــوا للــريــد عـداوه مـن عـداوتـو بخاف عليك

سامية الصديق
05-02-10, 04:45 PM
حزارك

حزارك من تجيب لي اعزارقليبك ما براهو اختار

بس باسف علي الايام وماضي العشري يا غدار

لانك يا حقيقتي المرة كنتي حجاي مع السمار

لانك في غناي مقطوعة خالدة ترددة الاوتار

لاني انا ان بقيت في الجنة غيرك ما بضوق لي سمار

لاني انا من عرفتك تبتة يشهد كاتب الاوزار

قبل ما اعرف المكتوب فرشتلك الطريق ازهار

ورسمتك بي مداد احساسي لوحة جميلة في الاشعار

امن بي غرامك وحدو حاسب نفسي في الابرار

وتب لا خنت لا ارتديت كيف يصبح جزاي النار

انا المابيني بين الدنيا من ما قمت مكتوب نار

متعود تقيلتي اشيلة قبلك كم عصفني عصار

وقلبي الكان زمان موهوم وضايع بين سجون واسوار

خلاص حلحل قيودو معاك حضر تابين غرامو وطار

زي ما كت بعز عينيكي برضي كمان كتوم اسرار

الا هواكي مهما يبقي تاني انا ما بكون لي مدار

قادر احيا راهب ريدة امست في الخيال تزكار

والا بقولك يا مغرور وراك عجل الزمن دوار

عبدالحفيظ أبوسن
05-02-10, 08:38 PM
الشاعر: أحمد مطر





أمس اتصلت بالأمل !

قلت له: هل ممكن

أن يخرج العطر لنا من الفسيخ والبصل ؟
قال: أجل .

قلت: وهل يمكن أن تشعَل النار بالبلل ؟
قال: أجل .

قلت: وهل من الحنظل يمكن تقطير العسل ؟
قال: نعم ..

قلت: وهل يمكن وضع الأرض في جيب زحل ؟
قال: نعم ، بلى ، أجل...

فكل شيء محتمل .

قلت: إذن حكام العرب سيشعرون يوما بالخجل ؟
قال: ابصق على وجهي

إذا هذا حصل .

سامية الصديق
08-02-10, 08:46 AM
حزين تايـه شقيـان فـي دربـك سنيـن رحـال
رضيت بالهم معاك حيران صبرتا وصبري ياماطال
بقيت وحيد فقدتـا حنـان يامـا ضاعـت الآمـال
بكيت وبكيت دمع حزنان علي خديدي حزين سيال
ساكب ذاتي في الألحان وفاقد ذاتي في الترحـال
مسافر ديمه طول العام علي جوف الزهور رحال
وكم حاولتا أنسي الكان اشيل ذكـراك مـن البـال
اشوف صورتك معاي دوام محل قبل يمين وشمال
تبين الرؤية لي عيان اشوفه هناك وعـود عميـان
بشوفك زي زرع نديان وشايـل خضـرة السيـال
نسايم فايحي في الوديان تهبهب في بيـوت النـال
شجر فرهد دوام رويان من النسام طـروب ميـال
أناديك يا فريع البان واهمس ليـك تعـال وتعـال
وتجري تجيني بي تحنان بعد توصل اشوفـه زوال
ارجع تاني للأحـزان واقالـد فيهـا كـل محـال
اقول يا ناس حليل الكان سنين مرن علـيّ طـوال

محمد ساتي
08-02-10, 02:36 PM
الطمباره والغناى

للشاعر/ محمد طه القدال




نحن اهل الفرحه جينا

لاالمدامع وقفتنا ولاالحكايات الحزينه

لما درب الرايحه جابنا جابنا في هادى المدينه

ياولدى الدروب شقاقا بحر التيه

ليك درب ولا دربين مساك الدروب ضهاب

ليك قلب ولا بالين وسواى القلوب كضاب

ليك ضهر ولاسرجين ركاب السروج وقاع

شق ياولدى بحر التيه بتتدردر وتتودر

ولامن يوم علي تايتنا ديك ترسي

نعزك بالقبيل داخرنو ليك

الشوق بحر ياولدى بحراً تيه

قت ليك العليك ادرابو لا تنغش ولا ترضابو لاتنغش

في الزمن الزمين والكي يسوهو خلاف عشان الني

عليك الدور وتصريف الليالي بدور تشيل ما شلنا من الهم

ولا من دمعه ترمي الدمعه فوق دربك

روح يابا .. وابق قفاك لاتعاين ولاتعاين علي موطاك

ولا تندم علي خطوا تملي مشيتو لى قدام

وابقي العاتي زى سنطتنا زى صبرا نلوك فوق مرو زى الزاد

لاشيتاً نزل في الجوف ولابرجع ولا بنزاد

واركز للبجيبها الريح تقيف انت ويشيلها الريح

وابقي العاتي والدرب الوراك مسدود و شيل شيلتك

بقيت للنص لاحلما بجيب البر ولا حدود

وانبليتا اختا الرمله ما تقع البكان الهش

هي الممطوره مابتبالي من الرش

النعمه بتعرف عاطيها والجمره بتحرق واطيها

بالكيله عطانا و ما لقينا فوق جمر خطانا وما لقينا

يوم الوعد... ياحليوه فيك الدنيا ما كانت شروق

الا الارض متكشفه متبلمه نعمنو من خير الخريف

لافحالها شال منطرحه خضرا وفرحه دوب تتشابي لي عين الشمس

من بت حليوه النفس بيضا كذا الحليب

والروح مشحتفه في البلود الفيها ريحتك

للبعود من فزعة الغربة البساسق فوكا

موراجع ولا بالحيل قريب

الروح مشحتفه في الحبيب القلب بكر الدنيا ما شافت جديدو

ولا الحزن دقالو باب

وشفتي كيف يوم الوعد كيفنو مترامي الغمام

والقمري زغرد للبلوم النسمه هبت مرتين

يا حليوه يوم دقيت بارضك فاس خصيب والتانيه في

يوم الوعد والايد تسالم في الايدين

والام تقالد فوق جناها تشمو زين

وحليوه صاحيه حليوة ضاحيه كذا النسيم

والدنيا غيم وحليوة جد جد ياولد قول للبلد

قايل غناوي الحزن ليش شايل مساديرك مجامر دمع ليش

ليش يا بلد والناس تريد والدنيا كل ما نريد تزيد

تملا الايدين تفرح تهش

لو صحيح غنينا بالدمعه الحميمه ولو دموع الفرحه ما لاقت غنانا

بكره نرجع تاني للكلمه الرحيمه شان هنانا شان منانا

شان عيون اطفالنا ما تضوق الهزيمه

من كوستي
08-02-10, 04:11 PM
سيد أحمد الحردلو )


أجيكْ عاشقْ مسافرْ ليلْ
واجيكْ ولداً جَنَبْ بلحيلْ
اجيكْ لا خَاتِراً مكسورْ
ولا فارساً مَهيِضَ الحيْل
أجيكْ سيفاً سنينْ مسلولْ
وراكزْ ضُمه فوقَ الخيلْ
أجيكْ مسدارْ من الدوبايْ
واجيكَ دُعَاشْ وراهُ السيلْ
واجيكْ لا خَاتي ... لا ظالمْ
واجيكْ في القدلة زيَّ النيلْ
واجيكْ يا مُبتَدا التاريخْ
ويا خَبرَ اللِي كانوا قِبيلْ
لأنَكْ ديمة كُنتَ معايْ
مسولتْ بَيْ نهارْ في ليلْ
ودايماً كُنتَ ليّا أصيلّ
ولاكْ بَرَاني .. لانِي عَميلْ
ودايماً كُنتَ بيّا كبيرْ
ولاكْ هَيِّنْ .. ولانِي قليلْ
وأهلَكْ ديله ..هُمْ أَهَلِي
البِشيِلو الشيله فوق الشيلْ
وانتَ أبويْ .. وأنتَ أخويْ
وانتَ الهُولي .. ما هُولْ زولْ
بشوفَكْ هَالي في حلفا
وفي نِمُولي .. وفي توتيلْ
واجيكْ يا موطنَ الحلوينْ
ويا نيلاً ضُلُولُه نخيلْ
عَشَانْ ما زالْ لدينا كلامْ ...
كلاماً كُلُّه زينْ وعديلْ
أجيكْ الليله شَانْ أفديكْ
وشَانْ تَبْقَالنَا ديِمه دليكْ
وشَانْ أديكَ عُمري الفاتْ
وكُلَّ الجايي .. جيلْ في جيلْ
عَشَانْ أشقي
وعَشَانْ تلقي
وعَشَانْ تَبْقَالنَا ديِمة جميلْ !

نيلوفر
08-02-10, 11:43 PM
الأصلو في الجوف إندفن
لابتنسي00لابنمحي
لابنتهي 00منه الحريق
والفينا من اهات اليمه
من حكاوينا القديمه
لابيرحل عن عيونا
لابتغشاهو الهزيمه
والقبيل راجينو نحن
جات تبشر بيهو غيمه

(مهداة الي منال تبيدي00(الطبيبه))

محمد ساتي
09-02-10, 09:52 AM
الفرح المهاجر

يا رزينة ..
وصي عينيك الحنينة ..
تنثر الفرح المهاجر في عيون كل المدينة

سيبي احزانك تعالي
نحضن القمر البلالي
فوق نجيمات الليالي

نحكي للاطفال حكاوي
و نهدي للناس الغناوي
في الصباحات و الاصايل .. بالرياحين و الخمايل

يا رزينة
للرياح الهابة نحكي .. و للنسيمة
و للغيوم نهدي التحايا .. غيييييييمة غيمة
و للقمر طل في جبينك .. و للنجيمة

العيون كيفنها .. ؟؟
خلي بالك منها

الحزن فارقنا امسو ..
و النسيم يطربنا همسو
و الصباح الطل جانا
في جبينك شارقة شمسو

يا رزينة

magdikooooo
09-02-10, 10:02 AM
لو كنت ياصديقتي بمستوي جنوني
رميت ماعليك من جواهر
وبعتي مالديك من أسوار
ونمتي في عيوني
أنا لا أطمح أن أصبح قيصر
لا ولا أطمح أن أستلم العرش
فعرش الشعر أكبر
كل ما أرجوه ياسيدتي أن تحبيني قليلاً
لا لشئ إنما كي أتحضر
إني أحبك عندما تبكين
وأحب وجهك غائماً وحزين
بعض النساء وجههن جميلة
وتصير أجمل عندما يبكين
عشرين ألف أمرأة أحببت
عشرين ألف أمرأة جربت
وعندما ألتقيتك ياحبيبتي
شعرت
أني الآن بدأت
(قباني)

محمد ساتي
09-02-10, 02:30 PM
رجعلك قليبى

القدال

رجعلك قليبي المهضلم
يراجع صنوف الغناوى العصية
يراجع معاك الكلام القبيل استباك
الكلام المبهرج وخاوى
الكلام المزيف
ولا فيه غير إحتلام وانفصام
تموت الحروف يوم تقوم القصائد
مقام الطبول والبخور
بشوفك جرايد شواكر حوامد
ولا هامى فيها
عليها المصائب تمام التمام
مغايص بتفرم حشاها
وغبائن بتنفخ بطون البسفو التراب
وحايح لهيب تلهلب وتكوى الجلود
اتف القصائد
إذا مالقصائد دايره ليك البُكا
البِصاحب..رضا..السردار
واتف القصائد اذا مالقصائد
بتنزل مُريده وتسبح بحمد الذى
ابتلاك وهدانى الودار
طِريتك وأنا الكنت قايل
خيالك معشعش جواى
سكنتك ومالاقى فِجة
اخيرلك اقول البحرق حشاى
اخيرلك افضفض جراب الخبايا
أقول الكلام البفكفك سوارك
يوقف جدراك ويرفع عضايا
تضيع الرموز التغنى الكلام
أقول السكاكر أبتنى ورمتنى وكفانا
اقول العساكر تبارى الكبارى
وتفتش قلوب الجهال الشلوخهم هوية
واغنى الزيود والكنانة
كضب..
اقول البنات البفتحن صدورن
يقالدن رشاشك ويخلن حبيبن
كضب..
مراحك يعشى ويفشى
خضارك مرطب يندى الضهارى
ترابك...دخن لو رزعتو الحجارة
بلاك ولاك كروها السحالى
تسفر سعيتك تقنب تبارى
الجداد العقالى
تجوع يا البشدّر خريفك
سوافى البطانة
ويمّطر رزازك عزازا حصايا
وقموحك سنابل مشاط كرفالى
ابيت الكلام المغتغت وفاضى
وخمج
ولادك قصادك شعاع التحايا
يضوّوا الشقوق التلم الدوابى
يوروا الدورب للقلوبهم عمايا
عرقهم حبالك
وصوتهم مشانق
تلم الدقون الكبيرة
وتحدر فقر سمّنتها الليالى الضليمة
بتهدر حرائق وتحمى البياكلوا المطايب
وتسجن بطون الجياع العرايا
وشوشهم سمر حر اباطك
صفوفهم مرامك وحلمك حملهم
رغيفة وكرامه وسلامه
مصانع بتحرق قبل تبدا فيها
مزارع بتيبس ونيلك ممدد جنازة
وعقيدك وسيدك بيكتب ويمحى
وتبق المحايا.

magdikooooo
09-02-10, 02:33 PM
ساتي
الزول ده نهر إبداع ..
بس شوف كلمة مهضلم دي .. تكفي

magdikooooo
09-02-10, 03:23 PM
بعض الرحيق أنا والبرتقالة أنت
محمد المكي أبراهيم
إهداء عام للاخت نيو
.................لله يا خلاسيه

يا حانةٌ مفروشةٌ بالرمل

يا مكحولة العينين

يا مجدولة من شعر أغنية

يا وردة باللون مسقيّه

بعض الرحيق أنا

والبرتقالة أنت

يا مملوءة الساقين أطفالا خلاسيين

يا بعض زنجيّه

يا بعض عربيّه

وبعض أقوالى أمام الله

***

من اشتَرَاكِ اشترى فوح القرنفل

من أنفاس أمسيه

أو السواحل من خصر الجزيرة

أو خصر الجزيرة

من موج المحيط

وأحضان الصباحيّه

من اشتراك اشترى

للجرح غمداً

وللأحزان مرثيه

من اشتراك اشترى

منى ومنك

تواريخ البكاء

وأجيال العبوديه

من اشتراك اشترانى يا خلاسيه

فهل أنا بائع وجهى

وأقوالى أمام الله

***

فليسألوا عنك أفواف النخيل رأت

رملاً كرملك

مغسولاً ومسقياً

وليسألوا عنك أحضان الخليج متى

ببعض حسنك

أغرى الحلم حوريه

وليسألوا عنك أفواج الغزاة رأت

نطحاً كنطحك والأيام مهديه

***

ليسألوا

فستروى كلُ قمريه

شيئاً من الشعر

عن نهديك في الأسحار

وليسألوا

فيقول السيفُ والأسفار.

***

يا برتقالة

قالوا يشربونك

حتى لا يعود بأحشاء الدفاق رحيق

ويهتكون الحمى

حتى تقوم لأنواع الفواحش سوق

والآن راجوا

فظلّ الدن والإبريق

ظلت دواليك تعطى

والكؤوس تدار

***

هزّى إليك بجذع النبع

واغتسلى

من حزن ماضيك

في الرؤيا وفي الإصرار

هزّى اليك

فأبراج القلاع تفيق

النحل طاف المراعى

وأهداك السلام الرحيق

الشرق الأحمر

والنعمى عليك إزار

نجرى ويمشون للخلف

حتى نكمل المشوار

***

طاف الكرى بعيون العاشقيك

فعادوا منك بالأحلام

ما للعراجين تطْواح

وليس لأطيار الخليج بغام

النبعُ أغفى وكلّ الكائنات نيام

إلا أنا

والشّذى

ورماح الحارسيك قيام.

***

متى تجاوزتهم

وثباً إليك أجئ

شعرى بليل

وحُضنى بالورود ملئ

فلتتركى الباب مفتوحا

وحظى في الفراش دفئ

ولتلبسى لى غلالات الشذ ى

وغناء النبع والأشجار

فلى حديث طويل

مع نهديك في الأسحار

يا برتقاله

ساعات اللقاء قصار

تأملينى في الصباح أطلْ

البحر ساجٍ

وتحفافُ النخيل غزل

وبركة القصر بالنيلوفر ازدحمت

والنحل أشبع كاسات الزهور قبل

واننى الآن أزهى ما أكون

وأصبى من صباى

ومكسياً من النور الجديد إزار

تأملينى فإن الجزر أوشك

- إنى ذاهب-

ومع المدّ الجديد سآتى

هل عرفتينى؟

في الريح والموج

في النوء القوى

وفي موتى وبعثى سأتى

فقولى قد عرفتينى

وقد نقشت تقاطيعى وتكوينى

في الصخر والرمل ما بين النراجين

وإنى صرت في لوح الهوى تذكار

والآن

***

لا شابعاً من طيب لحمك

أو ريّان منسكب نهديك أمضى

فأوعدينى أن ستدعونى

الى فراشك ليلا آخر

وتطيليه علىّ بشعرك

في زندى

***

ولونك في لوني وتكوينى

فنيتُ فيك فضمينى

الى قبور الزهور الاستوائيه

الى البكاء

واجيال البعوديه

ضُمّى رفاتى

ولفّينى بزندك

ما أحلى عبيرك

ما أقواك

عاريةً وزنجيه

وبعض أقوالى أمام الله.

نيلوفر
09-02-10, 03:33 PM
بعض الرحيق أنا والبرتقالة أنت
محمد المكي أبراهيم
إهداء عام للاخت نيو
.................لله يا خلاسيه

يا حانةٌ مفروشةٌ بالرمل

يا مكحولة العينين

يا مجدولة من شعر أغنية

يا وردة باللون مسقيّه

بعض الرحيق أنا

والبرتقالة أنت

يا مملوءة الساقين أطفالا خلاسيين

يا بعض زنجيّه

يا بعض عربيّه

وبعض أقوالى أمام الله

***

من اشتَرَاكِ اشترى فوح القرنفل

من أنفاس أمسيه

أو السواحل من خصر الجزيرة

أو خصر الجزيرة

من موج المحيط

وأحضان الصباحيّه

من اشتراك اشترى

للجرح غمداً

وللأحزان مرثيه

من اشتراك اشترى

منى ومنك

تواريخ البكاء

وأجيال العبوديه

من اشتراك اشترانى يا خلاسيه

فهل أنا بائع وجهى

وأقوالى أمام الله

***

فليسألوا عنك أفواف النخيل رأت

رملاً كرملك

مغسولاً ومسقياً

وليسألوا عنك أحضان الخليج متى

ببعض حسنك

أغرى الحلم حوريه

وليسألوا عنك أفواج الغزاة رأت

نطحاً كنطحك والأيام مهديه

***

ليسألوا

فستروى كلُ قمريه

شيئاً من الشعر

عن نهديك في الأسحار

وليسألوا

فيقول السيفُ والأسفار.

***

يا برتقالة

قالوا يشربونك

حتى لا يعود بأحشاء الدفاق رحيق

ويهتكون الحمى

حتى تقوم لأنواع الفواحش سوق

والآن راجوا

فظلّ الدن والإبريق

ظلت دواليك تعطى

والكؤوس تدار

***

هزّى إليك بجذع النبع

واغتسلى

من حزن ماضيك

في الرؤيا وفي الإصرار

هزّى اليك

فأبراج القلاع تفيق

النحل طاف المراعى

وأهداك السلام الرحيق

الشرق الأحمر

والنعمى عليك إزار

نجرى ويمشون للخلف

حتى نكمل المشوار

***

طاف الكرى بعيون العاشقيك

فعادوا منك بالأحلام

ما للعراجين تطْواح

وليس لأطيار الخليج بغام

النبعُ أغفى وكلّ الكائنات نيام

إلا أنا

والشّذى

ورماح الحارسيك قيام.

***

متى تجاوزتهم

وثباً إليك أجئ

شعرى بليل

وحُضنى بالورود ملئ

فلتتركى الباب مفتوحا

وحظى في الفراش دفئ

ولتلبسى لى غلالات الشذ ى

وغناء النبع والأشجار

فلى حديث طويل

مع نهديك في الأسحار

يا برتقاله

ساعات اللقاء قصار

تأملينى في الصباح أطلْ

البحر ساجٍ

وتحفافُ النخيل غزل

وبركة القصر بالنيلوفر ازدحمت

والنحل أشبع كاسات الزهور قبل

واننى الآن أزهى ما أكون

وأصبى من صباى

ومكسياً من النور الجديد إزار

تأملينى فإن الجزر أوشك

- إنى ذاهب-

ومع المدّ الجديد سآتى

هل عرفتينى؟

في الريح والموج

في النوء القوى

وفي موتى وبعثى سأتى

فقولى قد عرفتينى

وقد نقشت تقاطيعى وتكوينى

في الصخر والرمل ما بين النراجين

وإنى صرت في لوح الهوى تذكار

والآن

***

لا شابعاً من طيب لحمك

أو ريّان منسكب نهديك أمضى

فأوعدينى أن ستدعونى

الى فراشك ليلا آخر

وتطيليه علىّ بشعرك

في زندى

***

ولونك في لوني وتكوينى

فنيتُ فيك فضمينى

الى قبور الزهور الاستوائيه

الى البكاء

واجيال البعوديه

ضُمّى رفاتى

ولفّينى بزندك

ما أحلى عبيرك

ما أقواك

عاريةً وزنجيه

وبعض أقوالى أمام الله.



أخجلتني00 وأتحفتني
رايع انت00 يامجدي
تسلم لي وهديتك مقبوله
ونردها ليك في السمح

نيلوفر
10-02-10, 06:48 AM
غدوت اشدو بين الحين والأخر باحثة عنك
انت هنا بين احضانى وانا لا اشعر بك

اعتدت ان اغفو بين زراعيك وانا اعلم انى
فاقدة الوعى عن هذه الدنيا


اسبح بين احضان الخيال وارسو عند نقطة تلاقى الانفاس
اعيد ترتيب اشيائك المبعثرة هنا وهناك

وانا محاطة بساعديك


اتلمس الاشياء بحنية تلك الانامل التى تداعبنى
اغازل كل ماحولى وانت لازلت ممسكا بى

حتى اكاد اشعر بأختراقك لجسدى

ارددك بينى وبين نفسى
اخاف ان اغتصب العشق فيك

وماذا الأن


اكون كألخرساء بين احضانك
لااسمع نبض قلبك
لا اجد زراعيك تحيط بى
لااشعر بشغفك بى
بأحتياجك الى
واصبحت انا اشحد العشق منك
عاتبنى
فأنا انتظر الموت على قدميك
اهبك روحى فقيدها

Abousamih
10-02-10, 10:48 AM
قالوا لي انساه وامسح من خيالك زكرياـــــــــــته
وانسي كل الماضى وابعد عن طريقه وعن حياته

عبدالحفيظ أبوسن
10-02-10, 08:46 PM
القدال
الرتينه



بنيه لى سالم ولد عتمان صلاة الذين وسموها الرتينة
امها بت علي الخمجان خريف الرازة عزينا
كبار الحلة اباتا وكبار الحلة اماتا
بتمرق ذينة تمشي تهاتي وذينة
بلا الربعة التحجل شاكية من شلكة كتافا
وفوق الجيد علي ضهر البوادي تغني ما خاتية الزرافه
ملاما رصين مقدم زوكا قبال الصحافة
وسلاما ضنين بسيمة ورقة الا تزيد لطافة
وكلاما يطمن الهمباتي والمجلوبة متعارض كتافا
وكان في الحلة يوم حنة علي الشاشوق
مشينا نقدم البنوت علي ضو الرتاين
خدودن واجة تنضح بالفجر والليل يحرك في المداين
وكان الليل ومن الحفلة الا صداها كان ذغرودة كان غناي
رقيص الشامة بت حمدين
وعرضة حامد العولاق
وختة حنة لي يات من حضور ضفرين
و نمات العديل والزين
وعيط ود مجمر زيييين عشان الزينة رقصت زين
وشنق ود سعد طاقيتو شان في الحلة ساو كنتين
وفي الشقعيبة كان راس مالو شبالين
وسهرة وين وبهرة وين وجهرة وين
اقول يابنية ليش ماتهمي ليش ماتهمي
فوق زولا مشلهت فوق زيادك
لا النفس مجبود ولا لحق الغزالة
وقفت وانبهت رماشا
جدعت بالبسم رشاشا
قالت والعيون ضحاكة في ضو الرتين بشاشة
ها المهجوم يهجمك الله كان داير تسيي لي الخلعة؟
عاد من حينها جاتني الحالة
قلتلا لا لا
حات النعمة يا بنية البريد في الريدة ما بيخبر فسالة
بريد انسانك الجواك واريد مهواك
واريدك والله ذي اخر الحتالة
وكل ما االعتمة تنزل سابلة بنسي عناي
اتاوق لي قناديلك
اذا ما الشوق عرف بكاكي اطري غناي
عليك العزة يالمريودة اطريني
وعليك العزة يالمريودة عزيني

عبدالحفيظ أبوسن
10-02-10, 08:55 PM
ا هذي القصيدة انجمي
من هذي الغبينة الفينا
من حلوات قصيدي ونمي
الا حروفها طعم الكينا
جبت حلاتها من خشم امي
يا حليلها العديلة حنينة
الا مرار حسارها يدمي
يا وارد الخناس يا نينا
الماسون مفور دمي
والبنا العظيم هارينا
لا البنا العظيم ود عمي
لا الصهيون حدق عينينا
اريت كل البلاد رام الله
اريت الفينا ما كان فينا
فيا كل الغلابا حدانا
يا الفقر البعد غالينا
يا جرحي ودوايا وسمي
يا زقلونا يا طردونا
يا دار السلام يا روينا
يا بيت الحجر في مكة
يا ام الشهيد يا امي
يادير البلح .. يا عكا
يا مسجد عمر يا سينا
يا..... من الخليج لي طنجة
يا كل المحيط الامي
لا الشارون طناش حاضرنا
لا الصهيون غباش ماضينا
ما من غيرنا جات خيبتنا
كتر خير يهود وادينا
ياروح العرب ردي
جري وقومي واشتدي
الغيرك عبر .. عدى
من اشبيلية للسند
كنت الهادية ترتدي
يا روح العرب ردي
شيلي الخطوتين مدي
قبل الخطوة تتمدي
لا بتجيبي لا بتودي
وان ما عندك : ايش تدي؟
يا روح العرب قومي
ختي العافية في قومي
يات من فيك مخزومي
اتغرب نطق رومي
واضحى سلامو شالومي؟؟
يا روح العرب مرة
جيبي الجوة والبرة
والولد الطفش فرة
من بلدا بقت مرة
فوق الراس وهي السرة
يا روح العرب مرة
وري المنعة والحرة
كري مع الشهيد كرة
تجني الغلتين برة
وتلدي محمد الدرة
اصل الحكوة انتا يا الخزين
خدرنا
نمنا على العسل والسمنة
من بعد العسل حلينا
واتحلينا
والماسون يخطط لينا
لامن يا الخزين ودرنا
واتحيرنا
مابين الوعود وسرابو
ما بين النضال وارهابو
قال لينا امنكم حادينا
من دي الكورنة جابو خبرنا
يا العرب الحسابكم جاري
طلعوا زيتنا واتنبرنا
بي حمد الكريم الباري
اننا في اوروبا بنينا
واننا في المحيط شبرنا
ولاس فيجاس نجيها ملاهي
لينا عليها خيل وبكاري
لا ما غطسنا واتوكرنا
وشان الروح تروح من اصلو
يبهت وينقطع طارينا
دخلو علينا باللوتاري
عبونا وبقينا رطينة
تقعد جمعتين في اليانكي
يبقى جوازك اخر زينة
الماسوني سيد امريكا
والصهيوني حاكم امريكا
والشاروني عين امريكا
ما امريكا هي الذبحتنا
ياخ امريكا هي المسكينة
بس حكامنا ما فهمونا
لا طول الزمن فهمونا
قلنا نغني للولد الشهيد
كتمونا
قلنا سبيا ابوكم قشري
ختونا في حديد يا بونا
بس حكامنا ما فهمونا
لا طول الزمن فهمونا
وامريكا بتبيع ما ينشري
ختالنا اليهود في كفة
لافالنا الحروب في لفة
سايقالنا الحزن في الدفة
ما همانا في زول لا زلم لا طينة
ازيدك في الغبينة.. غبينة
عندك غزة
احتلوها فاحتلونا
بعد الاحتلال حصرونا
من بعد الحصار هرسونا
في الضحى والعصر عصرونا
في بلود الشتات زرعونا
بالبلدوزرات حصدونا
لا بيتا وقف لا كرزة
لاتفاح سلم لا عنزة
يا طفل الحجر في غزة
لو هتلر نصب شواية
دول حشروك في طابونة
واتفرجنا والحسرة البتاكل ابونا
واتفرجنا والكل بالغبينة انجز
واتفرجنا واتطمنا ونسينا القبيل ولدونا
يا الخايفين اوان الحزة
دول اسياد ليالي المزة
من كتر الشجب شجبونا
لو كل العيال الشتو من قلب الحبيبة نسوها
نحنا مع الشهيد قيلنا
لامن يا الخزين ضقرنا
لا الكارت الاخيضر شافنا
لا عند السفارة بدرنا
لا الماسون مضالنا الفيزا
لا البنا العظيم سفرنا
نحنا على العلينا بقينا
ما اتذكرنا؟
ما اتذكرنا
كننا ياالشهيد ما نسينا
شان نرجي اليجي يفكرنا
شيل ارض العرب وادينا
من خيرها المرمي عاينا
لا حايق عليك لا فينا
لا ايديها سفلى عطاها
لا مقصر سماها وطينا
لو القسمة بس في نيلها
الفي بطنها يشبعنا
والفي كفها يكفينا
اسمع مني يا طاري البلا وناكرنا
دي الارض الببكي غناها
والارض البغني حزينها
ما من فقرها تفقرنا
وتفركشنا
وتحنكشنا
بس من كجها الكاجينا
وما من غيرنا جات خيبتنا
كتر خير يهود وادينا..........

سامية الصديق
11-02-10, 01:59 AM
عديلـه عليـك مشـاويـرك عديـلـه
عديله إن كان قصيره إن كـان طوليـه

عديله عليك محـل مـا تمشـي تمشـي
يـا عديلـه أبقيلـو زي الغيمـه رشـي
أما أنـا الهامانـي راحتـك أول الشـي
ليـك تأمرنـي وعلـي أمـرك بمشـي

بس توعدنـي مـا طـول بيـك غيبـه
وعد من أنبـل حبيـب لأجمـل حبيبـه
فيـك شفـت الدنيـا قاصيهـا وقريبـه
ومنـك اتعلمـت كيـف أقـدر أجيـبـه

لا متين يا نومي فيـك رؤيـاي تصـدق
ولا متين يا شوق موالي قليبـي تحـرق
تاني جود باللقيـا يـا زمنـي المفـرق
وتاني يا اجمل صباح في عمري أشـرق

يا حلاة العُشرة وكتين تبقي صـح صـح
ويا حلاة الريده وكتيـن تصفـى تفـرح
يا حلاة ليلاً معـاك مـا درنـا يصبـح
ويا حلاة صبحاً معاك تكون إنت المصبح
في الربيع قالوا الزهـور تنضـر تفتـح
يا ربيع في حضنو كـم لفانـي وارتـح
صار يباب بستاني من غيـرك مكـردح
غير سموم في أم شير وغير أم شير تكتح

حبـك الخلانـي لـى زول مـا بجافـي
وحبـك العلمنـي أنظـم ليـك قـوافـي
حبك أكبر مهر لـي طهـري وعفافـي
آي بحبك وأصلـو حبـك زيـو مافـي

محمد ساتي
11-02-10, 10:15 AM
الريس الغالي شكراً لاهداءك الجميل كما دواخلك

دم بهذا الصفاء

اسامة ابوزيد
11-02-10, 12:08 PM
الخرطوم بدونِك!!
ضهباني ..
وتفتِّش لى واحات عيونِك

تاهَت في الهجاير
باهِت لون جبينا
تتلفَّت تعايِن
مالي الشوق عيونا
تتعشَّم ، تصادفِك نظراتا الحزينة
تصغر بين زحاما
وتصبح ما مدينة

يكسي الليل بيوتا
وتتوشّح ظلاما
يحكى الحال سكوتا
ويتبعثر كلاما
فقدت يوم رحيلك طعم الابتسامة

سامية الصديق
13-02-10, 07:26 PM
ذكرى

أمد يدي للشمس

لأشاهد إنعكاس عينيكِ فيها

ولا أخذ سوا حرارة الشـوق والحنين

آآآهن يا وجعي

تنطق بها بعد رحيلكِ كل الاماني

وأجـدكِ ولا أجدكِ

وأعرف فقط أني أنتظركِ

في
كل
اللحظات

في
حزني و سفـري

بين حقائبي

وتحت أغطيت المدائن

بين اسطر الرسائل

في مخيلت الدقائق

لماذا تغادرني ابتسامتي

وتزيد

خفقة قلبي

كلما مررتِ بي ذكرى

آآهاتي من خلف أسوار الضياع تناديــكِ

في صمتي أنين

وفي خجـلي إحتراق لكل ذاتي

اوردتي وشراييني

لا اعتقد انها تنبض بدمٍ صافي

لقد سممتِ كل اوردتي

بحروف اسمكَ الاربع

استوطنتِ القلب واستعمرتِ الاورده

لتدمريني بعد رحيلكِ

عيناكَ؟

عيناكَ بدايات مشواري

وبدايات جرحي

وخجلــك ورقـتك

ضحكتك

وبكائك

فلتردد الملائك في كل طبقات السماء

رحمك الله

نيلوفر
14-02-10, 12:13 AM
تمنيتك الان بقربى
تداعبنى
تهمس لى بشتياقك الى
واغوص فى عينيك حتى الاعماق
واجردك من كل شئ
اغازلك كما الطفل فى الاحشاء
ادفئك بأوردتى
وانسج من قطرات دمى غطاء
اجتاحك كألاعصار
اقلبك بين اليمين وبين اليسار
اجادل فيك تلك النسمات التى تعبر
مسامات الفراغ
تداعبنى بكفيك كقطعة من حرير
ازيح بها عثرات الطريق
وغبار الايام
واغتسل بدمعى حين تهمس لى بأشتياقك لدفئ
عانقنى حبيبى فأنت منى
علمنى التوحد فى مضجعك وقاتلنى
وعاتبنى بتقصيرى وأنبئنى
ودعنى
اعاتب الايام كيف يهون عليها بعدنا

سامية الصديق
14-02-10, 07:56 AM
بالأمل صبرت قلبي
وعشت في دنيا الأماني
أهدهد الشوق بين ضلوعي
أترجم الآلام أغاني
تروي للناس سر عذابي
وتحكي ليهم ما شجاني
لا نفع دمعي السكبتو
ولا شفع عندك حناني

سامية الصديق
15-02-10, 02:29 AM
الحزن النبيل
وبقيت أغني عليك
غناوي الحسرة والأسف الطويل
وعشان أجيب ليك الفرح
رضيان مشيت للمستحيل
ومعاك في آخر المدى
فتيني ياهجعة مواعيدي القبيل
بعتيني لي حضن الأسى
وسبتيني للحزن النبيل
D D D D D
ومشيت معاك كل الخطاوي الممكنة
وبقدر عليها وبعرفها
أوفيت وما قصرت في حقك ولا كان
عرفة غيرك أصادفها
وقدر هواك يجيبني ليك
جمع قلوبنا وولفها
وكتين بقيتي معاي في أعماقي
في أعماق مشاعري المرهفة
لا منك إبتدت الظروف
لا بيك إنتهت الأماني المترفه
D D D D D
ندمان أنا
أبداً وحاتك عمري ما شلت الندم
ما أصلوا حال الدنيا
تسرق مُنية في لحظة عشم
وأنا عندي ليك كان الفرح
رغم إحتمالي أساكي يا جرح الألم
كان خوفي منك جاي من لهفة خطاك على المواعيد الوهم
أهوه نحن في الآخر سوى
باعنا الهوى
ماشين على سكة عشم !!
وبقيت أغني عليك
عناوي الحسرة والأسف الطويل

محمد ساتي
16-02-10, 02:05 PM
شكراً لكم ايها الرائعون

اسامة ابوزيد
17-02-10, 10:36 AM
النيل .. فوق خدودا .. دمعة بكت عليكي
قبلِ يحين فراقِك
ملتاع مشتهيكي
لو يقدر .. يغيِّر مجراهو ويجيكي
طافت بين ضفافا
كايساكي المراكب
وقمريّات تنادت للعُش في المغارب
والعُش.. يا حِليلِنْ .. عَصَفَتْبُو الهبايب

سامية الصديق
17-02-10, 03:49 PM
في غيابك ...
اصبحت حاضرة المجالس
أحدث العشاق عنك ِ
احدث ُ الاطفال عنك ِ .... وأبناء المدارس ْ
في غيابك ِ ....
صارت نساء الحي تعرفك ِ
ويكرهن ضحتك ِ
وينقدن مشيتكِ
وينبذن أفعالك ْ
في غيابك لا حضور لغيرك ِ
فالقلب محجوز المطارح
وطيفك اسدل ستائره
فلا ترى عيني الملائح
وان رأتها
فأنت في العين
تحجبي كل الملامح
في غيابك
لا حضور لغيرك ِ
فالقلب محجوز المطارح
والبقية تأتي
في غيابك

عبدالحفيظ أبوسن
19-02-10, 08:17 PM
يا اهل السواقي الديش
مآدين كروشكم ليش؟
ساقية حسن شِقيش
تدى المُلآح والعيش
يا والدة وينو حسن؟
الكان زمان صِنديد
شافوهو في البندر
بيعاني من الضيق
ضِيّق الحياة الخلّت
المِتلو يمشي بعيد
يا حِليلو يا ما كان
زولاً سخي وضكران
ما مخلِى زول عدمان
الحِلة والجيران
ما شافو يوم زعلآن
كان بيرفع الآذان
يا حليلو يا خِلآن
شافوهو في البندر
بيصارع الحِرمان
ساقيتو يا حليلها
شالوها ناس جونا
زنديّة حكمونا
حسن اللكان ضو بيت
وسط الظلط حيران
راح مِنو راس الخيط
يسأل في أهل الخير
يا أخوانا وينو شبير؟
قالولوا روّح فآت
قام بجماعتو بعيد
غنولو الف نشيّد
يعرض تملى سعيد
أيامو كُلها عيّد
إتحيّر المسكين
سألوهو ناس عآبرين
يا عمو ما عندك سرير؟
رآكوبة من حرّ الهجير
مكتوف على عيدانها زير
لآزم الرُقاد قطعة حصير
توب من فحيح الزمهرير؟
فوق خدو سآلت دمعتين
قشاها بوجع السنين
الصبر بس عاد لآمتين؟
شاف طيفها يترنح حزين
وصوتها القِبيل مُنساب حنين
في سمعو كان زفرآت أنين
تنادي في الأطياف بشيش
يا اهل السواقي الديش
وين فات حسن شِقيش؟
من تفتحت مطآميرو
لجارو وعشيرو
المابي تقديرو
ما دقّه لسديرو
الهيبة في شالو
كان القدر شالو
الجنّة فاتحالو
والراجي فيها عمآر
خشمو التُرآب كآلو
يا اهل السواقي الديش
ساكتين تطنطنو ليش
دلوني وروني
كان السمِح فآرق
ما اظنى بعدو أعيش...

اسامة ابوزيد
20-02-10, 11:17 PM
اتخيلى الانهار
ماصابها اى مرض
واتخيلى الاكوان
فى مهرجان مسحور هدت النجوم للارض
واتخيلينى وحيد وانا فاتنى يوم العرض
يانيل صبى وممشوق
من بهجة الامواج فىزفة منسابة
طارت سحابات شوق لمست حشا الغابة
طارت طيور بالكوم
طافت على الاشجار
لقت النخيل محموم
غنت مع الساهرين
غنت غنا العشاق
ياماشى فوق النيل
هاك الجمال منديل
ياجاى من النيل هاك النخيل اكليل
واتخيلنى وحيد انا والجروف والسيل

اسامة ابوزيد
21-02-10, 10:41 AM
قلت أرحل أسوق خطاواتي من زولاً نسى الألفة
أهوم ليل .. وأسافر ليل .. وأتوه من مرفى لي مرفى
أبدل ريد بعد ريدك .. عشان يمكن يكون أوفى
رحلته وجيت .. في بعدك لقيت كل الأرض منفى
عيونك ذي سحابة صيف تجافي بلاد وتسقي بلاد
وذي فرحاً بشيل مني الشقاء ويزداد
وذي كلمات بتتأوه .. تتوه لمن يجي الميعاد
وذي عيداً غشاني وفات وعاد عم البلد أعياد
وذي فرح البعيد العاد
وذي وطناً وكت أشتاقلو برحل ليهو من غير زاد
بدون عينيك بصبح زول بدون ذكرى وبدون ميلاد
رحلته وجيت .. في بعدك لقيت كل الأرض منفى
زمان الفرقة والتجريح بسيبو عشان تشيلو الريح
بسيبو عشان صحيح الذكرى بتوه عمرنا صحيح
وأنت معاي لا بندم ولا بقضي العمر تبريح
أصلو العمر شوقاً كان وحزناً كان وصبراً كان .. فسيح وفسيح
أصلو العمر كان درباً مشيتو كسيح
وكان غرساً سقيتو بُكى وقبضته الريح
رحلته وجيت .. في بعدك لقيت كل الأرض منفى

اسامة ابوزيد
22-02-10, 02:08 PM
ماضهبت اقول لقيتك
انتي فى كل الخواتم والمياتم
والنجيمات والعواتم والمغنين المطاليق
ما حزنت اقول بكيتك
نحن فى حزن المخاليق
الفرح جاييك وعد
غنوة اولاد التحاريك
كنتى فى ليل الخوابى
تهاتى بينات الطوابى
تحاكى جقليب السعى
الوليدات خلو حجرك ريح يفوفى
وعين مزرزرة من شقى الفرح المرابى
منية الوعد الداعى
انت في خوفك تكاتل رفة الطير والحفيف
انت فى شوفك تخاتل عينة الجلب الخريف
انت فى اللالوبة مصلبة البنيات النسيمات الهفيف
انت فى اللالوبة مشنقة الوليدات ناس نجومى
محبس النفس الرهيف

اسامة ابوزيد
23-02-10, 03:00 PM
رحلة النيل
ادريس جماع

النيل من نشوة الصــهباء سلسله وساكنو النيل سمار وندمــــــــان
وخفقة الموج أشجان تجـــــاوبها من القلوب التفاتات وأشجــــــان
كل الحيــــــاة ربيع مشرق نضر في جانبيه وكل العمر ريــــــعان
تمشي الاصــائل في واديه حالمة يحفها موكب بالعطر ريـــــــــان
وللخمائل شـــــــــــدو في جوانبه له صدي في رحاب النفس رنان
إذا العنادل حيا النيل صـــــادحها والليل ساج فصــــمت الليل آذان
حتي إذا ابتسم الفجر النضير لها وباكرته أهازيج وألحـــــــــــــان
تحدر النور من آفـــــــــاقه طرباً واستقبلته الروابي وهو نشـــوان
تدافع النيــــــــل من علياء ربوته يحدو ركاب الليالي وهو عجـلان
ما مل طول السري يوما وقد دفنت علي المدارج أزمان وأزمــــــان
ينساب من روضة عذراء ضاحكة في كل مغني بها للسحر إيـــوان
حيث الطبيعة في شرخ الصــــــبا ولها من المفاتن أتراب وأقـــران
وشاحها الشفق الزاهي وملعبــــها سهل نضير وآكام وقيــــــــــعان
ورب واد كســـــــاه النور ليس له غير الأوابد سمّار وجيــــــــران
ورب سهل من الماء اســـــتقر به من وافد الطير أسراب ووحـدان
تري الكواكب في زرقاء صــفحته ليلا إذا انطبقت للزهر اجـــــفان
وفي حمي جبل الرجـــاف مختلب للناظرين وللأهوال ميــــــــــدان
اذا صــحا الجبل المرهوب ريع له قلب الثري وبدت للذعر ألـــوان
فالوحش ما بين مذهول يصـــــفده يأس وآخر يعدو وهو حيـــــــران
ماذا دها جبل الرجاف فاصطرعت في جوفه حرق وارتج صـــــوان
هل ثار حين رأي قيــــــــــداً يكبله علي الثري فتمشت فيه نيــــــران
والنيــــــــــل مندفع كاللحن أرسله من المزامير إحساس وجــــــدان
حتي إذا أبصـــــر الخرطوم مونقة وخالجته اهتزازات وأشجــــــان
وردد الموج في الشــــــطين اغنية فيها اصطفاق وآهات وحرمـــان
وعربد الازرق الدفــــاق وامتزجا روحاً كما مزج الصهباء نشـوان
وظل يضرب في الصحراء منسرباً وحوله من سكون الرمل طوفـان
سار علي البيد لم يأبه لوحشــــــتها وقد ثوت تحت ستر الليل اكـوان
والغيم مد علي الآفــــــــــاق أجنحة ونام في الشط أحقاف وغــدران
والليل في وحشة الصـــــــــــحراء صومعة مهيبة وتلال البيد رهبان
إذا الجنادل قامت دون مســـــــربه أرغي وأزبد فيها وهو غضــبان
ونشر الهول في الآفـــــاق محتدماً جمّ الهيــــــــاج كأن الماء بركان
وحوّل الصخر ذرّاً في مســـــاربه فبات وهو علي الشطين كثبــــان
عزيمة النيل تفني الصــخر فورتها فكيف ان مسه بالضيم انســـــان
وانســـــــــــاب يحلم في واد يظلله نخل تهدل في الشطين فينــــــان
بادي المهــــــــــــابة شماخ بمفرقه كأنما هو للعلياء عنـــــــــــــوان

محمد ساتي
23-02-10, 03:30 PM
شكراً ايها الرائعون سمسم وبت الرفاعي والريس عموش شكر خسوسي

سامية الصديق
23-02-10, 04:06 PM
غريبة الليلة زي سنوات زمن ما كنا نتلاقى
عيونك شايله نفس الشوق وفاضت روحي أشواقه
غلبني أداري حزني عليك خطاي إحساسي ليك ساقه
صحي القالوه قبلي الناس دروب الريده فراقه
وصحي الفي الدنيا حظو جميل نار الفرقة ما ضاقه

hatim hassan
24-02-10, 07:42 AM
الهنا الذى انا -عثمان بشرى
كان يعنى ايه تكبر
وتلقى موظفين الروح على بعد انتظار شهقة
محل نفسك يشل جسدك
وتتمسح بخيط النور
كان يعنى ايه فى النسوة نون النسوة
وفى جسدك رجل مبهور
ومتورط الى ايدك
مجندل بالاغانى الضو
وبالشجر الحفى الممهور
تبق من تانة يا آسف
ومخنوق بالخلا العتمور
انا آسف
تعال ارجع معاى ياقبيل
يا وكتين ركيت الغيم بلاسالة
يا فاتحنى فى الزول الشفيف جداً
وغامض حد مسافة النور
وكانت فى الخيال طيرة
وفى الليل لما تتسحر ينطفى النور
وتقعد جمبك البكره
كان بعنى ايه تكبر...؟
اذا دلوقت انت سبقتو
قبل السور بعدى معاك
يا ساتر عليك يا قلب
يا فكرة
بلا ساحل ولا ذكرى سوى الذكرى
كفاك تكل
شوية من الغياب تكفى
انا ببكى
وببكى لانو ما ممكن اطفئ النور
الدنيا وحشة
اذا ما الليل يخون فى حماقاتو
ويدلق ذاتو من ذاتو
ابيت وين يا جداول الضو
واى طريق حامشى لوين
متين ما شفق جوا النار
ازغرد حوًا ولادة
ازغرد لو كانى انا
مرقت من القميص للتو
وحارسك يا جداول الضو
وكالعادة
امرقى ياخالة غناى فينى
عارفك ما بتعرفينى
وعارف انو اتعابك معاى
وثمة ولا فكاك منى
امرقى ،خلينى الاواسينى
مدام لازم تكونى انا
واكون اللزم العادة
امرقى لانى متحم بيك
الى حد الجريمة وانعدام الوزن
امرقى مرق حصان وقتك
على القبلة سلكنى وراك

سامية الصديق
25-02-10, 05:36 AM
لو اعزك ماكفايه
لوادسك في العيون الباكيه من خوف النهايه
لو غصون الدنيا تبقي اقلام والبحر يصبح دوايا
وبيهن اكتب عن مكانتك وعن غلاوتك ما كفايه

انت عارف بيك فرحنا ويكفي انو هواك معانا
والمحبه البين قلوبنا بنرضي نتعذب عشانا
وكل حروفنا الرادتك خليها في قلبك امانه
وحتي لو وصلك هجرنا وخطوتك زارت سوانا
مابنلومك في قرارك وبرضو ريدك في دمانا

واخر شي
وعندي امل اعود في موسم الامطار
زهور تضحك وخضره تتوج الاشجار
والاقيكم ويصبح فينا احلي نهار
وفي الاخر وداعا اوع تنسوني
انا المشتاق بشيلكم جوه في عيوني
وبطراكم عليكم الله اطروني

نيلوفر
26-02-10, 08:07 PM
بــــــــــــــــــــــــحبك

بحبك مش ذى اى كلمه 00
بحبك ختيته بين خلجات ضلوعى وغنيتا غنوه
بحبك طالعه من اعماق شعورى الصابه جمله
فيها الآم !مكتمله افراح ممزوجه سلوى00
وبــــــــــــــــــــــــــــــــحبك
كلمه سايقا شوق سنين
ضاماها نشوه 00
شوق لإحساس قديم إتجدد معاك
انشوده حلوه 00
وبــــــــــــــــــــــــــــحبك
شوقك السكن جواى مرشوش
بالعبير00
لما ارحل لعيونك القاهو
طالع لي زفير 00
إتنسم شذاهو الدافى يبقى
لي سمير 00
اتابع بيهو نجم الليل وين بيظهر
وين بسير 00
وبـــــــــــــــــحبك
بعد حبك بقيت اشوف الدنيا جد
وآآآآآآآحات 00
عاد حنين شعرى الضاع وبفتش
ليهو من سنوات 00
اهديت القوافى بهاك عشان اسطر
بيها كم آآآآآهات 00
اقول اكتب كلمه فيك بلقى امتلت
صفحات 00
وحتى الحروف تهواك فرحانه تردد
الصيحاات 00
صيحة قليب عانق هواك وودع
الآ ناااات 00
وبــــــــــــــــــــــــحبك

سامية الصديق
26-02-10, 11:57 PM
أسافر في عينيك أبحث عن مأوى


أيا رحب الأحداق ياعذب النجوى


نسيت على أهدابك السود عالمي


وحلَّقت مشتاقاً مع الأنجم النشوى


أبحرية العينين وردية الشذى


تحرضني أمواج عينيك أن أهوى


أذوب على ترنيمة الشوق فيهما


وأبحر في أحداق ليلهما الأحوى


حنانهما يحدو قوافل أدمعي


ويهدي لي الأشعار والمنَّ والسلوى


بها جزر الأحلام موال عاشق ٍ


يرددها لحناً ويسمو بها شدوا


كغابات نخل ٍ شامخات إلى العلى


تعلمنا قاماتها الفخر والزهوا


يلوح لنا من خلفها روض حالم


ٍ به ذكريات اليأس عن خاطري تطوى


ألملم أشواقي إليك قصيدة ً


بها قصة العشاق من بعدنا تُروى


سألت الليالي عنك يا نجم الرؤى


وأخبرتها أني على البعد لا أقوى


أنا الشاعر( النجمي) ينتابني الأسى


فأعزف أشعارى وأسمو عن الشكوى


ملئت دواوين الشذا من تألقي


سقيت المدى شعراً وما اسطعت أن أروى


ينام الذي يخلو من الهمِّ روحه


ُ ومن أدمن الأشواق صلب على البلوى


هب الشاعر المجروح حبك وارسم
على مقلتيه السعد يا عذب النجوى

سامية الصديق
27-02-10, 05:21 PM
وبعدك كيف يكون حالى ..
لمه يجيبو سيرتك لى ..
مره بلوم زمن قدار ..
ومره اللوم بجيبو على ..
بس ياريت الزمان يقبل ..
تانى لى دنياك يرجع بى ..
ومنو القال ليك نسيت ريدك ..
ما ريدك شايلو فى عينى

محمد ساتي
28-02-10, 03:11 PM
يا من يرى مدَّ البعوض جناحها *** في ظلمة الليل البهيم الأليَلِ
ويرى نياط عروقها في نحرها *** والمخَّ في تلك العظام النُّحَّلِ
امنن علي بتوبة امحو بهــــــا *** ما كان مني في الزمان الأولِ

اسامة ابوزيد
01-03-10, 07:56 AM
ايا يوماً يحاصر ليله فجرُ
ايا ارجاً يفوق اريجه العطرُ
ايا روحاً كأن شذى انفاسه زهرُ
ايا ثغراً يصوغ حديثه سحرُ
اليك فررتُ من نفسى
فايامى كما امسى
وافراحى كما بؤسى
فذا صبحى بلا شمس
فكيف ترينى إذ أمسى ؟!
ايا حسناء قد جئت
وفى همس قد قلت :
غداً احل ...
فهل تقبل ..
بان أفعل؟!
وتاهت احرفى عني
ولم أسأل

magdikooooo
01-03-10, 12:54 PM
تلاتة سنين وكم أيام وخايف يكبرن يبقن بدل أيام سنين ودنين وكمين عام
إسماعيل حسن

محمد ساتي
02-03-10, 03:04 PM
قالت شهاوي بت الملك العجيل احدى شاعرات الشايقية ترثي الامين ود النو :

كم شدو له فوق مربيت المقوى التابي ما انهديت
ابوي التام ضراع الليث

كم شدو له فوق حصان يضرب ما يدور معوان

ات الثابي ما بتتـــــهان يا كسار جبال عدنان

وادي السيسبان سمعان ضواً هاين العربان

لحد البلد ما كان يا اب طه الضربه بالجيزان

كم شدو له فوق مدوب كم شلوخ رميت تلوب

ابوي للخيول مدروب ضراع الزاملة للاقروب

زيطك في مصر منصوب راح في الدنيا غير مكتوب

كم شدو له فوق كربات كم هبر شرق اورباب

الداخرنه للحوبات كم جالس ولاد خيمات

قولي القلته ما في غلات من قبله المكرم مات

اسامة ابوزيد
03-03-10, 07:16 AM
أغدا ألقاك يا خوف فؤادي من غدى
يالشوقى واحتراقي في انتظار الموعد
آه كم أخشى غدي هذا وارجوه اقترابا
كنت استدنيه لكن هبته لما أهابا
واهلت فرحة القرب به حين استجابا
هكذا احتمل العمر نعيما وعذابا
مهجة حاره وقلبا مسه الشوق فذابا

اسامة ابوزيد
03-03-10, 10:00 AM
الضواحى وطرف المداين
يلا ننظر شفق الصباح
قوموا خلو الضيق في الجناين
شوفوا عز الصيد في العساين
يله نقنص نطرد نعاين
النهار أن حر الكماين
كلبي يا جمجوم أصله خاين
شوفوا كيفن يبرأ الملاين
هب شال وكشح المراح
للقنيص الخيل خف راسن
نحن ما بنخاف من مراسن
المكارم غرقنا ساسن والمجاهل
مين غيرنا ساسن
ان عطشنا نمز مر وآسن
وأن عشقنا بنعشق محاسن
فى المحاسن كفي يومنا راح
في الخميلة انجلت المحاسن
عيني حايرة ومشي قلبي جاسن
بعض حسنك هي يا محاسن
الحرير حين قدميك داسن
والزهور حين شفتيك باسن
والغصون من لدنك مياسن
والنسيم فاح بكر الملاح
يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيخ والبراح
شوف صباح الوادي وجماله
وشوف خضاره وصيده ورماله
شوف يمينه وعاين شماله
شوف نسيم الليل صاحي ماله
شوف فريع الشاو مين أماله
القمر خجلان من كماله
والصباح لا بهل الوشاح
يا أم لسانا لسع معجن
كلمة كلمة وحروفه ضجن
ديل خدودك غير داعي وجن
ديل عيونك من غير سبه لجن
ديل دموعك من نظرة شجن
ده دلال ايه ده دلال معجن
محن الامات يا رداح
ماك نسيم الليل بي برودك
نامت الازهار فوق خدودك
غرد العصفور فوق عودك
النفوس ما اتعدت حدودك
ما عرفنا عدوك من ودودك
بس أنا المقسوم لي صدودك
يا حياتي وأملي اللي راح

اسامة ابوزيد
03-03-10, 01:50 PM
لوتجازي لوتسمحي *مني ريدك مابتمحي
بي خيول الشوق أرحمي *واروي دمعي البطمحي
بس عشوقك لاتقمحي *بي طريف العين ألمحي
بريض فاهم سر الوحي* الفي حواجبك بتلوحي
تمسي هجة ونور تصبحي *وفي قلوب الناس تربحي
ياالحمامة البتصبحي *بي فريعك بتميحي
كيف عزولك لاتروحي *وانت جنة ونار تقدحي
يازهير الروض فتحي *والنسيم بالطيب كتحي
من غصونك ماتبرحي *يوم تبكي ويوم تفرحي
المبكم بتنصحي *وبي نغيمك بتفصحي
هاك عقلي الطاش انصحي*وكان مغيب والان صحي

اسامة ابوزيد
04-03-10, 08:10 AM
الشادن الكاتلني ريدو هلك النفوس و الناس تريدو
مـالو لو يـرحم مـريـدو
في الكون وحيد والكون وحيدو فـيـه لا يـوجـد طـريدو
نـظم القلوب في سلك ريدو لبسـن قـلايد في وريـدو
الجيل قديمو علي جديدو بيه اعـترف مـعدوم نديدو
فاق السلاح وفضح حديدو نـقرابي فـي صفحة خديدو
يصعب علي وصف فصيدو صـعبان علي انظـم نشيدو
دا غزال وسارح بين صيدو يازيد مـحال شركك يصيدو
انسان كحيل ناعس هجيد جيد الغـزالة كـأنو جـيدو
مهما اقول والقول اجيدو انا وصفو كـيف اقدر اجيدو
كلما اقول الحظ يعيدو نحس الزمان يشرح سعيدو
القطر دانيهو وبعيدو هو هلال صيامو ويوم عيدو

magdikooooo
06-03-10, 12:41 AM
ليك مدة مابنت
وأنا في إشتياق لي شوفتك حبيبي وين إنت

ahlam izat
06-03-10, 01:27 PM
تجينى ويجينى معاك زمن امتع نفسى بالدهشة

عمر الطيب الدوش

magdikooooo
10-03-10, 09:43 AM
كل ماتباعد بينا عوارض ألقا هواك ياطيبة مكني

magdikooooo
13-03-10, 12:57 PM
ود مدني
كما لم لم يتغني بها محمد الامين
وكما غناها بادي
يا لقلب بالهموم حبكا
طرفه مسهد وعيشته ديمة بكا
كم تألم بالنوى انعبكا
كم ذكركم وفكره كم ربكا

*****
حين سألنا حاوي الوصب
من خمايل قرية القصب
قالوا جات سيرتك علي النصب
نحن بين الروضة والقصب
صنفن بعدها قالن إن تصب
تربط الأحلام مع الخصب
كان حبيبنا وحاشا ما نصبي
ومن زمان فارقنا وهو صبي

*****
تاني ما سمعنا انقطع خبره
يا حليلم طشوا ما انخبرو
واحدة فيهن قالت انجبرو
فقر أبونا وخدمة النبرو

*****
الكنانة أكرمت نزلي
وأغدقت من خيره كل زلي
إن حييت أو مت في الأزل
ده مقدر طبعه في الأزل
غايتو بختم نفثتي الخطرت
بي تحية من حشاي شطرت
للتدور والطارية والنطرت
سلاما ما الغصون خطرت

magdikooooo
13-03-10, 12:59 PM
كما غناها إسماعيل عبد المعين
ماله أعياه النضال بدني
روحي ليه مشتهية ود مدني
ليت حظي سمح وأسعدني
طوفه فد يوم بي ربوع مدني
كنت أزوره ابويا ود مدني
واشكي ليه الحضري والمدني

magdikooooo
13-03-10, 12:59 PM
ماأضافه محمد الامين
آه علي حشاشتي ودجني
وحنيني ولوعتي وشجنى
دار أبويا ومتعتي وعجني
يا سعادتي وثروتي ومجني

اسامة ابوزيد
13-03-10, 04:11 PM
خاطبته بي لغة الهــوي... فاجابني بي لغة العيون
في مرة كنا انا وهـو ... في روض جميل ثمره استوي
وريته مابي من شجون
ومن عطفه اظهر لي شجون
قال لي عزيز يهون
ما دمنا نحن علي الهواء ...يا حبيبي متعاهدين سوا
قلت ليه قلبي الليك غوي...في حبو ما ضل وغوي
وحياة جمالك يا مصون
حلي وانقسم ولي ابتسم وزاني تحت الغيم سنا وكشف عن العناب جنا
قال لي ما معني القسم بي جمالي في شعرك هنا؟ قتليه يا سمح القسم
كيف ما افاخر بيك انا وانت اللي اوحيت لي غناء
في قلبي شخصك اترسم
واعلم يقين انا في غني عن حب سواك وعلي هواك
حتي المنون
قال لي صحيح قلبك جريح وهواك صريح
شعرك رفيع في مستوي
لحنه البديع يطوي الجوي
كم اطفا للظمان روي بل احيا اموات الهوي
قلت ليه برضك لي ظلوم كيف ما غرامي عليك يدوم
وانا فكري عندك كل يوم
يستوحي من حسنك علوم قال لي خلاص يا خوي نقوم
ودعني بي لغة العيون ودعتو بي قلبي الحنون

magdikooooo
13-03-10, 05:10 PM
حبو صفقة جوه قلبي ليهو شفقة

magdikooooo
14-03-10, 07:45 AM
شماليفك نـــــــــضاف وصباك ناقع ماها
روبتك قامتك الــــــمربوعة تب قاسماها
جميل جيدك مسجل والــــعقول لا سماها
دعجات خده صادعا فى البهيم يا سماها

اسامة ابوزيد
15-03-10, 09:02 AM
ونحن الجبنه واللبريقْ
ونحن قداحنا سَاوات ضيقْ
ونحن بيوتنا مفتوحاتْ
مَسَاىْ .. وَصباحْ
ونحن وشُوشنا
مطروحاتْ
مَسَاىْ وصباحْ
ونحن السَمحه
والقَمحه
ونحن الطله .. واللمحه ،
ونحن الصِيدْ
ونحن العيدْ ،

محمد ساتي
18-03-10, 04:25 PM
قاسم ابو زيد


الــقاكى وين
ألقاكى وين...
كان التعب قفـّل
مسامات الضياع
غناكى مزمار الزمن ..
إرشيف عِشِق اصوات نغم
وتر التراخى .. موشحات
****************
ألقاكى وين
من غبت ما شرقت شمِس
والدهشة ساساق الدروب
لى وين تمِش
نار النضال لو تنهبِش
توقِد سنون المتعبين
تعقد زفاف آخر ضمير
إتباع مقنّن بالقِرِش
**************
ألقاكى وين
كان التعب ما ختّ إيدو
على جبين تربال يخم
رمل الشقا المليان غُلُب
دقست قوافلو مع السراب
ورابط جِلَيد الهم سِعِن
محزوم خِشيمو من الصَبُر
ختيتى فوقى الليل
والليل سقانى السّمْ
أنا خاطرى فى المطرة
ريحة الدعاش .. والشّمْ
.. ألقاكى وين

magdikooooo
22-03-10, 09:55 AM
ما أصعب الكلام (إلى ناجي العلي)

ساتي
والله اخذت مني وكت
للشاعر احمد مطر في رثاء ناجي العلي
رحمهما الله


ِشكراً على التأبينِ والإطراءِ
يا معشرَ الخطباء والشعراءِ
شكراً على ما ضاعَ من أوقاتكم
في غمرةِ التدبيـج والإنشاءِ
وعلى مدادٍ كان يكفي بعضُـه
أن يُغرِقَ الظلماءَ بالظلماءِ
وعلى دموعٍ لو جَـرتْ في البيدِ
لانحلّـتْ وسار الماءُ فوق الماءِ
وعواطفٍ يغـدو على أعتابها
مجنونُ ليلى أعقـلَ العقلاءِ
وشجاعـةٍ باسم القتيلِ مشيرةٍ
للقاتلين بغيرِما أسمـاءِ
شكراً لكم، شكراً، وعفواً إن أنا
أقلعتُ عن صوتي وعن إصغائي
عفواً، فلا الطاووس في جلدي ولا
تعلو لساني لهجةُ الببغاءِ
عفواً، فلا تروي أساي قصيدةٌ
إن لم تكن مكتوبةً بدمائي
عفواً، فإني إن رثيتُ فإنّما
أرثي بفاتحة الرثاء رثائي
عفواً، فإني مَيِّتٌ يا أيُّها
الموتى، وناجي آخر الأحياء !
***
"ناجي العليُّ" لقد نجوتَ بقدرةٍ
من عارنا، وعلَوتَ للعلياءِ
إصعـدْ، فموطنك السّماءُ، وخلِّنا
في الأرضِ، إن الأرضَ للجبناءِ
للمُوثِقينَ على الّرباطِ رباطَنا
والصانعينَ النصرَ في صنعاءِ
مِمّن يرصّونَ الصُّكوكَ بزحفهم
ويناضلونَ برايةٍ بيضاءِ
ويُسافِحونَ قضيّةً من صُلبهم
ويُصافحونَ عداوةَ الأعداءِ
ويخلِّفون هزيمةً، لم يعترفْ
أحدٌ بها.. من كثرة الآباءِ !
إصعَـدْ فموطنك المُـرّجَى مخفرٌ
متعددُ اللهجات والأزياءِ
للشرطة الخصيان، أو للشرطة
الثوار، أو للشرطة الأدباءِ
أهلِ الكروشِ القابضين على القروشِ
من العروشِ لقتل كلِّ فدائي
الهاربين من الخنادق والبنادق
للفنادق في حِمى العُملاءِ
القافزين من اليسار إلى اليمين
إلى اليسار كقفزة الحِرباءِ
المعلنين من القصورِ قصورَنا
واللاقطين عطيّةَ اللقطاءِ
إصعدْ، فهذي الأرض بيتُ دعارةٍ
فيها البقاءُ معلّقٌ ببغاءِ
مَنْ لم يمُت بالسيفِ مات بطلقةٍ
من عاش فينا عيشة الشرفاء
ماذا يضيرك أن تُفارقَ أمّةً
ليست سوى خطأ من الأخطاءِ
رملٌ تداخلَ بعضُهُ في بعضِهِ
حتى غدا كالصخرة الصمّاءِ
لا الريحُ ترفعُها إلى الأعلى
ولا النيران تمنعها من الإغفاءِ
فمدامعٌ تبكيك لو هي أنصفتْ
لرثتْ صحافةَ أهلها الأُجراءِ
تلك التي فتحَتْ لنَعيِكَ صدرَها
وتفنّنت بروائعِ الإنشاءِ
لكنَها لم تمتلِكْ شرفاً لكي
ترضى بنشْرِ رسومك العذراءِ
ونعتك من قبل الممات، وأغلقت
بابَ الرّجاءِ بأوجُهِ القُرّاءِ
وجوامعٌ صلّت عليك لو انّها
صدقت، لقرّبتِ الجهادَ النائي
ولأعْلَنَتْ باسم الشريعة كُفرَها
بشرائع الأمراءِ والرؤساءِ
ولساءلتهم: أيُّهمْ قد جاءَ
مُنتخَباً لنا بإرادة البُسطاء ؟
ولساءلتهم: كيف قد بلغوا الغِنى
وبلادُنا تكتظُّ بالفقراء ؟
ولمنْ يَرصُّونَ السلاحَ، وحربُهمْ
حبٌ، وهم في خدمة الأعداءِ ؟
وبأيِّ أرضٍ يحكمونَ، وأرضُنا
لم يتركوا منها سوى الأسماءِ ؟
وبأيِّ شعبٍ يحكمونَ، وشعبُنا
متشعِّبٌ بالقتل والإقصاءِ
يحيا غريبَ الدارِ في أوطانهِ
ومُطارَداً بمواطنِ الغُرباء ؟
لكنّما يبقى الكلامُ مُحرّراً
إنْ دارَ فوقَ الألسنِ الخرساءِ
ويظلُّ إطلاقُ العويلِ محلّلاً
ما لم يمُسَّ بحرمة الخلفاءِ
ويظلُّ ذِكْرُكَ في الصحيفةِ جائزاً
ما دام وسْـطَ مساحةٍ سوداءِ
ويظلُّ رأسكَ عالياً ما دمتَ
فوق النعشِ محمولاً إلى الغبراءِ
وتظلُّ تحت "الزّفـتِ" كلُّ طباعنا
ما دامَ هذا النفطُ في الصحراءِ !
***
القاتلُ المأجورُ وجهٌ أسودٌ
يُخفي مئاتِ الأوجه الصفراءِ
هي أوجهٌ أعجازُها منها استحتْ
والخِزْيُ غطَاها على استحياءِ
لمثقفٍ أوراقُه رزمُ الصكوكِ
وحِبْرُهُ فيها دمُ الشهداء
ولكاتبٍ أقلامُهُ مشدودةٌ
بحبال صوت جلالةِ الأمراء
ولناقدٍ "بالنقدِ" يذبحُ ربَّهُ
ويبايعُ الشيطانَ بالإفتاءِ
ولشاعرٍ يكتظُّ من عَسَـلِ النعيمِ
على حسابِ مَرارةِ البؤساءِ
ويَجـرُّ عِصمتَه لأبواب الخَنا
ملفوفةً بقصيدةٍ عصماءِ !
ولثائرٍ يرنو إلى الحريّةِ
الحمراءِ عبرَ الليلةِ الحمراءِ
ويعومُ في "عَرَقِ" النضالِ ويحتسي
أنخابَهُ في صحَة الأشلاءِ
ويكُفُّ عن ضغط الزِّنادِ مخافةً
من عجز إصبعه لدى "الإمضاءِ" !
ولحاكمٍ إن دقَّ نورُ الوعْي
ظُلْمَتَهُ، شكا من شدَّةِ الضوضاءِ
وَسِعَتْ أساطيلَ الغُزاةِ بلادُهُ
لكنَها ضاقتْ على الآراءِ
ونفاكَ وَهْـوَ مُخَـمِّنٌ أنَّ الرَدى
بك مُحْدقُ، فالنفيُ كالإفناءِ !
الكلُّ مشتركٌ بقتلِكَ، إنّما
نابت يَدُ الجاني عن الشُّركاءِ
***
ناجي. تحجّرتِ الدموعُ بمحجري
وحشا نزيفُ النارِ لي أحشائي
لمّا هويْتَ هَويتَ مُتَّحـدَ الهوى
وهويْتُ فيك موزَّعَ الأهواءِ
لم أبكِ، لم أصمتْ، ولم أنهضْ
ولم أرقدْ، وكلّي تاهَ في أجزائي
ففجيعتي بك أنني.. تحت الثرى
روحي، ومن فوقِ الثرى أعضائي
أنا يا أنا بك ميتٌ حيٌّ
ومحترقٌ أعدُّ النارَ للإطفاءِ
برّأتُ من ذنْبِ الرِّثاء قريحتي
وعصمتُ شيطاني عن الإيحاءِ
وحلفتُ ألا أبتديك مودِّعاً
حتى أهيِّئَ موعداً للقاءِ
سأبدّلُ القلمَ الرقيقَ بخنجرٍ
والأُغنياتِ بطعنَـةٍ نجلاءِ
وأمدُّ رأسَ الحاكمينََ صحيفةً
لقصائدٍ.. سأخطُّها بحذائي
وأضمُّ صوتكَ بذرةً في خافقي
وأصمُّهم في غابة الأصداءِ
وألقِّنُ الأطفالَ أنَّ عروشَهم
زبدٌ أٌقيمَ على أساس الماءِ
وألقِّنُ الأطفالَ أن جيوشهم
قطعٌ من الديكورِ والأضواءِ
وألقِّنُ الأطفالَ أن قصورَهم
مبنيةٌ بجماجمِ الضعفاءِ
وكنوزَهم مسروقةٌ بالعدِل
واستقلالهم نوعُ من الإخصاءِ
سأظلُّ أكتُبُ في الهواءِ هجاءهم
وأعيدُهُ بعواصفٍ هوجاءِ
وليشتمِ المتلوّثونَ شتائمي
وليستروا عوراتهم بردائي
وليطلقِ المستكبرون كلابَهم
وليقطعوا عنقي بلا إبطاءِ
لو لم تَعُـدْ في العمرِ إلا ساعةٌ
لقضيتُها بشتيمةِ الخُلفاءِ !
***
أنا لستُ أهجو الحاكمينَ، وإنّما
أهجو بذكر الحاكمين هجائي
أمِنَ التأدّبِ أن أقول لقاتلي
عُذراً إذا جرحتْ يديكَ دمائي ؟
أأقولُ للكلبِ العقور تأدُّباً:
دغدِغْ بنابك يا أخي أشلائي ؟
أأقولُ للقوّاد يا صِدِّيقُ، أو
أدعو البغِيَّ بمريمِ العذراءِ ؟
أأقولُ للمأبونِ حينَ ركوعِهِ:
"حَرَماً" وأمسحُ ظهرهُ بثنائي ؟
أأقول لِلّصِ الذي يسطو على
كينونتي: شكراً على إلغائي ؟
الحاكمونَ همُ الكلابُ، مع اعتذاري
فالكلاب حفيظةٌ لوفاءِ
وهمُ اللصوصُ القاتلونَ العاهرونَ
وكلُّهم عبدٌ بلا استثناء !
إنْ لمْ يكونوا ظالمين فمن تُرى
ملأ البلادَ برهبةٍ وشقاء ِ؟
إنْ لم يكونوا خائنين فكيف
ما زالتْ فلسطينٌ لدى الأعداءِ ؟
عشرون عاماً والبلادُ رهينةٌ
للمخبرينَ وحضرةِ الخبراءِ
عشرون عاماً والشعوبُ تفيقُ مِنْ
غفواتها لتُصابَ بالإغماءِ
عشرون عاماً والمفكِّرُ إنْ حكى
وجبت لهُ طاقيةُ الإخفاءِ
عشرون عاماً والسجون مدارسٌ
منهاجها التنكيلُ بالسجناءِ
عشرون عاماً والقضاءُ مُنَزَّهٌ
إلا عن الأغراض والأهواءِ
فالدينُ معتقلٌ بتُهمةِ كونِهِ
مُتطرِّفاً يدعو إلى الضَّراءِ
واللهُ في كلِّ البلادِ مُطاردٌ
لضلوعهِ بإثارةِ الغوغاءِ
عشرون عاماً والنظامُ هو النظامُ
مع اختلاف اللونِ والأسماءِ
تمضي به وتعيدُهُ دبّابةٌ
تستبدلُ العملاءَ بالعملاءِ
سرقوا حليب صِغارنا، مِنْ أجلِ مَنْ ؟
كي يستعيدوا موطِنَ الإسراءِ
فتكوا بخير رجالنا، مِنْ أجلِ مَن ْ؟
كي يستعيدوا موطِنَ الإسراءِ
هتكوا حياء نسائنا، مِنْ أجلِ مَنْ ؟
كي يستعيدوا موطِنَ الإسراءِ
خنقوا بحريّاتهم أنفاسَنا
كي يستعيدوا موطِنَ الإسراءِ
وصلوا بوحدتهم إلى تجزيئنا
كي يستعيدوا موطِنَ الإسراءِ
فتحوا لأمريكا عفافَ خليجنا
كي يستعيدوا موطِنَ الإسراءِ
وإذا بما قد عاد من أسلابنا
رملٌ تناثر في ثرى سيناء !
وإذا بنا مِزَقٌ بساحات الوغى
وبواسلٌ بوسائل الأنباءِ
وإذا بنا نرثُ مُضاعَفاً
ونُوَرِّثُ الضعفينِ للأبناءِ
ونخافُ أن نشكو وضاعةَ وضعنا
حتى ولو بالصمت والإيماءِ
ونخافُ من أولادِنا ونسائنا
ومن الهواءِ إذا أتى بهواءِ
ونخافُ إن بدأت لدينا ثورةٌ
مِن أن تكونَ بداية الإنهاءِ
موتى، ولا أحدٌ هنا يرثي لنا
قُمْ وارثنا.. يا آخِـرَ الأحياءِ !

magdikooooo
22-03-10, 02:49 PM
الجالوص ..................................... معروفة الهوية
معتوهة .. معتقة .. ومنعتقة

نوافير إنتشاء .. وحشمة وحمار العين

تنقـِّى من القبور السكلبة

ومن بيت بكاك .. زيف المعزين

تضحك كل ما وقعت مصيبة

تمشى على العجين وتلخبطو

ترطن إذا جاها الحنين

يا بت بيوت الهجعة كيف

وغبار شوارعك ماشى وين

زقاق يفتش فى زقاق

كتمة وضلمة .. وإنعتاق

أنا فيكى لامونى المساجين

سكاتك منازل حلال الحرام

سكاتك على حين أهش الحمام

سكاتك عليك لما تصحى المسام

وسكاتك عليهم .. سكوت والسلام

صوتك وكت قطع البحر

قُبـّال مراكب العمدة .. ضهر النيل عـِرِق

والشمس فوق حبل الغيوم شرت جلاليب النعاس

ناشف غرب .. مبلول شرق

والمطرة زى شِفّع العيد .. تدخل غرف كل البيوت

حكمة الجوع الشرح للأرضة كيف تقرا المِرِق

وقبال يقع فوقك سقف .. يتنحنح الجالوص

أمرق على مهلك .. مروق الحنة من ضُفر العروس

وأصعد على مهلك .. صعود البذرة والروح .. والشموس

مبنية مدن الخوف .. من طينة آخر الليل

وأنا فى سقالة الشوف .. قدح البصيرة تقيل

فاتح زريبة الجوف

تمرق تخش الخيل

على كيفا .. كيف معلوف ..ضهر المظنة يشيل

وأنا ظنى ظنيتو .. لا النيل غريق فى النيل

والليل ولا فى بالو ليل

ساكت يغنوا على القمر

واجعنى فى البحر السكات

وسكتنى فى الوجع البحر

يا بِت صباح الطير .. وين البلد ركّت؟

ما عاد هواك يفتح فى الكتمة شباك النزيف

ريف الجسد ــ صدرك ــ سبلوقة اللبن الحريف

داسينى فيكى نَدُر .. والأنبياء فاتوا

وأنبياء بين بين .. قاعدين فى ضل النار

داسينى فيكى نَدُر

وفى غفلة جوا الكفار .. وطارت حمامة الغار

لاقونى ناشف .. ومـُر

ماذنب جلد الطار ..

لو غنوا بيهو شـُتـُر

ما تخافى الله معاك

.. وكل الملايكة .. سـُمـُر

magdikooooo
22-03-10, 03:10 PM
شهيق ........................ من ذات المنبع
ما تتضارى ورا الدعوات
وما تتلبسى فرح الفات
بسكن فيك النغم الزايف
ويسرق حاسة شوفنا الواقفة على رجلين جوانا
نحن الهاوية .. والمتطامن من الأرض
آه من نحلك ساعة يرحل
ولمن يكتب فينا الحنضل
ويختم عمرو بفعل الشهد

قال الجدول :
طلوع النخلة .. مرور الريح .. واحد
لكن الريح بعانق حقل
ونحن بنطلع نخلة .. وننزل
ونكتب فى ذاكرة الصفق الأخضر
سجنا الريح فى الورق الأبيض
وجهناها ضد التمر الناعس
يسقط زى قبعة الحارس
زى الكان بيناتنا .. و فات
قالت غيمة :
".. بين قوسين غيمة لئيمة"
أولاد الشارع فهرس لى كل المدن
التهرس جوفك بالأسمنت
قالت ريح :
شوف الناس قنديل
لو ما نور يحرق كوخ .. وباقى الحلة تنور
أو جبة جوخ .. أو ينزل بوخ
يقول للنسمة الزايفة .. أقيفى
لو تتفرد ريح .. تتشرد ريح .. ريح الخوف
لو تتفرد ريح تبدا تفرتق ضفاير المدن الكاذبة
تعيد تسريحتك

ويوم سمايتك .. شكل قامتك
كيف تموتى .. وتحيى تانى
ويوم قيامتك .. هو البيدينا الثبات
يا مجلوبة فى قافلة رق
ما بستحمل صدرك رصاصة ظلم
يا صابت رحم الفال
يا قطعت حبل الحلم
يا كنا نبيعك .. يا نسرق
إخترنا النار .. الضلها يحرق
طمنـّاك إنو الدنيا بخشها ضو
يجرح جلد العتمة
دم الليل قربان فجرك
يا بت يا نيل
لو نامت قمحة على الأبيض .. وإتشرت زيو
وزاد الأبيض فى غيو
ومدد رجلو اليسرى
ما كان الكسرة .. جاتك من برة
صفرا .. ومنكسرة
زوجناك الشهدا وِلاد الكلب
الماتو عشان الشعب
زوجناك ما عندك ضرة
زوجناك ما جاتك ضرة
وما إنشاف ماعونك فى الحلة يساسق
ويلقى فتات
قال الأبيض لى الأزرق:
يبقى ضد الإنتباه
وضد تواريخ التمازج بينى .. بينك
البشوفك فى مراهقة الخرائط
وفينا من وجع المسافرين .. واطه .. ما لاقت هوية
رد الأزرق:
مطر الحبش لو كان نبش جواك سقف
أو هد حيلك فى الدواخل
وشدّ عصبك فى المداخل
صوت مراكبى
وإيد بتسأل فى القمح
وفينا من فرح المسافرين قصة الشمس .. القضية
يا أعشاب النيل الأبيض .. ما تتضارى ورا الدعوات
أقرا تاريخك .. وأخاف
أسأل جبين الفجر .. وألقى الفجر مطعون فى القفا
هل سافرت فى دمك المحقون رجا
حبة غضب
ما شلنا جمرك .. وإنطفا جوانا نارك .. والمطر
جايين بالكتابة .. وضربة الناس المهابة
لو هز نخلك باشبزق
ما غادرت تمرة السبيط
وما ساور الطورية شك
إنو الأرض أنثى .. وبتحمل بالحلال
مين اللى قال
إنو المسافة البينا بين الشمس طاقة
أو مياه النيل
بتدخل فى عروق السنبلة المسقية بى عرق الجعانين ..
والمساهرين بالبطاقة
أقرى تاريخك .. وأقيف
جواكى .. والزمن النضيف
جواى .. من جواك غضب
سلم مفاتيح السؤال
جيل الشمس .. موكب حريق
واقف على باب الدخول
بيناتو بينات الوصول ..
لحظة شهيق

محمد ساتي
22-03-10, 03:21 PM
شوكرن ابو النسب على الإنبراشة زمان شغال لي بيت من غنية واكان جاملتني بتديني مدحة

اي كدا دا الشغل

مزيداً من الإنبراش في ساحة الوطن البتول

واصل يا ابشيبة

اسامة ابوزيد
22-03-10, 09:22 PM
نور جناني وقبلة حناني ياجواهر عقدالقصيد
بغبتتي ان لم تعلمان هاك شرحي وهاك فيرماني
ديمه ساكن دمعا عماني كيف اصنع؟ كيف علماني
يا امان روعي خير زماني هل اراك لو امدا بعيد
فاق حنان الامات حناني ليك ..بلغيرك عناني
يوت مفكر عاضض بناني حتي انكر حالي الدناني
يا حبيبا حبك ضناني ان اموت في حبك شهيد
يا امان روعي ويا عواني من لهيب الشوق الشواني
البيروي الناس ما رواني طاب لي في حبك هواني
لو تخلد وجدي التواني لا يزحزح عهدي الوطيد
كان خيالك مره اصطفاني شافني وما عود شفاني
هو الحبيب مهما جفاني يا حبيبا فيك عمري فاني
لا اقول من نارك كفاني بل اقول هل من مزيد
مالو فر قلبي وبصري راني لي لايح نور أخضراني
يبقي بسم المحبوب طراني يبقي ذكر السبب العراني
يبقي حسب وامل يراني الله قادر يدني البعيد

magdikooooo
23-03-10, 07:08 AM
مزيداً من الإنبراش في ساحة الوطن البتول

واصل يا ابشيبة

بس واطاتكم دلجة والشتا جا راجع تاني .. الريالات مابتروح بي سهولة :p :p :p

magdikooooo
23-03-10, 07:10 AM
كده كيف
أقراني مرة صاح ........................... من نفس الزير
.................................................. ..................
أقراك مرّة صاح
عكس إحتشادك فى الحضور
هل غاب معاك وعى الطريق
.. أم بيكى زكـّانى الزمن
ماشيك .. وعارفك يا حريق ..
فى يوم غماماتك .. بجن
فرهد غيابك .. أغنيات
ظلت أراضى اللقيا بور
بلقاكى يا كل الطيور ..
مسجونة والحرية .. سور
وبلقاكى بيناتنا الثبات
وبيناتنا شمس البكرة فى لحظة .. مخاض
*******
طول الوجع رشـّح مواطن العافية .. فيك
خلانى أرجع وأبتديك
وأقراكى من كل الجهات
ومابين أقابلك .. ومشتهيك .. كان حلمك الأول
.. ترفْ
وكنتى الصبية الغايبة
فى زحمة حجا .. وكلمة شرف
كنتى الزوايا الميتة .. فى متحف خزف
كنتى الوصايا العشرة .. واللون الشحيح
*********
سميت مساحاتتك حكر
.. كل البيحلمو ا بى الشمس
هجـّرت من واقعك .. عبث
سكـّنت فيك ..ضد السكون
كل اللى كان ممكن .. يكون
وطارت ضفيرتك ليل غنا
جدلة صبُر .. وطولة نفس
*******
ومابين أقابلك وجيت عليك
كان عندى ليك بس نحنّ .. والجرح الثرى
وخيبة أمل أم الشهيد
فى الكلمة .. والوجه الجديد
وكان إحتقان نبض الزمن
نومة طفل .. فوق الدّمن
... يا صاحية بى الحاصل علىْ
يا نايمة عن فقرى البليد
سميت منافيك الوطن
.. صبحت مناحاتك

اسامة ابوزيد
23-03-10, 07:22 AM
صباحية جميلة يا مجدي

بس دي مش بتشبه مصطفي سيد احمد؟؟

magdikooooo
23-03-10, 07:24 AM
سمسم
عليك نور وإنت دما ياهو بتعرف ليه تاكلين بيك الباب
أمس وردي كان منور قناة النيل الازرق وإنت مقمنبر الليل كلو في الراكوبة

اسامة ابوزيد
23-03-10, 07:30 AM
عشان كدا نطالب يتلفزيون 30 بوصة ودش بكرتين وسماعات ساوند في الراكوبة الجديدة

اسامة ابوزيد
25-03-10, 07:38 AM
الفرح الحزين وين تمشي ليه كل الدروب مقفولة
كيفن زول يصل للجامعة يرجع تاني لي سنة أولى
ياما كتار حليلهم ضاعوا في زحمة دروب مجهولا
يزرعو في النوايا الطيبة كان ثمرة ضياع محصولا
الواحد يريد النجمة ما بيقبل يشوفو افولا
تلقى وسط ظروفو يشابي عشمان انو بكرة يطولا
مسكين كان يخادع نفسو بي سحب الخريف وهطولا
متعشم يقول المسرة يوم باكر يدقو طبولا
مسكين ياحليلو اتناسى نكبات الزمان وفصولا
واتناسى انو نحن غلابا احلامنا العراض مطبولا
من زمن القراية شراي ما بشوف غير سيوف مسلولا
كل ما اقول وصل لي مرسى القى احزاني شادى خيولا
قاسي الزي يقلى الداريو نقاي يعرف المصقولا
اول ما يقول ديك لي كل خلق الله بكرة يجولا
عايش فد سؤال جواي ليه لحظات فرحنا عجولا
وايام الحزن تندب زي السلحافية مهولا
اختلطت على ايامي قدامي الهموم مسدولا
ممشكلتي العلي ومالبي ما هو مرض دوا وكبسولا
اه اه اه اه اه اه اه
اه من دنيتي واقدارا اه من جحيما وهولا
شينا الزي بلقى الدايرو منو الدمعة ما مقبولا
لكن يا رفاق بالدغري كلمات بي صراحة بقولا
انا كان جنيت او ودرت تبقى ظروفي هي المسئولة

محمد ساتي
25-03-10, 10:17 AM
الــــقاك ويـــــــــــــــــــــــــــــــــــن
قاسم أبو زيد
ألقاك وين ..
كان الفرح قفل مسامات الضياع
غناك مزمار الزمن إرشيف عشق ..
أصوات نغم وتر التراخى موشحات ..
القاك وين ..
من غبت.. ما شرقت شمس
والدهشة ساساق الدروب ..
لي وين تمش...
نار النضال لو تنهبش ..
توقد سنون .. المتعبين
تعقد زفاف آخر ضمير ..
إتباع مقنن بالقرش
ألقاك وين ..
كان التعب ما خت أيدو على جبين تربال
.. يخم رمل الشقا .. المليان غلب ..
دقست قوافلو مع السراب ..
رابط جليد الهم سعن ..
محزوم خشيمو من الصبر..
راجي السحاب ..
نلقاك وين ..
أنا وإنت والنيل والأرض
والبور مشتت متنسى ..
نجامة التعب الكعب ..
ما كان عول ..
ريدى الصبح صفصاف هدير
البر ..
أيامي توب شحاد .. هذاه خم و خم ..
أنا ما لقيتك ليه.. طعم الفراق دم دم ..
ختيتى فوقى الليل .. والليل سقاني السم
أنا خاطري في المطرة ..

اسامة ابوزيد
25-03-10, 12:20 PM
من غير زاد بلا ميعاد تسوقنى خطاى اسافر ليقرى الاجداد
هناك اهلى... محل جهلى.... مكان اجدادى بالميلاد
الدوام ساجدين فيشان الدين وجارين السبح عباد
بلادى انا حور نغم طمبور زغرودة فرح وانشاد
تشم فى الطين تقول ياسمين تنتشى والفرح يزداد

سامية الصديق
26-03-10, 10:23 PM
عايز اكون تاجر عطور
أسرح وادور بين الحسان
علشان تجيني يا بدور
وتعطري لي المكان

سامية الصديق
26-03-10, 10:23 PM
صدفة غريبة لقيتو الليلة
بعد غيابو ليالي طويلة

صدفة غريبة جانا الزاير
بثغرو الباسم وجهو الناير
بحنانو وعطفو وشوقو الظاهر
و الأمل القرب ليوم باكر
والنور الفجر دربي بشاير
بحب واماني وعاطفة نبيلة

لقيتو لسه الشوق في عينيهو
حسيت بالرعشة في إيديهو
لو شفتو الخجل الكسا خديهو
والبسمة الحلوة ودلالو وتيهو
بتقولوا عذابي شوية عليهو
ليالي سهادي برضو قليلة

حبيبي حبو في الوجدان
تضمو ضلوعي بشوق وحنان
وطيفو معاي في كل مكان
يسقي فؤادي الهوى الوان
واطرب روحي بالالحان
وعشانو بشوف الدنيا جميلة

اسامة ابوزيد
26-03-10, 10:52 PM
أنَا لَيْ زمنْ مفتونْ صِبَاكْ
مع النسيم جيِبْ لَيْ نَبَاكْ
يا الشَادِنْ المُتهادِي فِي روضةْ رَبَاكْ
أنا من صدودك عقلي حاير في ارتباك
لو زارني طيفك أو نسيم جاب لي نباك
أهلاً وسهلاً يا حبيبي ومرحباك

فَلتَحيا لي أنفسنا بيعك ومشتراك
ما ضرَ بس لو مره تسمح لي أراك
حُبك تمَلك مُهجتي وحق من يراك
أنا قلبي زي قُمرية وأنتَ فِريع أراك

سُبحانَ من أعطاكْ جلاله مُفضلاك
تسبى الأسود والأمة تخضع لي ولاك
قللت صبري وعقلي ها هو بين يداك
يَحيَا الجمال وليحي حُسنك يا ملاك

سامية الصديق
27-03-10, 02:59 PM
شدوا لك ركب ..فوق مهرك الجماح
ضرغام الرجال... الفارس الجحجاح
السم النقوع...للبدن نتٌاح
تمساح الدميرة ..الما بكتلو سلاح
عصار المفازة ..للعيون كتاح
المال ما بيهمو ...إن كتر وإن راح
***
أبواتك جبير بيسدوا للعوجات
مطمورتك تكيل للخالة والعمات
في الجود والكرم إيديك دوام بارزات
ويا أب قلباً حديد في الحوبة ما بتنفات
***
بطناً جابتك والله ما بتندم
أسد الكداد الفي خلاكَ رزم
ويا رعد الخريف الفوق سماك دمدم
بابك ما انقفل نارك تجيب اللم
ما بتعزم تقول غير استريح حرٌّم
***

عينيك يا الصقر في الحاره ما بتنوم
صدرك للصعاب دايماً بعرف العوم
في وسط الفريق في الفارغة ما بتحوم
لا بتتلام ولا بتعرف تجيب اللوم
ود ناساً عُزاز جمعوا المكارم كوم
تفخر بيك بنات البادية والخرطوم

سامية الصديق
27-03-10, 02:59 PM
تمساح جزاير الكرد
بتقضي الغرض
انت بتشيل بوقتما متلك ولد
*******
غني وشكريه يا أم وريداً حز
بحر الاتبراوي الساقي الرجال بالنز
العشاما بتجيك انت ليهن حد
غرضي إن ما انقضي خلي دار جعل تنهد
******
غني وشكريه يا أم ضميراً فوم
بحر الاتبراوي الشقق جبال الروم
من قومة الجهل ما قدل فوق لوم
في بربر هناك أبو البشير مفهوم
******
غني وشكريه يا شمعة القنديل
من قومة الجهل ماهو التليفه عوير
الأسد إن نتر طارد النمر والفيل
عرش يا أب كريق علي البماثلو قليل

سامية الصديق
27-03-10, 03:01 PM
الزول بفتخر يباهي بالعندو
نحن أسياد شهامة والكرم جندو
ما في وسطنا واحداً ما انكرب زندو
البعجز بيناتنا بنسندو
الليلة بنخوضا
******
ركابين عليهو الناصع أب غرة
نتباشر وقت نلقى الكلام حرة
ما بننفز يمين إن متنا فد مرة
الخواف ما حر منو نتبرا
الليلة بنخوضا
*****
للجار والصديق عشرتنا تتمنى
بنصون الأمانة السيدا أمنا
المغرور ندوسو ونعدموا الطنة
شافعنا بيرى الموت في الركاب سنة

سامية الصديق
27-03-10, 09:01 PM
في ربيع الحب كنا
نتساقى ونغنى
نتناجى ونناجى الطير
من غصن لغصن
ثم ضاع الأمس منى
وانطوى بالقلب حسرة..

أننا طيفان في حلم
سماوي سرينا
واعتصرنا نشوة العمر
ولكن ما ارتوينا
انه الحب فلا تسأل
ولا تعتب علينا
كانت الجنة مسرانا
فضاعت من يدينا
ثم ضاع الأمس منى
وانطوى بالقلب حسرة ..

بكي
28-03-10, 12:31 PM
منو القال ليك بنحمل فراق عينيك

سامية الصديق
28-03-10, 04:58 PM
حسنك أمر
احمل صبابات الهوى
حسنك أمر
وأحضن براي نار الجوى
لا كلّ قلبي ولا فتر

حسنك أمر
وآ لهفة القلب الحنين
وآ لوعتو
شايل عذاب الغربة يحلم منتظر يوم
رجعتو
أبكاه في درب السفر لكنو حابس
دمعتو
وآ ضيعتو لو ما رجع من غربتو
وآ ضيعتو
لو ما هجد بعد السهر وإرتاح على
خصل الشعر


حسنك أمر
و الشوق بحور ماليها حد
ماليها قيف
حسنك امر
أعبر بحر يمتد تاني بحر جديد
وإحتار وأقيف
حسنك امر
قول لي كيف اقدر اصل إحترت قول
بالله كيف
حسنك أمر
وآ لهفتي وآ لهفة القلب الرهيف
حسنك أمر
زي قارب الليل أغرقوا ما إتوسد
آفاقو القمر

حسنك أمر
مهما صعب درب الوصول لازم
اصل
ما بتشكي في دربك قلوب مابتزرف الدمعات
مقل
نتحدى دربك لو يطول
ومين غيرنا نحنا بيحتمل
وأيه يعنى فى دربك هجير للكل نيران
تشتعل
وأيه يعنى لحظات انتظار للعمرو ضاع من غير
عمر

سامية الصديق
28-03-10, 05:00 PM
سال من شعرها الذهب
فتدلى وما انسكب
كلما عبثت به
نسمة ماج واضطرب

سامية الصديق
28-03-10, 05:01 PM
النسيمات والخصل
فى عناق وفى غزل
نسجت حوله القبل
موكبا يغزل الطرب
فيه من سمرة الأصيل
شعرها المذهب الجميل
ثغرها اليانع البليل
كرزة حفّها العنب

محمد ساتي
04-04-10, 03:48 PM
بت الرفاعي زهرة منتدانا وينك ؟؟؟؟؟؟؟

منتظرينك تعطري البوست والمنتدى

محمد ساتي
06-04-10, 05:22 PM
لا تأسفن على غدر الزمان
لطالما رقصت على جثث الأسود كلاب
لاتحسبن برقصها تعلو على أسيادها
تبقى الأسود أسوداً والكلاب كلاب
تموت الأسد في الغابات جوعاً
ولحم الضأن تأكله الكلاب
وذو جهل قد ينام على حرير
وذو علم مفارشه التراب

مفارقات صارت واقعاً هذا الزمن

بت هندسة
08-04-10, 03:13 PM
قال الشاعر الرائع هاشم صديق

يزدهي الزمن الرمادي
تنفتح في عيونا
اكمام المعاني
ينزل المطر الملون
في بساتين الدفاتر
ينشرح قلب المنابر
في النوادي
ونلقا في شفق المغارب
كوكب الحرية بادي
نرسم الشمس الجديده
بي عيون ضحكة وقصيده

بت السر
09-04-10, 11:01 AM
في عيونك ضجة الشوق والهواجس

عبدالحفيظ أبوسن
09-04-10, 12:03 PM
في صدر شبابي كنت أعشق إبن البادية فتركته بعد حين وسقطت أغنياته مني فصارت لا تطربني إلا أثنتان أظنهما
هذه وليله السبت
شكرا بت الرفاعي

بت السر
14-04-10, 07:40 PM
اياحزن ابتعدعنــــــــــي ودع جرحي يزل همـــــــــي
واني بك يا حزنـــــــــي غيــر العذاب لا اجنــــــــــــي
ايا حزن مالك منــــــــي؟ الاترى الذي بي يكفينـــــــــــي
تعبت من كثرة التمنــــي ولست انت بحائل عنــــــــــــي
ايا خزن لاتسئ ظنـــــي فأنت في غنــــى عنــــــــــــي
فلي من الالام مايبكــــي ولي من الجروح ما يدمـــــــي
الاياحزن اتعتقـــــــــــــد انـــنـــي منك اكتفيــــــــــــــت
الم يحن الاوان بعـــــــــد الم يحن زوالك يا حزنــــــــــي؟

محمد ساتي
18-04-10, 05:08 PM
شكراً بت الرفاعي وبت السر على إثراء البوست

محمد ساتي
18-04-10, 05:08 PM
إلى هتلر السودان

هاشم صديق

شيل طبشيرة

وأكتب فى سبورتك عنى

خاين ..خاين..

قَطِّع جسمى ..وشَرِّح إسمى

ولم الناس للحفلة تعاين

ويوم ما تبدا ( الغش الشهرى)

إتمهّل ..وشَتّم

أصرخ ..تمتم

أَرْفِس ..أهْرِس

أسخر ونطط زى (بلياتشو)

وادهن وجهك

وحَلِّى المجلس

لكنك برضو..رغم الهيصة

أجهل عسكر ..وأغبى مِفَلِّس.

بت السر
18-04-10, 09:20 PM
لو تخاصم أو تجافي تبقي لطبعك منافي
يا زمن ريدي الخرافي و زول بريدك زيي مافي
شيلت ريدك في الحناية وشفت فيك أحلام صباية
أنت يا ريدي ويا مناية وحبي ليكـ والله صافي

زول بريدك زي مافي وزول بريدك زي مافي

محمد ساتي
19-04-10, 05:00 PM
مقاطع استوائية

مصطفى سند*

في البدء قال الواهمونْ
يا للسعادةِ بيتُ صاحبنا القرنفل,
قاعُ منزلهِ البهارُ, وسقفُه الغيمُ الحنونْ
يا حظَّه التهمَ الصدور,
مراكض الزلقِ المريحِ وعبّ أنهارِ
العيونْ
نصبته حاناتُ النبيذ وأعينُ السمارِ
بهجةَ يومِها الباكي على وترِ الشجونْ
وأعُدُّ.. كمْ أكذوبة عني يقول الواهمونْ

* * *

ناقوسُنا التهَمَ الصباحَ من الصباحِ إلى
المساءْ
فترنحت مقلُ النهارِ ودبَّ في الألقِ
العَياءْ
يا صندلَ الليل المُضاء
أفردْ قميصَ الشوقِ حين تطلُّ سيدةُ
النساءْ
فالمجدُ جاءْ
وتناثر الأحد الصبيُّ يهزُّ أعمدةَ الغناءْ
لو زندُها احتملَ الندى لَكسوت زندَكَ
ما تشاءْ
ثوباً من العشبِ الطريِّ وابرتين من
العبيرِ وخيطَ ماءْ
بلور ضرعك يا عصيرَ الريح سال على
النوافذ والزجاجِ
مطراً كدمع الشمعِ يغسلُ مدخلَ
الكوخِ
العتيق من السياجِ إلى السياجِ
قلبي تعلق بالرتاجِ
أتدقُّ لحظةَ قربها حانت شراييني
ارتوَتْ
قلقاً وكدْتُ من الهياجِ
أهوي أمزقُ زركشاتِ ستائري الجذلى
وأعصفُ بالسراجِ
الساخرِ المجنونِ يرمقني ويضحك في
ارتعاشِ
هذا الرشاش...
ما صد جُنْحُ يراعةٍ تلهو وما حبس
الفراشْ?
أيعوق مَقْدَمَها النسيمُ وهذه السحبُ
العطاشْ?
وألملم الحاكي وأرفع زورقَ التحف
الأنيقة والرياشْ
ليخرَّ صرحُ مباهجي الواهي, ليحترقَ
الفراشْ

* مصطفى سند: شاعر سوداني من مواليد 1936م, أصدر مجموعات شعرية من بينها (البحر القديم, ملامح من الوحي القديم, شعرة البحر الأخير, عودة البطريق البحري) وغيرها. نشر في مجلة الآداب البيروتية, وشارك في مهرجانات شعرية عربية وعالمية, وأثّر في عدد من شعراء الأجيال التالية له.

ود الكرو
19-04-10, 09:51 PM
عودتك النوم فى العيون وفضلته سهران ما بنوم
لو ليلى من بعدك انين العشته جمبك كان هموم
ما بقيت انا الراجى السراب دا الرامى املوا على الغيوم

محمد ساتي
20-04-10, 12:51 PM
شكراً ود الكرو يا رائع خليك قريب

عبدالحفيظ أبوسن
21-04-10, 07:37 AM
شكرا ود الكرو
فهي من الأغاني النادره والمنسية لمصطفي سيد احمد

محمد ساتي
21-04-10, 11:30 AM
لا تساوم - سند

لا تُساوم ...

لم يَعُد في الأرض الا وجُهك المنحوتُ من صخرِ الهزائمْ

شهِدَ العصرُ انكساراتِ المعاني ... و الرياض ...

الحائر في كلِّ العيون الصامتة

احتمل حزنكَ واصعد

قُلْ لمن خانوك في عُرس المزادات ...

وفي ليل المناحات القديمة

قُلْ لمن صاغوك جرحاً في نشيد الريح والمنفى

وتثليث الوجوهِ الشامتة

لن أُساوم ...

يفتحون الشرق والغرب على نهرك صيفاً

ويهُزُّون دواليبَ المقابر ...

علَّها تأكل منك البراءات التي تملأُ قلبك

كُلَّما صحتَ ... وتُلقيك الى طبع المسافات

وأحوال الرياح المُنهكةْ

لن أُساومْ ...

فالهوى قاسٍ ... وصوتي شاهد ....

والقلبُ مشبوكٌ الى بهو

وقوسُ البهو يدعو لاندلاع المعركة

***

لاتُساومْ ...

أيُّها المجبول من زيت القناديل الجريحه

أيُّها القادم من خُضرة الأكوان

قمصاناً على كلِّ الزُّنود العاريه

لا تُساومْ ....

هذه الأوراق فيها وصمة العصر القببيحة

ثمّ فيها ...

صلفُ الشمس ... وأنفاسُ الوحوش الضاريه

ثم فيها ...

وترٌ ينبض بالشوق ويستدعي مواقيت الضياع

يصنعون الآن منها ... لكل صُندوقاً وعرشاً من شُعاع

ويُقيمونَ طقوساً للمواريث ... وأعصابِ الفوانيسِ الشحيحه

لا تُساومْ ...

قُلْ لمن خانوك: إنّي قادمٌ في النهر

والرمل الذي صادر أحلامي وأشواق

السنين الرائعة

عنصراً أُخفى مواقيت احتراقي ...

وأغنى للجروف الضائعه ...

وأغنيى للمحاريث ... وأحزان السواقي ...

كنتُ دَرويشا ... ولكني استفقتُ الآن

أُخفى رفَّة الدمع الذي خان المآقي ...

آه ... لم تبقَ من الموعد الا بضعُ دقَّاتٍ

وأصحو في ربيع السانحه

تهبط الآن البطاقات التي حملتْ لونَ الرَّماد

تتهجَّاني حُروفاً صاغها عطرُ المداد ...

ثمَّ أهداني قميصاً لصبيّ ينسجُ الأحلام

يسقى كلَّ أُم نائحه

جرعةً من دورق الرؤيا ... وأطياف السُّهاد

***

لا تُساومْ ...

أيُّها المطعونُ في روحك من عطر الصناديق القديمه

حيث كان الصندلُ المحزون يطفو في دُخان الأضرحه

خفقةُ الريش استطالت

صفعةً أخرى

ودارت في حفيف الأجنحه

هذه ليست حَكَايانا

ولكن هذه الروحُ العقيمه

صفعةٌ أخرى ... ويُعطى كُلُّ انسانٍ جحيمه

علّق الجُرحَ على عينيكَ قهراً

واتشح بالنار

لكن ... لا تُساومْ ...

كلُّ جُرحٍ غيمة تهمي ...ومصباح يغني

وتواريخ تُقاوم ...

ونهارٌ جاسر الوثبة حاسم ...

وأُناس ... وبيوت ...وعوالمْ...

وبراكين ... وخيل .... و حديد .... وصوارمْ ...

ودراويش .... وطبل .... وعمائمْ ...

وشهيدُ نائمٌ في الريح والأمطار

رفَّت حول عينيه ملايين الحمائم ...

لا تُساومْ ...

افتح ... الجُرح شواظاً وحريقاً من جحيمِ المذبحه

أيُّها المنهوش في صدرك من كل المناقير

وفي كلّ المواسمْ ...

لا تُساومْ ...

جَبَلٌ أنت ... وموجٌ من صخور الموت

في ليل البحار العاصفه

افتح البابَ لشمس ترتدي زهو المرايا

حين ترنو للوجوه الخائفه

افتح الباب لشمسٍ تغسل ُ الدنيا من الاصباغ

من كّلُ العطور الزائفه

سِمَةِ العصر

وتسقى لغة الثغر ربيعاً ... وحريراً ... وغمائمْ ...

أيُّها الشعرُ الذي يسمو ... ويعلو ... ويُقاومْ ...

لا ... تُساومْ ...

لا ... تُساومْ

Nawal Hassan
21-04-10, 01:58 PM
بالجد بوست جميل

شكرا يا ساتي

شكرا كل المتداخلين

Abousamih
21-04-10, 06:58 PM
ما عدت قادر انتظر
سامحني غلطان بعتذر

ما كنت قايل من عتاب تحكم علي
بالوحدة والشوق والعذاب
انت القبيل شلت الصعاب
في دربو عديت ألف باب

لو انت زهو الحسن في عيونك بدا
خليك أمين في العشرة لي آخر مدى
كيف تنسى لهفة قلبي ليك
تنسى الحنان الكان لديك
لو مرة اسمك في البعيد شايلو الصدى
بلّ النسايم الحلوة بي قطر الندى
تلقاني واقف مرتعش ضارع إليك

عارف تمام ده المستحيل
الحسن والطبع النبيل
يغضب يجور
لحظات خصامو المرة تتمدد شهور
صدقني لو أغلط معاك دايماً أقول
انت الأصيل انت الوفي
عن حبي ما ممكن يميل
يضحك سلام الدنيا في عيونك دليل
من بعدو ما داير دليل

ما عدت قادر انتظر
سامحني غلطان بعتذر

بت السر
21-04-10, 07:24 PM
فى بعدك ياغالى أضنانى الالم
وعشت مع الليالى لاحب لانغم
وين يانور عيونى كم طولنا كم
من لمسات حنانك خلاص تمينا دور
أيام مرة خالية من طعم السرور
كل ماغنى شادى دوبنى الشعور
واقول ياريت حبيبي لو فى الطيف يزور

عمار صالح
21-04-10, 08:07 PM
شروق
=======
طلع قمرك
علي الوحشه
وضلام الشوف
رقش دمع الفرح
في العين
وساح في النور
جليد الخوف

محمد ساتي
22-04-10, 04:35 PM
شوكرن ايها الرائعون


كلمات / أمل دنقل + محمد محمود الشيخ (محمد مدني)


أحتاجُ دوزنة وتراً جديداً
لا ُيضيف إلى النشيدِ سوا النشـــــاز
لغةً تُفتشُ عن أراضٍ خِصبةٍ
شمساً تُغير طعم فاكهةِ الشتاء
أحتاجُ مِفرزةً من الشعراءِ و الجوعى
لنُعلن سُخطنا أو ننتهي منا باغنيةٍ تذاع
بالشهداء
بالفقراء
بطفلنا الآتي
بكوم اللاجِئين
بالداعين في الصلوات
هتـــفنا ما سمعتم
ثم هاجرنا انصرفتم

يا بحراً تجاوز في سكونِهِ كل حد
يا بحر قم..حرِك تحرك
أو فعُد
نحو ابتلائك فالنهايات القديمة لا تُحد
ألفُظ جحيمك
أو فغادر ساحليك إلى الأبد
تابعوا من شئتمُ أو طاوعوا من خفتمُ
فالزاحفون إلى الفجيعة أنتمُ
فقط إفهمـــــــــــــوا
أن لا وثيقة أو وفاق
ولا حقيقة أو نفاق
تخفي عن الأطفال عورة من دفنتم مِن رِجال
يا بحر قم..حرِك تحرك
أو فعُد
نحو ابتلائك فالنهايات القديمة لاتــحــــــد

عمار صالح
22-04-10, 07:37 PM
اليقظه
====
تعالي ودقي
باب دنياي
اقوم من ياسي
للدنيا
ويرن صوتي
وينادي غناي
بلاك مابتعرف
دربي
وغيرك شن يكون
معناي
=====
بدون الحب
حياتنا فضا
وسنينا فضا
عمرنا يمش
بدون مانحس
وفجاه نحس
قطارو مضي





صوابعك
في يباس يدي
يرشن في
مساما ندي
حنانك لون الايام
شرق روحي
وعصرني هوي
وهمسك لي
حروف اسمي
يطوف بي
بلاد ومدي
وحضنك في الزمان
المر
صبح مرساي
وبحري هدا

محمد ساتي
26-04-10, 12:11 PM
عمار صالح يا اضافة حقيقية واصل وما تنقطع

اسامة ابوزيد
28-04-10, 12:05 PM
يا سيدتي:

كنت أهم امرأةٍ في تاريخي

قبل رحيل العام.

أنت الآن.. أهم امرأةٍ

بعد ولادة هذا العام..

أنت امرأةٌ لا أحسبها بالساعات وبالأيام.

أنت امرأةٌ..

صنعت من فاكهة الشعر..

ومن ذهب الأحلام..

أنت امرأةٌ.. كانت تسكن جسدي

قبل ملايين الأعوام..

اسامة ابوزيد
29-04-10, 09:14 AM
كل ما اتاملت حسنك يا رشيق
القي اية تضاهي اية

كيف تزيد ناري وشقايا
وحبي ليك انا حب مكمل وسامي غاية
الوشاة يا روحي هم اكبر دعاية
دع ملامن وسيب كلامن واستلامن
اوفي قربك وخلي قلبك يكون معاي

يا شموس افقي وصفايا
يا خلاصة الحسن والغيرك نفايا
ارجوك لا تهمل شقايا
نظرة منك ولو خيال فيها الكفاية
بي ظماني مع الاماني يقر زماني
يسمو فني وتروي عني لزيز غنايا

انت قاضي ولي حكمك سيفه ماضي اباح دمايا
وحبك استعمر حواسي وللفؤاد اعلن حمايا
الف عام في خمسمية
ياخي لو صار انتهايا برضو بهواك للنهاية
شوقي دايم وقلبي هايم وفي النسايم

اسامة ابوزيد
29-04-10, 10:47 AM
كل شى منك وصلنى .. السطور والحروف الشاربة !!..من لهب الحنين
الكلام المن جذور الشوق يعرش دربى فى تيه السنين
كل يوم بل كل ساعه وكل ثانيه استشف حرفك وابين
والق نفسى من جديد من تانى عطشان لى حروفك
الشمس تجلد حياتى وفى ظلال حرفك لقيت !!..ضلى الرهين
افتح الصفحات واعاين كلى متفتح ..عيون
وبى بشيش اشرب حروفك قطره قطره
واستريح .. واتكى لمان ينوم جرحى الدفين
يا سلام لمان تعاتبى ويا سلام لمان تلومى
تنهمر من عينى دمعه والحروف تصبح طشاش
فى الحلق تخنقنى عبره العواصف تندلق فى جوفى تبكى
وا..مرارة الدمعه !!..فى كاس الأنين
وتانى ارجع لى حروفك وبى حنان.. !!..انضم ..معاها اعتذرليك عن خطايا
يا حنانن سالبرفرف فى الحنايا .. يا شعاعن يغزل النور !!..فى ..دُجايا
يا صلاة ..طهرت نفسى هدتنى.. من أراجيف الغواية
يا مزامير الهوى لمان..تغنى أنا عارفك !!..إنتى فيها
!!..شان كدى بى وداد الشوق بلولى فى حروفك
يا سلام لمان ..تنامى وتغرقى بى لهفه !!..فى قاع الحنين
أقولك .. أقولك إنتى وين !!..إشان أقولك
يا رهابن بان على درب العطاشى الحلق اصبح جفاف
ولما نوصل نبقى تانى تانى..تانى من جديد متعطشين
شن أقولك يا دريبن بان !!.. ومرات ما ببين
الصليب فوق..كتفى خدر واليباب كل اليباب يا عابره..نور
وا..اساى لمان !!اقولك إلا انا
فى وهاد التيه مسافر .. والزمان بجلدنى .. بى سوط الحنين

اسامة ابوزيد
02-05-10, 08:58 AM
لي في المسالمة غزال .. نافر بغني عليهو
جاهل وقلبو قاسي وقلبي طائع ليهو
مصباح الظلام الـ ربنا معليهو
زايد في الجمال نور الجمال جاليهو
لو شافو الغزال على نفرتو بواليهو
وان شافو القمر أنوارو تخجل ليهو
ان جاه النسيم زي الفرع يتنيهو
والثمر الرطيب كذب البقول يجنيهو
باللمي والخدود ياذا العشوق بفنيهو
الصحا والنعاس والسحر في عينيهو
كل من شافو قال انا بالنفس افديهو
هو غصن الرياض الزاهي في واديهو
أزهار الربيع مازج زهور خديهو
وجدلات الحرير ما لينه ذي ايديهو
والدو معجنو على فطرتو مربيهو
هو الفرد الوحيد في الدنيا ما في شبيهو
يتجاهل علي وأنا حالي ما غابيهو
سالبني في نار هواه شال قلبي يلعب بيهو

اسامة ابوزيد
02-05-10, 02:16 PM
أبحر يمين وشمال ومالاقاك بر
رقم العذاب مازلت متجمل صبر
ولى الشباب والليلة داهمك الكبر
مسكين حكاياتك بقت للناس عبر
*****
ياحليل زمان كت بتشيل فوق الدبر
وترد الصعاب محض اختيارك ما انجبر
واصبح مجرد زكرى ماضيك انغبر
*****
جالس نجوم قصرت ماطلت القمر
وغرس بذور الطيبة ماضقت الثمر
والمحزن المابترضى والادهى وامر
حالك بلا العتمور محطاتك نمر
*****
عاقرت للآهات وأدمنت الكدر
وفارقت عهد المتعة ساعات الخدر
غايب دوام لكن حضورك ماندر
واما المصير مهما يصير موخاشى لو نفذ القدر
*****
سرب الدباس حين رك فوق شركك هبر
وجسمك رهيف ما أعتاد على طعن الابر

اسامة ابوزيد
03-05-10, 08:32 AM
أنـا مـالى دون الـنـاس مــســوده أيامي
لا ضـو لي نـبـراس فى ظلـمه أحلامي
ليه دون خلايق الله حظي التعيس مسود
يـوم الــفـــرح طـل مــات قــبـل مـا يولد
فـتـحـت للأحــزان وســاعـة الـفرح غمد
اتـغـتــا بـيـهــم أســـاي مـتـوســدة الامى
بـاب الـسـعــد مقـفـول ما أتـلـقـا المفتاح
مات الشعاع مكتول صبح السعد ما لاح
لمتـيـن مـعـاي يا غول يا طارد الأفراح
كـل مـا أتـفــتـح لـي بــاب ألـقـاك قدامي
صــبـحـاً يــشــع قــــدام طــولــت أهاتيبو
شـايـفــاه في أحــلام عـطـــرني بـي طيبو
يـظـهـر لى فـجـأة ظـلام جـارات جلاليبو
يـكـشـحـني بي أوهـام تـحــرمـني نسامي
قــدامي كـل الــنـاس أفــراحـهـا مـا ونت
عايشين سماح أحساس بيهو الطيور غنت
الكـاس يـلاقي الكـاس ذي مـا هـي إتمنت
عـنـدي الأمـاني يـبـاس مـات القبـيل نامي
كـل الـخـطـى الـثـابـتـات تتماشى لى قدام
وأنـا لـو حظـيـت خطـوات بيـردها الهدام
الـبـعــدي عــدى وفـات مـتـوســد الأحلام
وأنـا مـالي لـيـه راجـعـات طوالى أقدامى

محمد ساتي
03-05-10, 02:42 PM
ضليت
قاسم ابوزيد
*****
ضليت ..
هرب منى الأمل .. جنيت
جافانى الشروق .. حنيت
كنتى معايا .. فى لمـّة
دليب .. شاشاى
فى إيقاع حشا المردوم
فى جيد الزمن .. سوميت
************
مرقت .. على محطات
السفر .. غربة
وما لقيتك .. أمل شارد
مع إنك معاى
فى زحمة المشوار
وحتى يقينى عاد من تانى
صحـّاك من حنين ذاتى ..
نجم الفرحة يا عايد
*********
تعالى معاى....
من زفة نفس مسدار
وما جرتق فرح .. كانت
ولا طعم الشقا الروّح
خطاى هانت
وإنتى معانى شايلاها القوافى
معزة فى عمق الفرح .. دوبيت
وكت ضليت ...
قعدتّ براى .. وحسيتك
بتطلعى من نفس طورية
ضامـّة الطين
ومن دمعة وجع طوّل
ندا العرق البنادى .. حنين

******
واناديك وانت في ذاتي ..
مخاوف سكة آهاتي
مداين قرية لابسة القمرة شامة ضو
يحن يغشاها مرة شروق
يخدر من عرق تربال ..
يرتاح في ضليل واسوق ..
ينادي تراب
يغازل خدرة السيال
تطلُ شروق ..
تكون قمر السعد ضويت ...

عمار صالح
03-05-10, 06:12 PM
بعاين توبتي في كامن ضميري ويمحن
الشاف فايق جمالن وانتشارن يمحن
قلوبا ما انكون بي نار غرامكن قمحن
الله يكبرن
الكبرني وسمحن

يوسف الشنبلي
04-05-10, 10:42 AM
هسه خايف
من فراقك لم يحصل ببقي كيف
زي ورد في عز نداه خوفو يزور صيف

يوسف الشنبلي
04-05-10, 10:44 AM
كل طائر مرتحل
عبر البحر قاصد الاهل
حملته اشواقي الدفيقه
ليك ياحبيبي للوطن
وترابو وشطانو الوريفة

يوسف الشنبلي
04-05-10, 10:47 AM
لمتين يلازمك في هواك مر الشجن
ويطول بايامك سهر وطول عزاب
ياقلبي لو كانت محبتو بالتمن يكفيك
هدمت عمر حرقت عليه شباب لكن هواه
اكبر وماكان ليه تمن

يوسف الشنبلي
04-05-10, 11:15 AM
كم دمعه سالت فوق خدود الشمعة
ضوت للعيون الفي السهر مجتمعة
تسكب من حياتا النور
وترقص للامل وتدور
وماعارفة الامل مسحور
وماقايلة المسافة دهور

اسامة ابوزيد
04-05-10, 01:23 PM
ياخلايق لي جاره البرتكان تقليد صفاره


فرهدت في عز عماره ما بجيبو حرامخباره


حابكة بالمليون تجاره نهار وليل قاعدين حياره


سيدا قال ليهمصغاره ما استوت دفيق ثماره


مرة ليها مشيت زياره عاكسوني أهلالغفاره


قالوا زي شوفتك خساره يا خي سيبنا بلا عواره


في الفؤادموقوده ناره وقلبي مجروح بي حساره


زاد شراييني انفجاره إلا وقفت ليالجباره


رحت استفسر كباره هدوني قالوا غراق بحاره


العقلة فايتي منالحدارة والخدود زاد ازدهاره


جبينة يشهد بالنضارة عبيرها منو الناسسكارى


تبتسم يغريك هزاره رموش عيونا أخد حذاره


شوفو عقليتي وجسارهبقت تجيد لحن العذارى


لو تعود تسكن دياره بودي للفقرا المزارة


مالقيت لي طريق بصاره دابة روحي قرب وداره

بت السر
04-05-10, 02:12 PM
تنفست صوتك ..
احسست انك فى
البعد والقرب .. سيان
يشتاق قلبى الى ..
وجهك الشاعرى البديع
وأٌفشى اليك بفرحة
طفل برئ ..
تحرر من كل المخاوف
وحين استقر لديك
ليعلن فى النور
ميلاد حب بروح الرقاب
ميلاد حب طموح الملامح
يبقى يهيب بنا أن نغنى
وان نتحدى الزمان الردئ

يوسف الشنبلي
04-05-10, 03:50 PM
يابت السر يازوق يافهم
ياعيون سرحانة نور وزهور واستلم المجال
صوت منساب بلور شبه ناس قلال

عمار صالح
04-05-10, 08:40 PM
انته الملاك السامي يا.......رب الشعور
احيت قلوبنا .......وكانت سويعات ملكت نفوسنا
حيث انته بدر الكل ياباهي نورنا
فتحته افاقنا واضيئت دورنا
انته ,,,,,, انته

اسامة ابوزيد
05-05-10, 09:28 AM
الزول الحقيقة من الغرام مصيود
يصنع من براكين حبو جبة وتوب
يصبح زاتو في ألفية اللالوب....
ولا ملان قيود في دامر المجذوب
الريد سرطان كان حصل الحي وووووب
ودا الداء الخبيث الما بتعالجو حبوب
مهما كان علاجو بلا هوى المحبوب وآلاف السنين مابنتهي الميكروب
اسع كان هو حارص ولا ماهو لعوب
لا اندفق اللبن لا انكسربو الكوب
يلحق شمسو قبال تاني تبقى غروب
ولا يلملم اطرافو ويقول الروووووووووووب

اسامة ابوزيد
06-05-10, 08:27 AM
أذكرينى يا حمامة كلما ساجع ترنم بي هواي وحب جمالك
كلما هطلت غمامة******أذكرينى يا حمامة
فى مسائك أو فى صباحك
وفي غدوك أو فى رواحك
وكلما بارق تبسم أو نسيم الصبح نسم
عني دايماً يكون سؤالك
******
فيم هجراني وعلام******يا الهواك صار لى علامة
شاهرة لى دايماً سلاحك******وموتي واجب فى اصطلاحك
طرفى عن رؤياك يُحْرَم******وذنبى إيه غير أني مُغْرَم
ولي هواك من بدرى مالك
******
كل من فى الكون ناما******وعينى ليه فقدت مناما
وانت يا لكاحلك نعاسك******يزدرى الأغصان مياسك
حظى زى ليل فرعك أسحم
والجحيم من هجرك أرحم******عني يالشاغلك دلالك
******
صرت أعشق فيكي قاما******خصرها يعيرني السقاما
فيها أشرق نور صباحك******لي سنا البرق افتضاحك
فكري زي خِصرك مُقسّم******وخَطبي زي ردفْك مُجسم
هل يصح ويرضيك ذلك
******
روحي لو وافت حِمَامَا******أذكريني يا حمامة
في ذهابك أو في إيابك******ثم في فترة غيابك
وهاكي دُر شِعري المُنظم******ودمت ياالقدرك معظم
في نعيم جنات ظلالك

يوسف الشنبلي
06-05-10, 10:25 AM
بحسب ليك في الايام
عشان ترجع تعود قوام
حبيبي الدنيا دار فرقة وما معروفة لقدام

مهداه للغالي بوكي

محمد ساتي
06-05-10, 04:38 PM
شكراً يا شنبلي منور البوست

ودي عشان خاطرك

يشغل قلبى حبك على مر الزمان سلطانو استقره
و فى جورو استمر ه و كيف القى الضمان
يا ما انت ظالم وانا طايع اوامرك ولي شخصك مسالم
الامان الامان يا حبيبي الامان واسمح لي كمان
اقبل يديك من نور وجنتيك ومن نور وجنتيك انور مهجتي
الامان الامان من فتكات عيونك ارحم موهجتي الامان الامان
وفي صور المحاسن ظهرت لي عيان موسيقا حديثك مع سحر البيان
واذا مال قوامك يا زين الحسان روحي تسيل عواطف وقلبي يذوب حنان
وانا كيف ما اخافك من ما طرفي شافك ما حبيت خلافك حبك منيتي
وفرضي وسنتي وناري وجنتي
الامان الامان من فتكات عيونك ارحم موهجتي الامان الامان
يشغل قلبى حبك على مر الزمان سلطانو استقره و فى جورو استمر ه
و كيف القى الضمان يا ما انت ظالم وانا طايع اوامرك ولي شخصك مسالم
الامان الامان يا حبيبي الامان واسمح لي كمان اقبل يديك من نور وجنتيك
ومن نور وجنتيك انور مهجتي الامان الامان من فتكات عيونك ارحم موهجتي الامان الامان

بت السر
06-05-10, 04:52 PM
يابت السر يازوق يافهم
ياعيون سرحانة نور وزهور واستلم المجال
صوت منساب بلور شبه ناس قلال

تسلم يا راقي
من ذوقك .....

اسامة ابوزيد
09-05-10, 09:37 AM
أذكري ايام صفانا واذكري عهد القاء
والليالي الفي حبور
اذكري ايام صفانا والليالي الفيها متبادلين وفانا
جينا بي كل اقتراب
من حديث يشفي الجراح
بي مغازلة وانشراح
والقمر بي ضياهو آالق والنسيم يهدينا انفاس الزهور
كنا داخل روضة مافيش حد سوانا
غير ان القمري يهتف بي هوانا
من اهازيج فنه يسمعنا اسطوانة
اما ارواحنا الخفاف
رافلة في اثواب عفاف
زي عرائس يوم زفاف
والنجوم بي عيون تسارق في اشتياق
تنظرنا من خلف الستور
الرياض مبتهجة داخل اقحوانا
والزهور نديانة تستقبل اوانة
زاهية يانعة ورايعة في توب ارجوانا
والنهر لينا اقترب
والطيور تسجع طرب
عاملة موسيقة قرب
انحنا صار مجلسنا عامر في طرب
في قبطة في نشوة وحبور
يا امير الحسن يا سامي المكانة
من عواطفك حبي لو فاقد مكانة
اهدي لي تفاحة بس او برتكانة
فهي غير شك مرضية
بيها اقتبس الضياء
بل اذوق طعم الحياة
انت ملهمني الاغاني
وانت مصدر فني
احساسي وشعوري

اسامة ابوزيد
10-05-10, 12:39 PM
الليل الليل ما بنومو لأني
أنا حارس نجومو
طول يا ليل وهود
عاجبني طول الليل
الليل نسيمو عليل
الليل سكونو جميل
الليل به النساك تتأمل الأفلاك يا ليل
الليل به العشاق تتذوق الأخلاق
تتناجى بالأرواح
ولشدة ما ترتاح
ما دايرة تاني صباح
الليل الليل ما بنومو لأني
أنا حارس نجومو
أنا راصد كواكبه تائه
في ظلامه سابح
في خيالو سارح
وما عاشق جماله
بس لي فيه ذكرى
وماخد عنه فكرة
يكون فيه التلاقي
وانظر فيه حبي
الحابيهو قلبي ينظر ما يلاقي
الليل الليل ما بنومو لأني
أنا حارس نجومو
ويا ليل يا ليل يا ليل يا ليل
بالله عيرني سماع
اشكيك حبي الضاع
وتغير الأوضاع
هويت محاسن إنسان
في غاية الإبداع يا ليل
عاهدني حبيته
ووجدته عهده خداع
قت ليهو الوداع
يا حبيبي الوداع
الوداع الوداع
يا سميري الوداع
الليل الليل ما بنومو لأني
أنا حارس نجومو

ود الكرو
11-05-10, 10:08 PM
يا مدلل سيب دلالك دا هاك قلبى هديتو ليك ورده
يامدلل يا شبيه الفل احبك انت انت سيد الكل
احب حديثك ولو حديثك زل لانه حديثك زى غناء البلبل


مهداه لكل اعضاء المنتدى العامر

قرعانيه
12-05-10, 03:26 PM
عشانك انت ياغالي قطعت صحاري فيها رمال
قطعت بحور ...............................عبر جبال
برغم ضراوت التيار ................ بقيت اعصار

تشكر كتير ود ساتي
احييك علي هذه البوست الرائع
تحياتي

عمار صالح
15-05-10, 12:32 AM
سألت عنك
كل القوافى
الراحلة
لطّرفِ الكلام
ساقتنى ليك
لقيته
بانية قصور
من حروف
وضامة إسمك
لحضنها
بتلولى فيك
وكل الكلام
سايقاهو سوق
باحلى الجمل
متزينه
وبالإبتسام
ماداك سلام

وقفت محتار
كيف أحتويك
أمسك إيديك
وسط الزحام
وأمر بيك
بين
القوافى
وأبنى ليك
من شعرى
أبيات جميلة
وأغنى ليك
ياحبيبة إشتقت
ليك
وإشتقت لعيون
كحيلة
يا سلام لو نبقى
أنا
والحروف
حبان
اعيش
جنبها
عشان
عينيك
يا الأميرة

اسامة ابوزيد
16-05-10, 08:57 AM
ونحن زَغَاوه والعطرونْ
ونحن الدُونَا ..مافيشُ دونُ
ونحن وِلاد مَلك خِرتيتْ
وسَابَ الجرْ
وحجَر السِكه ،
والتاكا ،
وسيّدنا الفى الجبل ..دَاكَا
ونحن – يمين – نضِمنا كُتُرْ
وشيَتنا كُتُرْ
وأسعَل ناس كَرن والطُورْ ،
وأسعَل كَررى .. والعَتْمُورْ
وأسعل – يا جنَاَ – الخرتُومْ ،
وشوف كيفن زعلنا كُتُرْ ،
وشوف كيفن فرحنا كُتُرْ ،
أنحنا الـ للرجال خُوسَه ،
ونحن –يمين – جِنَات موسى ،

اسامة ابوزيد
17-05-10, 09:07 AM
حيرني السؤال
في الزمن الملح
ليه الليل يطول..
لا من يبقى حول
ويسكن في البيوت ؟
وليه ما الشمس تقلب قادوس الإفول
لو فد مره تشرق

وأصلا ما تفوت ؟؟؟
وليه الناس تكوس
في الزمن الملح .. ما تلقى الحكيم ساعت تنجرح؟؟
تشرب في السراب
تاكل في التراب
وتشحد بالفريق في حق الكفن ؟؟
ليه؟وعشان شنو؟
وشان خاطر منو؟
مظلوم الحسين ..
ومظلوم الحسن؟؟
ليه حلو الحديث .. موصوم زندقة؟؟
والسمر الطفولي .. راجا المشنقة؟؟

يوسف الشنبلي
20-05-10, 12:57 PM
ردناك بقلب رهيف قلب حنين ومابخون
ومليت كيانا غنا وفرح وبلهفة شلناك فى العيون
واصبحت كل الناس براك زولا براهو بساوي كون
والعزر مهما يكون كتير الريده عندنا مابتهون

وثق يا حبيب انك براك مالي الفؤاد بجملوا
مهما الزمن زاد من جفاك برضو بنشوف عزرك حلوا
نفديك بغالي المهج نديك عمرنا تكملوا
ومن قبل ماتقول العذر من هسع نحن بنقبلوا

اسامة ابوزيد
23-05-10, 10:30 PM
من قمت من بيتنا ومشيت
بطاقتي صورة مصغرة
شايل معاي شنطة صفيح
حزمة هموم
ولدا متين بقي للسفر والاغتراب والدردرة
كان الزمان لسة رضى
والناس ظروفها مقدرة
وانا في القطار اصغر صبي
امال تفيض متفجرة
لما القطار صفر وقف
بهرتني صورة عطبرة
دي محطة الوطن الكبير كانت تضج متحضرة
ونزلت ماشي على الرصيف
اغبش هدومي مغبرة
الهجرة من زمناً قديم زي ساقية فينا مدورة..
عائلة ابوي عبد الرحيم من حلفا جات متهجرة
اديلة او والله رن فجلي
بلد نفاي اموقا كجلي نورين موقو
كن جواب كفاي
دقيتني نفص كورين لوجي
نفس القطارات والسكك
يوم مقبلة ويوم مدبرة
كان عمري 12 سنة
شايل التقيلة مبكرة
رحال بدون زاد لا متاع
كان لي كتاب ومفكرة
لميت شتات بعض الحروف
وقرايتي تبدو مكسرة
من قمت من بيتنا ومشيت
بطاقتي صورة مصغرة
شايل معاي شنطة صفيح حزمة هموم
ولدا متين بقي للسفر والاغتراب والدردرة

اسامة ابوزيد
24-05-10, 04:08 PM
يا كافي البلا
يا حايْدَ المِحَنْ
شيشَك . . يا زمن
شيشَك .. يا زمن
**
من كَمِّين سنة
السنة .. فوق سنة
مافيهِن نهار
ما شات .. ليل .. صُرُف
سادَّات في الحَلِق
عشراقات غُصصْ
فالحات في السُّكات .. جِرّيح الغنا .. وقِطّيع العشم
رمَّاضات هجير
منداحرات غُلُب
حلاَّبات سراب
فوق رملاتْ وَهَمْ
زانَّات فوقنا زَنْ
لو ما أخشى ظَنْ
زي مليون سنة
ديل مليون سنة ..آهـ ..يا اْم الحَسَنْ

يوسف الشنبلي
24-05-10, 04:11 PM
ولدا متين بقي للسفر والاغتراب والدردرة

تسلم ياسمسم لكن انت قاصدني ولاشنو

يوسف الشنبلي
24-05-10, 04:12 PM
حاجة امنة ياسمسم

اسامة ابوزيد
24-05-10, 05:29 PM
حاجة امنة بتاعت السندوتشات مش؟؟؟

اسامة ابوزيد
24-05-10, 05:35 PM
حاجة آمنة


عارف الوجع فى الجوف شديد
عارفك كمان ما بتقدرى
اصبرى .. اصبرى
جاهلك شكى وجاهلك بكى
وفى بيتك المرق اتكى
والشيء البحير ومابحير
مابيه يا حاجة الزكاة ...
طلع الصباح لو ليك مراد
يا حاجة ما تطلع شمس
والليلة عندك زى أمس
لسه الرويدى مع الصباح
من مدة ماجاب ليك خبر
كان جوفو زى جوف العيال
من مدة داير ليه حجر
والله على الزمن الحجر
المابى بالصبر اتكرى
سرحتى فى هموم العيال
كيفن يعملوا مع الدروس
وسرحتى فى حق الفطور
باقى الامور البى القروش
واحد زمن داير ردا
واحد خلاص قلموا اتكسر
زى التقول أكلوا الصبر
يا حاجة آمنة اصبرى
مشيتى لى برج الحمام
برجك صفحتين ما بزيد
ومشيتى لى برج الحمام
كان تلقى ليك جوزاً جديد
يمكن بعد طلع الصباح
يغشاكى زولاً يشترى
هبشتى جاى فتشتى جاى
كان تلقى سكر بس محال
باقى الرطيل الفى الكرت
يا حاجة سفوهوا العيال
يا حليل زمان وسنين زمان
يا حاجة لو تذكرى ... يمه
وسمعتى صوت جاك من بعيد
وبعد قليل بابك ضرب
وسمعتى صوت جاك من بعيد
شالك تعب ... ختاك تعب
يا حاجة ناس المويه جوك
أصلو الشهر روح جرى
يا حاجة آمنة اصبرى
بعد صراع وصراع طويل
يا حاجة بينك والمحال
ما لقيتى فى داك النهار
شيتاً ويجو ياكلوا العيال
حبة عدس ما بسوى شيئ
وينو البصل وينو اللحم
حبة عجين ما بسوى شيئ
وينو الدقيق وينو الفحم
من جاى لجاى
هبشتى جاى فتشتى جاى
كان تلقى شيئ
لازمك كتير شان تقدرى
لازمك كتير اتقدرى .

يوسف الشنبلي
24-05-10, 05:36 PM
حاجة امنة بتاعت السندوتشات مش؟؟؟

والله انت ربنا يديك العافية حاجة امنة بتاعت اي شي

اسامة ابوزيد
24-05-10, 05:40 PM
هل تصدق هذه الاغنية دائما" ما اتحاشاها ومعها غنية عطبرة لاني طوالي اجد ادمعي تسيل

يوسف الشنبلي
24-05-10, 05:46 PM
هل تصدق هذه الاغنية دائما" ما اتحاشاها ومعها غنية عطبرة لاني طوالي اجد ادمعي تسيل

يا سلام ياسمسم والله نفس الشعور والاحساس

اسامة ابوزيد
24-05-10, 05:49 PM
يا يوسف انا بحب الناس البسيطين ديل شديد والله

يوسف الشنبلي
24-05-10, 05:52 PM
يا يوسف انا بحب الناس البسيطين ديل شديد والله

ياسلام والله يا سمسم انا علي طول بمشي البلد عشان الراديو ابو حجار والمبه ام قيطان

اسامة ابوزيد
24-05-10, 05:55 PM
اكثر جلوسي هنا معهم والضحك معهم وهم يعاملوك بكل بساطة وطيب خاطر


هوي يا يوسف انت البوست دا حق شنو؟؟؟

بت السر
24-05-10, 07:56 PM
أمـتع فـيك عـيني أشوفك وأنسى ألامي
وأقول حققت أحلامي على تميل وعليك أميل
فـيك أمـعنت نظراتى وجدتك كل مسراتى
وأفـراحي وملذاتي أحبك وأنسى فيك ذاتي
حبيبي أراعى تقديسك ويرتاح قلبي لحديثك
حديثك يشفى العليل والله يا السامي الجليل
الـحب الـصادق قـليل البشبه حبي النبيل
فـبـدون جـمـيل أهــوى الـجـميل

Abousamih
27-05-10, 12:59 PM
الزمان زمانك
أهدى لي مـن فـضـــلـك نـظـره فى رمانك
يا الفريـــــــد فـى عصرك قلبى فاقد امانك
حرام عليك تهجرنى وترضى بى حرمانك
بالكـمــال شــرفـــــت مـنــاطق ام درمانك
وبالجمال امــتــــــزت عـلـى شباب أزمانك
يا أنيس الصـيـــــــد أنــا فى الغرام إنسانك
انت روح شعـــرى وانا فى الشعر حسانك
ان قصدت هلاكــى تـجــدنـى مـن فرسانك
وان عـطــفــــت عــلـــى ذاك مـن إحسانك
يا الحنـيـــن فـى نفـسك قولى ويـنه حنانك
شلت قلـــــــبـى ودمــى خـضـبـت بيهو بنانك
ان مرقت تـــمــر فى الـروض عـلى افنانك
النجوم تـتـــــــغــزل فــى بـيــــاض اسنانك

Abousamih
27-05-10, 01:02 PM
يا أم جمالاً يشفى السقيم
مريضك كيفن دواه
فى صراط الحب مستقيم
قلبى لكن كلت قواه
يا أم جمالأً يشفى السقيم
طال عذابو الليكن غوى
حق نبينا وموسى الكليم
فر عقلى وشالو الهواء
يا الحشيمة وذوقك سليم
كيف علاجى ودائى الهوى
ما بفيدنى فكى أو حكيم
طبى ليمك ما لى سواه
لو نظرتى نظرة حكيم
ما رأيتى العالم سوى
كفى عنى الصد الأليم
بى يا ما الهوى قد لوى
من فراقك ربك عليم
جد شوقى وعودى اتلوى
يا الجويهلة وقدرك عظيم
حسنك أبدع عن ما اتروى
زى سناك الدر النظيم
يافريع البان الروى
هيفاء خصرك كاد ينقسم
عالى صدرك تابع هواه
والجسيم الجرحو النسيم
لى خلاصة الحسن احتوى
يا الوحيدة وأصلك كريم
طار منامى وقلبى انكوى
يا أم طباعاً فى ذاتها ريم
أدركينى وسيبى الجوى

يوسف الشنبلي
27-05-10, 03:02 PM
الزول السمح فات الكبار والقدرو
كان شافوه ناس عبدالله ليهو يعزرو

ود الكرو
28-05-10, 03:24 PM
الليله جيت شايل الفرح قصدك تعوضنى الفات

هنو
30-05-10, 08:14 PM
دمت رائعا بقدر الكلمات الجميله التي تمدنا بها فترتوي منها القلوب وتزدهي بها الثوره والثوار

اسامة ابوزيد
01-06-10, 11:14 PM
وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر
ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر
الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر
شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر
انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر

محمد ساتي
03-06-10, 05:03 PM
لحن الحيـاة

لحن الحياة منك و ما تقول
نسينا الماضي و صرنا
ناسينك محبوبي الجميل
سألوني منك..عرفتهم
إيه الصفات عنك ..خبرتهم
شافو الجمال منك..أقنعتهم
طولت لكنك انا يا حبيب الروح
أعفيني من ظنك..محبوبي الجميل
لحن الحياة منك
و ما تقول نسينا الماضي
و صرنا ناسينك محبوبي الجميل
********
سالمني بإيدو والدمع انهمر
ذكرني بريدو في أوقات السمر
ساحرني بمحيو و جنني و أسر
شاغلني بنورو و كم أخجل القمر
بس تنسى كيفنك
و إنت الوحيد بالذات
الكنا ذاكرينك محبوبي الجميل
لحن الحياة منك
و ما تقول نسينا الماضي
و صرنا ناسينك محبوبي الجميل
********
وفيما الملامة يا روحي
وكل هياما يا روحي
ويامن تعامى يا روحي
سلاما سلاما يا روحي
وذكرى محبي يا روحي
تموجو بقلبي يا روحي
وأنت بقربي يا حبيبي
حياتي و حبي يا روحي
أهنأ وانت بعيــد ما كنا
ناسينك و الحب عليك
إزداد غمر النفوس ضنك
لحن الحياة منك و ما تقول
نسينا الماضي و صرنا
ناسينك محبوبي الجميل

اسامة ابوزيد
04-06-10, 12:01 AM
" فيا من في يديك
الشمس والقمر
يكاد اليأس يضنينى
ولو لا انت .. حين اناديك .. اناجيك
لاختلت موازين
وصرت كما يريد الليل
لا عينين . . . لا شفتين
لا تاريخ . . . لا نسبه
فقدت بطاقتى الخضراء
والاسماء والرتبه
فمدي لي يديك بها
وردى حيرتى عنى
وضعينى على شفتيك
حين تبتسمين ..
تجدينى نسيت الويل والاحزان والغربه

اسامة ابوزيد
04-06-10, 08:07 PM
دمعة الشوق كبي حـكـم حـبـي ارعـي نـجم الليل
نسمة الاسحار ليلي طال هبي انـا مـسـاهـر ونـومـي متخبي
انتحل جسمي والمحال طبي مـصدرو الزهرة الفي نواحي سهيل
انشغال فكري وانعدام لبي وشـحـوب لـونـي كـلو من حبي
انشغل بالي انتزع قلبي امـا امـالـي طـوحـت بالمـيـل
صدري مزماري والدموع شربي انطـرب كـلما ذكـرو يخـطر بـي
مالو جافي نفور مابدور قربي وانـا مـالي دوام لـي خـيالو اميل
حين قوامو يميس للغصون يسبي وازدهـار محـيو للبـدور يـخـبي
في جمالو تشوف حكمة الرب زي سـواد حظي جوز دواعجو كحيل
يابديع الزي وازهر اللون ياخفـيف الـروح يا سـما الصـون
خلقك مولاك زينة للكون حـبـب الارواح فـي هـواك اجميل
عهدي بيك ياجميل دأبك الحلم اري هـجـرك لـي نـير الظـلـم
انت عارف نوع حبي ليك سلمي شوقي مهما ازداد برضي شايفو قليل

اسامة ابوزيد
05-06-10, 09:36 AM
يمه جد الغربه ذله والشقى اليوم هو المهاجر
يومو حسره وليلو آهات وعيشتو هم ما ليهو آخر
حتى ناس بلدي الهناك البسالمك يمه نادر
وحتى أقرب اقربائك لا بيحن ليك لا بيزاور
كل واحد يقضي ليلو ساهي في أوهامو ساهر
مره يحلم باللواري وهمو يصبح أغنى تاجر
ولما يصحى يبكي تاني لما يشعر روحو خاسر
أصلو دنيا الغربه سراً البيكشفو ما بيسافر



مهداة لبكي ويوسف فقط

سامية الصديق
09-06-10, 06:26 AM
الحزن النبيل

وبقيت أغني عليك
غناوي الحسرة والأسف الطويل
وعشان أجيب ليك الفرح
رضيان مشيت للمستحيل
ومعاك في آخر المدى
فتيني ياهجعة مواعيدي القبيل
بعتيني لي حضن الأسى
وسبتيني للحزن النبيل

اسامة ابوزيد
09-06-10, 11:49 AM
انـت روحـي انـت انسان عـيـنـي يـا صــاحي وانـت احـسـان
انـت نـادي انـت هـادي انت ميسان انـت ظـافـر انت ضـافر اسـود وفـرسان
انـت شـادن انـت لادن انـت فـتّـان انـت ضـامر انـت سـامر انـت هـتّـان
انـت نـادر انـت نـاضر انـت بستان انـت صـافي انـت نـافي زور و بـهـتان
ياحـيـاتي يامـمـاتي هـاك سـطران الصـبـابة ومـر عـذابا و قـلبـي اقـران
انـت سـاهي انـت لاهـي انـت بطران فـي دلالك فـي جـلالك ياسـامي وكـران
ياصـفـايـا يا وفـايا هـاك بـرهـان عـن غـرامي و طول هيامي السابني ولهان
عـزّ قـربك امـا بـعدك مـالو لي هان قـلبـي خـافق هل توافـق قـدري ينـهان
يا حـبيـبي كـون طـبيبي امري حيران طـول نهـاري ثم ليـلي سـاهي سـهران
طـال عـذابي صاح غرابي جوّي عكران دمعـي هـامي شوقي نامي و فرشي نيران
انـت حـالي انـت عـالي انـت سلطان انـت سـاطـع و انـا ساجع بي غناك طان
طـال انيـني فـاق حنيني الحان لأوطان والـيلـومـني فـي هـواك ياسيدي غلطان

اسامة ابوزيد
12-06-10, 01:25 PM
افتقدتك يا صبا عمرى وشبابى
افتقدتك لما زاد الشوق عذابي
افتقدتك فى غيابى وفى اغترابي
وافتقدت الابتسامه
والعيون الساحره يوم يسحر كلامها
ويا حبية عمرى فى الدنيا وزحامها
اكتبي لي عن سنينك
وكل يوميه بتمر بتزيد حنينك
واكتبي لي عن مشاغلك
وقولي لي عن أي شي فى
الدنيا شاغلك
واي زول في الدنيا لو سألك عليا
قصدو يعرف ايه علاقتك انتِ بيا
قولى باكر ايوه راجع جاي ليّا

اسامة ابوزيد
13-06-10, 09:49 AM
غلاف الصمت يجمعنا
وليل الفرقة الأسود
يعايننا.. يعايرنا
يكايدنا.. يلاعبنا
ويرخى الأذن يسمعنا
ومن آلامنا يضحك
وفى آمالنا يفتك
ومن أحزانه ننهل ...ولا نسأل
ويضرب خيمة سوداء ...
واسعة ومحكمه
فتحجب عن امانينا ضياء الشمس
فلا تدخل ... ولا نخرج
فلا نسرى ... ولا تعرج
ولا تنزل.. ولا نعلو
ولا نصبر..ولا نسلو
تقهقه موجة الأحزان فى صدرى
ويعجب قلبى فى أمرى

اسامة ابوزيد
13-06-10, 01:26 PM
لو اعيش زول ليهو قيمة اسعد الناس بوجودي
زي نضارة غصن طيب كل يوم يخضر عودي
ابقي دار لكل لاجئ او حنان جوه الملاجئ
ابقي للاطفال حكاية حلوة ضمن الاحاجي
بيها يتهنو وينمو واحرسهم طول ليلي ساجي
والقي في راحة نفوسهم بسمتي وطول ابتهاجي
لو اعيش طول عمري نسمة لو مع الايام سحابه
اهطل ادي الدنيا بسمة اروي وادي واسقي غابة
لو اعلم طفل واعد لسه ماعرف الكتابة
ببقى شجرة ظلالها ورافة تحتي نايمين ناس تعابة
اشقي والقي وابقي بهجة في النفوس لكل مناضل
ابقي لمعتل علاج وابقي للفلاح سنابل
ابقي للثوار سلاح اعتي من قذف القنابل
وابقي للكداح الملوح كل حد موفور وعادل

اسامة ابوزيد
13-06-10, 01:28 PM
أحتاجُ دوزنة وتراً جديداً
لا ُيضيف إلى النشيدِ سوا النشـــــاز
لغةً تُفتشُ عن أراضٍ خِصبةٍ
شمساً تُغير طعم فاكهةِ الشتاء
أحتاجُ مِفرزةً من الشعراءِ و الجوعى
لنُعلن سُخطنا أو ننتهي منا باغنيةٍ تذاع
بالشهداء
بالفقراء
بطفلنا الآتي
بكوم اللاجِئين
بالداعين في الصلوات
هتـــــتفنا ما سمعتم
ثم هاجرنا انصرفتم

يا بحراً تجاوز في سكونِهِ كل حد
يا بحر قم .. حرِك تحرك
أو فعُد نحو ابتلائك فالنهايات القديمة لا تُحد
ألفُظ جحيمك
أو فغادر ساحليك إلى الأبد
تابعوا من شئتمُ أو طاوعوا من خفتمُ
فالزاحفون إلى الفجيعة أنتمُ
فقط إفهمـــــــــــــوا
أن لا وثيقة أو وفاق
ولا حقيقة أو نفاق
تخفي عن الأطفال عورة من دفنتم مِن رِجال
يا بحر قم .. حرِك تحرك
أو فعُد نحو ابتلائك فالنهايات القديمة لاتــحــد

اسامة ابوزيد
15-06-10, 08:44 AM
بعد ما عز المزار
الليل سهى وملت نجومو الانتظار
والشوق شرب حزن المواويل وانجر
خاطر النهار
وبقيت اعاين فى الوجوه
وأسأل عليك وسط الزحام قبال أتوه
يمكن الاقى البشبهك
مالليل براح والشوق تعالى بيندهك
شايلاهو وين النيل معاك
عصفوره جنحاتا النجوم
وأنا بى وراك
بسأل عليكى مدن مدن
واعصر سلافة الليل حزن
وأسأل عليك فى المنفي فى مرفا السفن
يمكن طيوفك أخريات الليل تمر
تملا البراحات للحزين طول العمر
ما نحنا بينا الامنيات والتضحيه
بينا المعزات والعذابات فى الحيا
بينا الهوى
اخلاص على قلب انكوى
وكلام قديم قلناهو آخر
الليل سوا
انو راح نتلاقى
لو طال النوى
لكن كلامنا الكان وكان
خايف يكون شالو الهوى

اسامة ابوزيد
16-06-10, 09:03 AM
نوّر قناديل الحزن
شمعاتو جواك ولعا
واندب سنينك والضياع
احزانا حولك جمّعا
واسكر مع الحزن اللي فيك
خلي النوافذ مشرعه
قمريه ناحت في الغصون
اوعاك تفكّر تمنعا
في صوتا نبرات الشجون
ياريت تحاول تسمعا
محزونه شاقيها الزمن
زيك كمان متوجعه
شوفينا ياقمريه كيف
احلامنا برضو مجدّعه
وايام مسرتنا القبيل
ما ظِن في يوم بنرجّعا
وعيونا تحلم بالصباح
تارينا كنا بنخدعا
ونقول اكيد بكره الفرح
واحزانا بكره نودعا
وكبرت الأحزان خلاص
وارواحنا صبحت مرتعا
قوليلنا يا قمريه كيف
افراحنا ولّت مسرعه
قوليلنا يا قمريه هل
غنواتنا ليها بتنفعا
قوليلنا يا قمريه مين
احلامنا مين الضيعا؟

محمد ساتي
16-06-10, 02:46 PM
أنت سودانى وسودانى أنا
ضمنا الوادى فمن يفصلنا
نحن روحان حللنا بدنا
منقو قل لا عاش من يفصلنا
قل معى لا عاش من يفصلنا
هاهو النيل الذى أرضعنا
وسقى الوادى بكاسات المنى
فسعدنا ونعمنا ههنا
وجعلنا الحب عهدا بيننا
أيها السودان دم أنت لنا
أيها السودان دم أنت لنا
واسقنا من نيلك العذب اسقينا
وأبعث العزة فى أشبالنا
وأحفظ الشِيب كراما بيننا
يتغنون بأنغام الهنا
سوف نحمى دائما سوداننا
ونغنى بعد ذا من لحننا
ليس يرضى الحر يوما بالضنى
أيها السودان دم أنت لنا
أيها السودان دم أنت لنا

للشاعر السودانى عبد اللطيف عبد الرحمن

عادل عثمان
16-06-10, 08:16 PM
معقوله تنساني وتسيبني وحداني
وانا عمري ماحبيت في الدنيا زول تاني

إنت الوحيد جواي في كل خطوه معاي
لو قلت تنسي هواي حطمت وجداني

عادل عثمان

بكي
17-06-10, 09:33 AM
منو القال ليك بنحمل فراق عينيك

اسامة ابوزيد
17-06-10, 09:52 AM
في عينيك عشم باكر ..
ما إنــت العـــمر كلــــــــه ... والشـمـس الـوشـاحـة ورود
وزغـرودة بـتـزف للناس ... خـبـر زمنــاً جــديد مـولـود
بقيت غيرك بضيع إسمي ... وأكون أنا حي وزي مفقـود
وفي عينيك عشم باكر ..

لاقيني يا عشقي الخرافي ... لاقـيـنـي قـبــال الـزوال ..
لاقيني في كل المـرافئ … زفاف ربيع وفرح قوافي ..
وإنشرى في حزن السنابل ... غيمة يا كل المشاعر ..
وأمـشـي قـبـال الـصـبـاح ... وزعي الطل للأزاهر

لاقيني يا شوقي الخرافي ... لاقيني قبال الزوال
غنوة من أزمان بعيدة ... طالعة من زمن الرميدة
تلقيني راجيك بالآماسي ... في المراسي والملمات الخطيرة .

محمد عبدالرحمن
18-06-10, 01:19 AM
قيل ان هشام بن عبد الملك ذهب الى الحج في خلافة ابيه عبد الملك بن مروان فبعد ان فرغ من الطواف اجلسوه اهل مكه هو وحاشيته في مكان بالقرب من الكعبه وبينما هم جالسون فاذا بعلي بن زين العابدين بن علي يقترب من الكعبه فعرفه اهل مكه فأفسحو له الطريق فهو حفيد سيدنا علي بن ابي طالب كرم الله وجهه فشاهد هشام زلك المنظر(احترام اهل مكه لزين العابدين) فلم يعجبه وتسائل مستنكر من هذا؟ وهو اعلم الناس بحفيد علي بن ابي طالب كرم الله وجهه فجاوبه الفرزدق باجمل قصيده في مدح الامام زين العابدين بن علي قال:


هذا الذي تعرف البطحاء وطئته والبيت يعرفه والحـلُّ والحرمُ
هذا بن خير عباد اللـه كُلُّهمُ هذا التقـي النقي الطاهرُ العلمُ
هذا بن فاطمةٍ انْ كنت جاهله بجـده انبيـاء اللـه قد ختموا
وليس قولك منْ هـذا بضائـره العرب تعرف من انكرت والعجمُ
كلتا يديه غيـاث عـم نفعهمـا يستوكفان ولا يعروهمـا عـَـدمُ
سهـل الخليقـة لاتخشى بوادره يزينه اثنان حِسـنُ الخلقِ والشيمُ
حـمّال اثقـال اقوام ٍ اذا امتدحوا حلـو الشمائـل تحـلو عنده نعمُ
ما قـال لاقـط ْ الا فـي تشهده لولا التشهـّد كانـت لاءه نـعمُ
عـمَّ البريـة بالاحسـان فانقشعت عنها الغياهب والامـلاق والعـدمُ
اذا رأتـه قريـش قـال قائلهـا الى مكارم هذا ينتهـي الكـرمُ
يُغضي حيـاءً ويغضي من مهابته فلا يكلـُّـم الا حيـن يبتسـمُ

سامية الصديق
22-06-10, 05:51 AM
الليل الهادي
الليل الهادى
يذكرنى حبيبى الغايب
من بدرى
خلانى وحيد
نصيبى نحيب
سهدى وبعدك جننى
متين ياربى القاه
ويسعد لى قلبى بلقياه
لو فاتنى يومين تبقى
لى سنين
سهدى وبعدك جننى
وحشتنى عيونك يا حبيبى
وهمسك ولمسك يا طبيبى
انته هناك ... وروحى معاك
سهدى وبعدك جننى

بت السر
22-06-10, 08:09 AM
انا بيك لو قلبك يحن
عالم يجن من الوله
اسقيك حنان ما اظنو كان
في الدنيا او كانت صله
*****************
وازرع هواك بين النجوم
روضه حنان و ادللا
واحدق ريحون يا غاليه
لي ساقيك و العود غازلا
واخلي كل الكون يقول
فنان يزوب من الذلا
بتقولي لا لي لهفة المشتاق
لي طعم الحلا

محمد ساتي
23-06-10, 09:21 AM
شكرا لكم

بت السر غنية ترجع الواحد لزمن الروابط الطلابية وجمال الدنيا بناسها

عادل عثمان
23-06-10, 09:43 AM
نسأل الله الرضا
والعفو عما مضي

الصادق محمد
23-06-10, 10:48 PM
من روائع عادل عثمان
اسيبك كيف انا الفارقته موج الوحده وانت القيف
اسيبك كيف يالرؤياك مزاج الروقه عز الكيف

عادل عثمان
24-06-10, 05:36 PM
أنا بيك سعادتي مؤكده
وبلاك حياتي منكده
ياجميل مابصح ليك تعمل كده ..

اسامة ابوزيد
29-06-10, 08:46 AM
الربيع هلّ وفتح الزهر بسام
من طيب شذاه الفاح يتمايل النسام

جات البدور تختال مجلية سافرة لثام
لابسة السكينة وشاح لابسة الفضيلة وسام

عزّت على الإدراك ضمت معاني جسام
جلّت عن التصوير وصعبت على الرسام

مهما يجيني خيال مايكون لدي إلمام
أرسل خيالي يغوص يرجع لي ماهو تمام

أصف المناظر صيد وأصف السباتة تمام
وأرجع وأقول دا النيل الـ فيه وز وحمام

ثارت نفوساً كانت سابقة غشاها ظلام
وقرانك يالمحجوب حقق لها الأحلام

دمت والنعيم يغشاك مع السرور أفلام
يدور بهاك للناس وعزّة الإسلام

اسامة ابوزيد
01-07-10, 08:58 AM
ماضهبت اقول لقيتك
انتي فى كل الخواتم والمياتم
والنجيمات والعواتم والمغنين المطاليق
ما حزنت اقول بكيتك
نحن فى حزن المخاليق
الفرح جاييك وعد
غنوة اولاد التحاريك
كنتى فى ليل الخوابى
تهاتى بينات الطوابى
تحاكى جقليب السعى
الوليدات خلو حجرك ريح يفوفى
وعين مزرزرة من شقى الفرح المرابى
منية الوعد الداعى
انت في خوفك تكاتل رفة الطير والحفيف
انت فى شوفك تخاتل عينة الجلب الخريف
انت فى اللالوبة مصلبة البنيات النسيمات الهفيف
انت فى اللالوبة مشنقة الوليدات ناس نجومى
محبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم وافيت ..وكت العلم جافي
صدق الوعد نافيت .. مر الصدق وافى
يا ديارى الوين ....نى
تور عفينة الشينة ..... نى
ما اضينة وزينة.....ني
تور عفينة الشينة....ني
سنتاً والعيش بالقبضة
قلبك شابايل النبضة
جوني العشاء ملقوني
جهدية ماكلة أكتوفي
يا امونة شن بتشوفى
يا عيونى شن بتشوفى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
يا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
يا عيونى شن بتشوفى
جهدية الاورطية
جهدية الحلبونا
شدو جمالم جونا
جلبنا ليهم سمسم .......... السمسم ما كفاهم
جلبنالهم سعية

الصادق محمد
01-07-10, 07:16 PM
الخلاني احبك اكتر
انو حنانك لي ماأتغير
انو قليبك رقم الفرقه
لا راد غيري ولا اتنكر
انا يا حنين برضي وحاتك
عشت سنين الفرقه وحيد
مهما يوم لاقاني جمال
ماحاولت سواك اريد
الافراح ماشفتها بعدك
كيفن افرح وانت بعيد
حتي العيد لو مر بدونك
ذي حسيتو بلاك ماعيد
وانا بي غيرك ما بتأثر
دا الخلاني أحبك اكتر

اسامة ابوزيد
07-07-10, 08:05 AM
يمه جيت راجع عشانكم
وغربتي مليت دروبها
حزن دائم ودمعه كابه
وكل حاجه كمان غريبه
وناس قدر ما تحب عيونها
ما بتلاقي عيون حبيبه
شوق معذب وذكرى مره
وسيره ما بنقدر نسيبها
كل حاجه هنا بدراهم
وبي طرق قاسيه وصعيبه
بلدي أعظم وناسها اصدق
وعيشتهم في الدنيا طيبه
وان غلت في بلادنا حاجه
حتى كان قمره بنجيبها
أصلو عيشة الغربه قاسيه
وحتى ناسها كمان عجيبه

اسامة ابوزيد
08-07-10, 09:30 AM
عزنا وعزة بلدنا فتنا منها وانخدعنا
موج سراب ودانا ليها ونحن سرنا وانقطعنا
قلنا رايحين قلتي لا لا ويمه قولك ما سمعنا
ودابو قولك جانا واقع إلا قبلو كمان وقعنا
ونحن مما فتنا دارنا في العيون يوم ما ارتفعنا
التمن يا يمه غالي ونحن ليهو الروح دفعنا
هم كبير ودرب خطير وسكه تب ماليها معنى
لا دراهم لا مظالم نحنا بس للعز رجعنا

الصادق محمد
08-07-10, 02:43 PM
كلمات اللواء عوض أحمد خليفه
عشره الأيام
مابصح تنساها
كأنو ماحبيتك
وكأنو ماعشناها
وضماني أحلي غرام
ليه فجأه دون أسباب
من غير عتاب او لوم
أخترت غيري أصحاب
وأصبحت قاسي ظلوم
هان ليك فراقي خلاص
وانا برضي حولك أحوم
كان عهدي بيك ترعاني
وأجمل صلاتنا تدوم
أمل المحبه سلام
بعدك أماني هواي
يا ما جنيه عدم
ولا عرفت صديق
لي قلبي غير الهم
كم غيري يشدو سعيد
وأنا في هواك مغرم
ما اظني أنا أنساك
ومن العذاب أسلم
أسلم من الأوهام
ما كان فراقنا المر
في نيتي أو في إيدي
لكن ظروفك أبت
وقست ظروفي علي
وأتلاشت الأحلام
وين حسن ظنك بي
وريني إيه ضراك
لو كان صبرت شويه
عمر السنين أيام

عادل عثمان
08-07-10, 04:24 PM
الغريب عن وطنو مهما طال غيابو ..
مصيرو يرجع تاني لي أهلو وصحابو ..
إلا قلبي أنا ياحبيبي في هواك طال إغترابو ..

اسامة ابوزيد
11-07-10, 08:58 AM
لا تضحكينى .. فإن الهمِّ يبكينى
والقيد فى معصمى يدمى شرايينى
ماذا أغنّى ؟ .. ومافى الدهر من لينِ
تلاقح الخوف فينا كلّما عصفتْ
بنا العواصف فى ليل الخماسينِ
نحنُ المساكين قد شنا الظلام على
أكتافنا .. وحملنا عرشَ قارونِ

اسامة ابوزيد
11-07-10, 09:57 AM
خايف عليك ..

انو الزمن يظلم عينيك

خايف من الحب الجديد

خايف عليك .. ما دايرو ليك

انا شفت في وصفك حبيب

يحميني ويكون لي قريب



طيب وانا

بحبك انا

انا لي سنين واقف هنا

زيك انا

بحبك انا

قلبي الحزين مكسور هنا



فعلا غريب .. قسمة ونصيب



فعلا غريب .. انو الحبيب يصبح صديق

يتلاشى في نص الطريق



بس قولي لي الحب الجديد

يحافظ على قلبك شديد

الله عليك الله عليك

رغم الفراق ما هان عليك

جواي نار تحرق بحور

جواي نار تصرخ تقول

محتاجة لي كل الحروف

فعلا غريب قسمة ونصيب

اسامة ابوزيد
12-07-10, 08:38 AM
الكل يحنى الرأس يا اماه يخشى الحريق
الكل يخشى المذبحه وان يكون فيها قربان
ليبقى فى امان
واجبن من جبان
ووحدى اصيح (( اريد ان ابقى كانسان ))
واليأس فى قلبى يطوق الامل الفصيح
وانا الجريح
وحدى اصيح
قوموا نغير وجه الزمان القبيح.. اماه انى اخاف . . .
خوفى ان جئتك غاضباً.. ان تسلبى مني ردائى
والناس تطلق الف نعت من ورائى
فالناس يا اماه لا تعرف .. من يحدب عليها من يضحك عليها
من يجمع الآهات مالاً .. كى يشترى فرحاً مهاجر
ويدوس ع الاشواك كى . . يستنشقوا عبق الازاهر
ويمد العنق للسفاح لا يعبأ ... في سبيل الحق يوماً بالمخاطر

الصادق محمد
13-07-10, 11:02 PM
وصتني وصيتا
حاولت أنساها
في شعري حسيتا
حلفت ما أغني
قطعت وتر الحب
لكني جيت بالليل
مهووس وغنيتا

اسامة ابوزيد
14-07-10, 01:19 PM
وتولدين يا مليكتى بليلة تخاف ان تغيب شمسها
وتخرجين والرياح فى نوافذ السماء ترقب الولود فى تأوه
فيغمر الفضاء همسها
ومن اميرة النساء تطلعين
وتحملين من عيونها وداعة السنين
ورونق الجلال والنضار والحنين
هنا بنيتى على مهاد اجمل البلاد تولدين
وتحملين سندسا من اخضرارها براعما وياسمين
وترتوين من مياهها عذوبة
على شواطىء الشمال تحتويك باليمين
وتخرجين والنهار صاحيا
والعيون فى ترقب الشعاع ان يهل لا تلين
يا شاطىء السماح والصباح
يا تلاحق العبير والندى
يا اجمل الحدائق التى تكونت بساحل المدى
يا مقطعا يجىء من قصائد الزمان ساطعا انيق
يا فرحة تداخل الحزين بسمة وسامرا عميق
والليل من ضيائك الوضىء يستفيق
والبدر بعد بدرك عاد مطرقا وغاص كالغريق

بت السر
14-07-10, 09:12 PM
يا غنانا المشتهنو
ياني موعود بي زمانك
بي مواقيتو البرنو
بارتعاش صرخة وجودك
يوم يطل ميلادي منو
لما اتوسد صباحك
يا تو ليل يفصلني عنو

اسامة ابوزيد
15-07-10, 09:56 AM
الاستيكه
قال تسمح؟
و كيف يا الحلوة ما بسمح؟
أصابعي العشرة تكتب ليك
و قلبي أبقيه إستيكة
عشان بس للغلط يمسح
يذوب بين أصبعين حلوين
يتوه وسط السطور يسرح
و لمن تنتهي الكلمات
يخش الشنطة في منديل
و نمشي القهوة نتفسح
-------
و صار عاشق يطيع سحرك
يجيب الفانتا شان أمرك
تختي الشنطة في حكرك
وقلبي الدايش وسط منديل
يسكلب ساي يقول يا ليل
و جوة الشنطة يتمرجح
و ترجعي تاني يا الحلوة
و أكون راجيك هناك مصلوب
أشوف الناس طشاش في طشاش
و أقرأ سطوري بالمقلوب
-------
تقعدي
و أعاين ليك.. تغمضي إنتي
تعايني لي.. أغمض أنا
و أعاين ليك.. تغمضي إنتي
تعايني لي.. أغمض أنا
نعيد الكرة من أول
و أعاين ليك.. تغمضي إنتي
تعايني لي.. أغمض أنا
و أعاين ليك.. تفري البسمة
تضوي سنة
-------
أحك راسي
و أبلع ريق
و أتنحنح
و أجر الكرسي لي قدام
و أرجعو تاااني و أتزحزح
و أقول للسمحة لو تسمح
ممكن كلمة في زاوية؟
تقول بسمح
-------
تقوم السمحة تتلمم
و تتبسم
و أنا أتراجف.. و أتخمخم
و أقوم أفرح
و أدق الجريك
و أطق روراي
و أرمي الكرسي.. أوب سوري
و أقع في الجنبي.. أوب سوري
و أدقش الماشي.. أوب سوري
و جنب السلم.. أوب سوري
-------
هناك في الزاوية نتقعد
و أستغفر.. و أتشهد
و أشيل أنفاسي.. و أتنهد
و أقول ليكي
والله
و غايتو الزول
و الحاصل
و في الواقع
و ما عارف
هه ما قادر أقول ليكي
-------
تقول لي
هي يا دا
و فيها شنو
و معانا منو
و يخسي عليك
و قول يعني
هه ما تخجل.. و تتعقد
-------
أنا أتعقد؟؟؟
أجر الكرسي
أزيد الخلطه تسبيكه
و أقول ليها
وبي صوتا ندي و ريان
يفيض رقة و موسيقى
من فضلك
و أترجاك
ترجعي لي الإستيكة

بت السر
15-07-10, 08:44 PM
وغدا تأتلف الجنة انهارا وظلا
وغدا ننسى فلا نقسى على ماض تولى
وغدا نسهو فلا نعرف للغيب محلا
وغدا للحاضر الزاهر نحيا ليس الا
قد يكون الغيب حلوا حلوا انما الحاضر احلى
هكذا احتمل العمر نعيما وعذابا
مهجة حره وقلبا مسه الشوق فذابا

ود الكرو
15-07-10, 10:40 PM
بكره ياقلبى الحزين تلقى السعاده

الصادق محمد
17-07-10, 05:41 PM
بحكي ليكم يامظاليم الهوي
اصلي مجروح مرتين
امكن القي الذيي فيكم
امكن القي وصفه تنفع
تدمي للجرح القديم

اسامة ابوزيد
18-07-10, 09:00 AM
أقيف لِسَعْ
وأقيف وأسمعْ ،
ونحن صديرى منضوم ويلْ
ونحن القَرمصيص ..بلحيلْ ،
ونحن التوبْ
ونحن الووبْ
وناس حبوبْ
وناس حَرّمْ
ونحن إذا رأينا كبيرْ
نقيف طولنا ..ونقولْ لُه ..حَبَابْ
ونديه البُكَان ..ترحابْ
ونحن. اليَانَا ديل .. يا زولْ
وتسعلنى .. وتقول لِى منو
وتقولِى شنو ،

اسامة ابوزيد
19-07-10, 07:54 AM
يا زهرة حب ولدت عفوا فى ذاكرتى
برقا اومأ فوق سمائى
لحنا غرد فى خيلاء
ادمنت السفر على رؤياك
وسقت الكون على يمناك
وبحت بحبك كل مساء
لم استسلم للأجراس تبث حريقى
لم يختار الحزن طريقى
لم يتدفق فى مقدرتى نهر بكاء
تاه بشط الغيم الوقت
ونام على عينيك الصمت
وعمق الحضرة والأصداء
اليك اكفّر من آثامى
وقت الشدة والرمضاء
عساى اطوق وجه الأرض
بزهر الالفة
صدرا ينفس بالصعداء

سامية الصديق
21-07-10, 07:08 AM
اسال نفسك بينك وبينها، عن اخلاصنا
ليه تتجاهل شـوقنا البينا


انت نسيت ايام ما كنا
نعيش الحب فى عهدو الاول
ياما كتير وكتير فكرنا
وكنا بنحلم بالمستقبل
لكن فجأة بديت تتنكر
وعن ريدتنا بقيت ما بتسأل
قلبك رغم الطيبة الفيه
انا بستغرب كيف اتبدل


فاكر الكلمة القلتها لى
وانت فى لحظة هنية سعيدة
اتعاهدنا على الحنــــــية
ونقضى عمرنا محبة شديدة
ما قلت بريدك زى عيني
وانا صدقت كلام الريدة
عارفه قلبك وافى ومخلص
وانك تقسى دى حاجة بعيدة


راجع نفسك ما تكون جاير
وخلى حياتنا تعود لهناها
ماتحطم بى ايدك نفسى
والامال القلبى بناهــــــــا
مهما قسيت انا برضى بحبك
وساعة عطفك بستناها
ومهما يزيد المى وحرمانى

برضى سعادتك بتمناها

اسامة ابوزيد
25-07-10, 08:46 AM
الحياه لحظات قصيره يمه وين نلقاها تاني
وين بنلقى رضا الحبايب صبحوا يا حليلهم أماني
وبلدي مما فت منو ديمه سيرتو معذباني
والمكان الرحت ليهو أصلو يوم ما كان مكاني
ما قدرته أحس بفرحه والجمال غيركم عماني
وعقدة الذنب بي فراقكم يمه والاحباط شقاني
شلته دمعي وباقي شمعي وجيت أفتش عن حناني
ولو هربت أنا من بلادي كيف حاهرب من زمانى

اسامة ابوزيد
26-07-10, 08:55 AM
شين ودشن
حر سيافى شين
شين ودشن
كلمة مافى شين
وهظاروا خشن
بسموم وسوافى
تسال شن الحبة الفيهو
الحب في زاتو مبرر كافي
ماشين ودشن
حار سيافى شين
عشان بقعة خراب
مافيها شجر
راويها سراب واطاطا حجر
حصحاصا يولع في الرمضاء
الحب سلطان مسلط نافى
لغيروا مرض لكن شافي
الشعب الحر الفعلو بسر
آب لحما مر
في الزنقة أم لوم قدام ميلين
البسمع فيهم يا أبو مروة
بي فرارة ينط من جوة
يبادر ليك من غير تأخير
دا اخو الواقفة يتعشى الضيف
الحافظ ديمة حقوق الغير
سيد الماعون السالي السيف
الهدمو مترب وقلبو نظيف
لا تسالنى عن حب وطني الفقران وغنى

اسامة ابوزيد
29-07-10, 08:50 AM
شوف وجوه الروض باسمة منطرحة
وتضحك الأزهار ميتة بالفرحة
ليك شجرة الفل ياخي منشرحة
الورود (بالمر) لونها ليه محمركأنو منجرحة
ديك طيور منظوم روقها زي سبحة
طايرة كالآمال في الفضاء سابحة
في حدانا قريب ظلالها جات شابحة
ياخي ما فايتات أظنّهن بايتات
في الرياض صابحة
النسايم لو عادية أو رايحه
بي ندى الأزهار والعبير فايحة
الفروع بتميل بالطرب مايحة
والسواقي تئن بى نغم
تلحن صوتها كالنايحة
منظر البدر وبهجتو الفاضحة
تبدو ليك في النيل كالدرر واضحة
الطيور تختال في الغصون صادحة
السرور ميل ورقو
بتخيل كفتو الراجحة

alsaudi
29-07-10, 08:00 PM
من كوستي

تحياتي

انت إضافة حقيقية للمنتدى واصلي وربنا يوفقنا جميعاً


مشكورة

التحيه ليك والله والتحيه لكوستي الانجبت واحد من افذاذها مثلك

اسامة ابوزيد
02-08-10, 09:00 AM
شغل القليب بالشوق على زولاً بحن
طبع الفراق الجوة إحساسي الدفين صورة شجن
زاد الألم سبب الفراق البينا كان غدر الزمن
غدر الزمن مسح الأحاسيس النبيلة وبدلا
عشرة سنين ممزوجة بي أحرف وفاء ما أجملا
عزاي حروف بعد الشقاء مسح الليالي وبدلا
سلواي قصايد شاعر إتغرب وزادو بقى الصبر
نعمل شنو إلا الحصل بيناتنا ما نفذ القدر
يرجع يعاودني الحنين خاطري إنكسر يوم إنجبر

الصادق محمد
02-08-10, 02:12 PM
وصتني وصيتا
حاولت أنساها
في شعري حسيتا
حلفت ما أغني
قطعت وتر الحب
لكني جيب بالليل
مهووس وغنيتا

اسامة ابوزيد
04-08-10, 08:47 AM
لون المنقه يا الشايل المنقه
ما عارف كيف نحنا بنشقي

نسالموا يرد بمحنه ذوق
والغيمه الفوقنا صفاها يروق
ونحس بالعمر الراح ملحوق
نتامل في ايدو المنقه

و حنين الريده لو بكره يعود
الجنه بصل ليها الموعود
بقولوا الناس للصبر حدود
بس نحنا بدون صبر بنشقي
شايل المنقة

وتعاين ماتقدر تعرف
احلي من الشايل وتحلف
مهما بالغنا وقلنا واحدين
حنكون ظالمين نحنا المنقا
يا الشايل المنقه

اسامة ابوزيد
05-08-10, 02:25 PM
عمار دي ليك مخصوص




النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو البياخد من ملامحك نغمة من طبلة وربابة
يصنعوا اللحن البيدوي يجمعوا الأرض والسحابة
نخلة تاخد من ملامحك فرحة النيل في التعابة
طفلة تلعب بين دموعو كايسة لي حرف الكتابة
النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو اللي ثابت فينا منك هو اللي ساكن في الحنايا
النهايات التفتش في عيونك للبداية

اسامة ابوزيد
08-08-10, 05:10 PM
لامقدور أسيبك ولاعايش معاكي
لا معدود حبيبك ولا عاشق سواكي
أجيكي بكل طيبة وأنا العايزك حبيبة
تجيني بكل ريبة ولاقي عيون غريبة
أجيكي بكل حناني واقول جنبك أماني
تجيني بشكل تاني تضيع مني الأماني
وافتش لي رضاكي
معاكي غلبت حيلة مسافتك مستحيلة
ولا الريدة النبيلة ولا العشرة الجميلة
ولا التحنان هداكي
بخاف من بكرة بعدك يالأخلفت وعدك
انا البشقيني بعدك يكون في بعدي سعدك
واعيش محروم هواكي
أكون يالله واهم وفاكر الخوة ريدة
وإنتي نهاكي فاهم ايه معني القصيدة
وأنا الحزنان وباكي

اسامة ابوزيد
09-08-10, 10:29 AM
ما غنيت يوم جيتك .. صدفة
ما ظنيت يوم جيتك صدفة
قبل أبداك كان غصنك .. بشـّر
يوم ما كان إحساسك مسرى
عرج غيمك فينى .. ومطّر
لحظة طار عصفور من صدرك
رتب فينا إحساس بالإلفة
ودوزن عصب الزمن الأشتر
وإتوكلت عليكى .. وقلت
المارق منك داخل جرح الوردة
وراسم فوقا غناوى الطل
المارق منك
رجع للغابات الزنج الهاربة
وللعتمور العرب العاربة
وأدى الكون مفتاح الحل
المارق منك
شادد عصب الورقة .. وحرفى
وراصد فى اللاّ وعى سكونو
مواعيد صحوه .. وحلمو ولونو
شارى يقينك فى ظنى
سارق لحظة إنى أفكر
المارق منك
مارق منك .. أو .. منى

اسامة ابوزيد
10-08-10, 08:33 AM
ياعمر خليني انسي والبينسي الريده سيبو
خلي عايش في خيالو بكره ما الايام تجيبو
لا العذر يشفع اليه ولا الندم في يوم بفيدو
ياعمر الفات ودع ماضي ابداً ما بعيده
الزمان ادي الفرح للقليب المابريدو
الزمان الداير يصيدنا الزمان باكر بصيدو
لما قسم للشقاوه اداها للناس البريدو
ياما نشقي عشان عيونو لا الفرح كان يوم بايدو
ياعيون حزنانه صبرك مافي زول فايت نصيبو
ياعمر خليها سيره دا الزمان حدد مصيرو

اسامة ابوزيد
11-08-10, 09:47 AM
بسمة ونظرة
بسمة تغير حالى نظرة تغير حالى
لا عايز انتا تحن لا عايز انتا تحن
ولا ترحم حالى ليه انتا ما تعطف على يا غزالى
بسمة نظرة

حبيتك يا حبيبى عشان انتا حبيبى
انتا انتا حياتى وهناى ونصيبى
حبيتك لى جمالك وحبك تعذيبى
حبيتك من بسمة حبيتك من نظرة
يا الفيك امالى يا عايش فى خيالى
لا عايز انتا تحن لاعايز انتا تحن ولا ترحم حالى
ليه انتا ما تعطف على يا غزالى
بسمة نظرة

ايامك ايامى احلامك احلامى
فى ربيع الدنيا
فى دنياك ايامى
حبيتك بى شعورى حبيتك يا غرامى
عشقتك فى هيامى رأيتك فى منامى
يا الزوقك عالى يا عايش فى خيالى
لا عايز انتا تحن لا عايز انتا تحن ولا ترحم حالى
ليه انتا ما تعطف على يا غزالى
بسمة نظرة

يا التايه فى دلالك يا فرحان بسمارك
ارحم عشاقك واعطف على سماارك
يا الانتا فتنتو اصبح من ازهارك
ارعا بعنيك خلى يقول ليك
يا فاتن يا غالى يا عايش فى خيالى
لا عايز انتا تحن لا عايز انتا تحن
ولا ترحم حالى ليه انتا ما تعطف على يا غزالى
بسمة نظرة

اسامة ابوزيد
12-08-10, 10:49 AM
ختي يمينك في ايدينك يشرح قلبي مداخل ريدك ترسخ في جوه الشوق وتجيني
سيبي عيونك اسرح فيها بكل رقه وتسرح فيني
خلي وضه محيك تغسل همي وتضوي جبيني
انسي ظلالك في دنياي ترسم زهره شزاها حنيني
ضمي حروف الشوق السارحا كانت تايها وكاتما انيني
بكره بيكبر عهود امالنا يفرض نفسو دليل لي يقيني
تبدا الفرحه تبرعم تاني تبقي منوره باقي سنيني

اسامة ابوزيد
15-08-10, 11:35 AM
دنيا الريد غريبة سر ما بنفهمو ناس افراحا زايدة وناس يتألمو
كنا بنشكى ليكا وكان قلبك حنين * وانتا ظلمتنا ريدنا وعاد نشكيك لمين

دنيا الريد غريبة سر ما بنفهو ناس افراحا زايدة وناس يتألمو

دنيا الريد سعادة ودنيا الريد عذاب* وناس تجى للمحنة وناس تجى للسراب
دنيا الريد غريبة سر ما بنفهمو ناس افراحا زايدة وناس يتألمو

نشكى الليلة منو وبكرة الشوق يزيد* و طول الليالى للزول البريد
دنيا الريد غريبة سر ما بنفهمو ناس افراحا زايدة وناس يتألمو


فيك يا ريدة عشنا وذوقنا هناك ومرك وتاها الفى قلوبنا وما عرفناهو سرك*
تشقى وترضى فينا وتسوى البسرك* بس يوم قولى لينا *ايه السر فى سرك

دنيا الريد غريبة سر ما بنفهوناس افراحا زايدة وناس يتألمو


ناس من كلمة عابرة وكل الريد يهون* وناس فى الحب تضحى بالروح والعيون

دنيا الريد غريبة سر ما بنفهمو ناس افراحا زايدة وناس يتألمو

اسامة ابوزيد
17-08-10, 01:02 PM
افتح مسام الريح
لا تقبل من الحزن النواح
هذى عيون الأرض تخرج
من حطام النار تحتضن الرياح...
صنم الهواء استوقف البنيان
واقتاد الخطوط على رصيف الصبر
والوطن المهدد بالكساح
يا ليل ان رقص المدى
فى شاطىء الآلآم مذبوحا
من الجرح المعلق فى حنايا الصمت
والخوف المباح
سقط الغطاء وعم فى الكون السكون
الواجف الملعون
والوجع البراح..
لا دونك الافصاح اقبل فى شرافته السنا
لا اعرف الاحساس حزنك بالسماح
ها انت فى كف المراجيح التى
تستقبل الاعصار تقبل
بالمواعيد المغلفة انشراح
ها أنت تعدو فى مضامير السقوط
من الجراح الى الجراح

بكي
17-08-10, 02:56 PM
انتا المهم والناس جميع ماتهمني

اسامة ابوزيد
17-08-10, 02:58 PM
شكرا يا بكي.. قاصدني انا مش؟؟؟

اسامة ابوزيد
18-08-10, 03:18 PM
(منو القال ليك)
منو القال ليك بنتحمل فراق عينيك
وحات الريدة يا أسمر
فراقك ثانية ما بنقدر
ولكن غايتو نتصبر
وكل ما نحن نذكر
وكل ما ليك نذكر
تنزل دمعة تتحدر
نرجع تاني نغفر ليك
...............
فراقك يوم بعذبنا
بعادك اه بيتعبنا
وكيفن مدة ما نشوفك
كيفن مدة ما نشوفك
كيفن يعني ما نلاقيك
وعاد يا غالي لما تروح
أنت وراك تروح الروح
بنمشي معاك ونبقى وراك
وبمشي معاك وابقى وراك
ابقى وراك عشان أحميك

اسامة ابوزيد
26-08-10, 11:47 AM
كنا دايرينك معانا إلا أبيت طريقنا
ولسه ما قادرين نسيبك وانت سبته الريح تسوقنا
وقالوا يوم سألوك علينا لألأ في خدك شروقنا
وقالوا زي داريتو شوقك وشوف غلبنا نداري شوقنا
وشوف نجمنا كمان ظلمتو ولسه نجمك ضاوي فوقنا

محمد ساتي
27-08-10, 11:56 PM
على بابك نهارات الصبر واقفات
من بداية الدنيا هن واقفات
كم طائر بعد نتف جناحوا وراك
لملم حر ندامته وفات
وقطع شامة هواك من قلبو
الا هواك نبت تاني
وعلى بابك وقف تاني وملى الساحات
الغمائم شاكي حضن الليل مسافر فيها وحداني
وبدون جنحين
يغنيك الهناء المافي
تغنيلك رهافة حسو
يبنى على جديد امال ويحلم بالشتاء الدافي

محمد ساتي
27-08-10, 11:57 PM
يا روح غناي الغربة ملت من اساي ووحدتي
وبقيت براي حاضن اساي

انا في لحظة شجن لهناك

عادل عثمان
28-08-10, 12:04 AM
ولما تغيب عن الميعاد
بفتش ليها في التاريخ
واسأل عنها الاجداد
واسأل عنها المستقبل اللسع سنينو بعاد
وافتش ليها في اللوحات
محل الخاطر الما عاد
وفي الاعياد وفي احزان عيون الناس
وفي الضل الوقف ما زاد

اسامة ابوزيد
29-08-10, 06:47 PM
عزنا وعزة بلدنا فتنا منها وانخدعنا
موج سراب ودانا ليها ونحن سرنا وانقطعنا
قلنا رايحين قلتي لا لا ويمه قولك ما سمعنا
ودابو قولك جانا واقع إلا قبلو كمان وقعنا
ونحن مما فتنا دارنا في العيون يوم ما ارتفعنا
التمن يا يمه غالي ونحن ليهو الروح دفعنا
هم كبير ودرب خطير وسكه تب ماليها معنى
لا دراهم لا مظالم نحنا بس للعز رجعنا

اسامة ابوزيد
15-09-10, 04:26 PM
سامحني واصفح ياحبيب ... ساقوني منك بالغصب
ندماني ليه سبتك براك... تتباكى في نص الدرب
طمني حالك انت كيف ... والبي يهون مهما صعب
انا اصلي زول احساسو مات... من بدري معتادي الضرب
كم مرة شانك يامناي... من حنضل الالام شرب
من خشمي تتقاطر دماي... لو ينطق اسمك بالكضب
وريتم انو انا لي حبيب... لو خنتو بشعر بالذنب
ساقييني راويني المحبة... من حنانو كمان شرب
يا اخوي ذي ريدة ولادك... برضي للمريود بحب
والله لو حاس بالعلي... ما بترضى بيتي انا يتخرب
عرفت صاح الم الضرب... ماب بحسو زول غير الضرب
الغربة كيف وعذابا ما بدرى الا المغترب
مستحملي الالام براي... شايلى الهموم مابتتحسب
ما لقيت زول حس العلي... قاسمني همي ومعاي تعب
طالوني باليد واللسان... ما في شيتا" ما سلب
غير حبك الماقدرو يوم... يصلوهو ,, ماساكن القلب
اغرب شئ اني انا بي وراك... بتزلا واتهان وانضرب
لكني في لحظة لقاك... بنساهو زي الكان لعب




بكتبلك اسع يالحبيب ... متصبري وماسكي القلم
بكتبلك اسع والقليب ... مجروح يعاني من الالم
مكتوبي من شهر العسل ... شهر المرض شهر السجم
ملفوفة بي كفن الزفاف ... والحنة في ايدي دم
قبلت بالدايرنو لي... آمنت بي امر القسم
ويئست من عيشة عذاب ... لاماني في زول ما رحم
انسانة صرت بلا طموح... بلا مبادي بلا قيم
وقنعت من الرحمة تب... بس فيك ما اتقطع العشم
لا زلت ياك مالك القليب... رغم انو امري انا اتحسم
لا زلت بفخر بيك واقول ... انت الحبيب في كل ملم
لا زلت بي اسمك بصيح... لو حتى ساكت اتهجم
وبقولا قدام أي زول ...ما خايفة ,,اصلو الموت هو كم
اخر رسالتي بطمنك ارجوكا لا تشيل ليا هم
خليك في عهدك معاي... ارجاني ما يطول بيك سأم
احفظني في جواك فرح ... بلسم تداويبو الالم
ذي حفظي ليك بين الضلوع... انت وقلبي انا جم جم
اخواني سيبم يفرحو ... انا جرحي لسع ما التأم
يمكن ضميرن يوم يحس ... ويعرفو اني انا اتظلم
ويعودو شان يبنو الوقع ... كيفن بيبنو الاتهدم
ديل ناس هوايتم الظلم... ديل خلو عيشتي بلا طعم
ما سووى بي حكم العقل... ماب بندم الليهو احتكم
ما الناس بتتقاس بالعقول...ما بالجلاليب والعمم
وانا ماسكي في حبل الصبر...في الله املي انا ما اتعدم

اسامة ابوزيد
16-09-10, 12:39 PM
الليلة جيت شايل الفرح
قصدك تعوضني اللفات
اديتني حنية عيون
ما لقيتها في اقرب صلات
اديتني احساس بعمر
حاضنه الربيع ونسايمه جات
يوم كنا في جلستنا ديك
نحكي ونعيد الذكريات



ما تشيل مع الحنية هم
وتخاف من الايام تدور
وتخاف يغيرني الزمن
واعبر بدون عينيك بحور

بت السر
19-09-10, 10:49 PM
اياحزن ابتعدعنــــــــــي ودع جرحي يزل همـــــــــي
واني بك يا حزنـــــــــي غيــر العذاب لا اجنــــــــــــي
ايا حزن مالك منــــــــي؟ الاترى الذي بي يكفينـــــــــــي
تعبت من كثرة التمنــــي ولست انت بحائل عنــــــــــــي
ايا حزن لاتسئ ظنـــــي فأنت في غنــــى عنــــــــــــي
فلي من الالام مايبكــــي ولي من الجروح ما يدمـــــــي
الاياحزن اتعتقـــــــــــــد انـــنـــي منك اكتفيــــــــــــــت
الم يحن الاوان بعـــــــــد الم يحن زوالك يا حزنــــــــــي؟

بت السر
20-09-10, 09:01 PM
غرامك مزيف .... ضميرك عدم
هويتك ...عشقتك ..كرهتك نعم
كرهتك لانك... مجرد خداع
وكالمسرحية... بطلها الالم

محمد ساتي
28-09-10, 05:19 PM
لو تخاصم او تجافي
تبقى لطبعك منافي
يا زمن ريدي الخرافي
زول بريدك زي مافي

محمد ساتي
09-10-10, 09:43 PM
ماريل




حميد واسامة الخواض


ها مرة اخري سنخرج للشوارع شاهرين هتافنا
ولسوف تلقانا الشوارع بالبسالات
المضادة للعساكر والمساخر والخنوع
ها مرة اخري سنصعد فوق هذا الاختناق
الى عناق البندقية
سيدي أن الرصاصة موعدي
للاحتفاء بوجه ماريل الحبيبة
او بخاطر ما اكون
السلام عليك يا وطني
الصلاة عليك يا طيب الاسماء
يا كفني ويا رحط الجموع
ها مرة اخرى نعتزل القصائد
حسبنا الوطن المضرج بارتحال الطير
عن شجر تيبس متيبس
كم تشبس ما تشبس كم تجاسر ثم مات
وما تذكر للنجوع
يا ايها الماضون في شفق المشارق
بالبيارق والبريق
يا ايها الآتون من صدف الجسارة
بالسحائب والحريق
ضيقوا ليتسع الطريق
هذه الشوارع لا تخون
هي الشوارع علمتنا ان نفيق
ان نبر البرتقالة أو نموت فداء الرحيق
ماريل يا غابة الأبنوس يا جرح التبلدي
يا فنارات المواني يا نخيل
يا ملة الصرعى وابناء السبيل
يا اخوة الشعراء من هذا القبيل
يا اخوتي الجوعى لنحتل الموائد
ثم دور النشر وننشر صورة لالهنا
في الصفحة الاولي ونكتب تحتها
ماريل ينهشها العساكر
والشريعيون والذمم المآ مركة البغيضة
والبنوك وعاهرات القصر والشيوخ الزيف
والشعر المطفف والبعوض .. السل
و الآسف العميق ولا تموت
ماريل حين تبسمل الشيطان
ثم تلى علينا ما تيسر من كتاب السحت
كانت تستعيذ بأغنيات الكدح
كانت تستعيد مشاحنات العربجية
بائعات الخبز قرب الشاحنات
ماريل فوق الجرح كانت تستجير
بدندنات في المويلح
طاردتها طائرات الغوث فانهمرت على صدر الخيام
يا خسة الرأسمال جوعت الشعوب لكي تظل
كفو عن الصدقات نفهم عنكم ما قد حصل
خلونا نقرض موت اخير من جوع يموت للازل
ما جعنا من مطر بيجي
وخلانا طول ما نزل
جوعنا جوعكم للخراب
كترة دبيكم في التراب
تورلنا الجدب الدجل
ما دمتو تختارو الحياة
خلونا نختار الآجل
شكراً لكم
القمح يدخل في روؤس الاغنياء
القمح يمرق ناطحات .. ناطحات .. ناطحات
القمح يمرق من نفوس الأنقياء
القمح يدخل حشرجات .. حشرجات .. حشرجات
فالقمح يزرعه الشيوخ الزيف في باب الكنسية
بين ياقات البنوك الصفر في جرس الكنيسة
كالذقون القمح ابيض
سائق الدبابة القمحية الخدين فلاح
وكل العاملين لدى الوكالة زارعون
الساسة المتاكفون عن الخساسة
يعرفون القمح في حقل السياسة مرتين
القمح يزرع في الشتاء وفي الربيع
القمح يحصد لانتخابات الرئاسة
القمح يزرعه الملوك الزيف وابناء الذوات
الزنج والفقراء مُراك فقط
شكراً لكم
شكراً ارابيب الديار العامرة
يا خير مرتكز وخير مؤازرة
شكراً لريجن في افتتاح خطابه
وقد ضمن الأحوال في السودان
قمحاً عاجلاً ومؤامرة
يا قمح ويحك ماجرى
يا ويك أن الجوع منفذهم الى مسخ الورى
رجع الزمان القهقرى .. رجع الزمان القهقرى
ساعة القرار الامريكي
كان الشريعيون يحتشدون بالعربات
والخطب المكندشة الحروف
يتلفتون الى الجحيم
ويسألون عن النعيم المايوي
وخلفهم بشراً بي شر يتألهون على بشر
الله اكبر سوف نصليهم صقر
الله اكبر لا مفر
يا ويك أن الدين مس من سعر
محمود مات يا روعة الانجاز
مرتد وفاسق زنديق لم يبني عمارة
فاجر سم باغي لم يبقى امارة
عابث بالدين من ظن الالوهة عسكرية
والرسالة جعفرية وافترأ كذبا على الله
والحق الممرق في ثراء النفر الشريعي الخراء
رجع الزمان القهقرى
يا ويك أن الشرع مأصلة لفكر
بحق ماريل الجميلة
يا رياح الاربعاء ويا بروق الاربعاء
ويا رعود الاربعاء ويا مطور الاربعاء
بحق ماريل الجميلة كيف كيف ينشق القمر
أو كيف مشعلة الطريق
تأتي مكبرتة بدخان المصانع
أو بي بوخ الكادحين
تبدو كسنبلة الإباء على جباه الفاتحين
مدائن العصفور بالطبشور
والنغم المعتق في حلوق العاشقين
ماريل تولجنا بهذا المد
تخرج لهذا النيل نيلا من جديد
ماريل تولجنا ونخرج من اصابعها
هتافاً صاقعاً وشعاع مرحلة
لانجاز الضريرة لشنق الادعياء
وقادة الامن الموموسد
والمرابين الصغار
كان الجنود المسلمون يداهمون بيوتنا
ينقبون عن النساء العاريات
بحضرة الاطفال يقتادون اماً واباً
كان يشرع في العناق
على سرير لا يليق بقملتين
من الذى في عانة امعة يبيع
الفسق مغليا بقارعة الطريق
لامن يكشف عورة البلد المصون
الامن يستر عورة الوطن المصون بعورتين
لن استحى ... لن استحى
هذا زمانك يا شرايع فامرحي
الامن يا ام الكبائر
يا مراحيض الملوك المقعدين
وعكة النظم المبادة ذات يوم
ويا ياء الفجيعة والسفور
يا امن اسف ما ترى
رجع الزمان القهقرى
عاش الشفيع يخاطب العمال
والعمال يحتشدون فوق القاطرات
وتحت ندف الشمس فوق الارض
عند مداخل الورش العريقه
ينصتون فيهتفون وينصتون
يجي صوت شفيعهم متلفحا بالكدح
خفاقا يحط ولا يحط
تخاطفته نساء عطبرة بالحبور
الشفيع راجل الحياة
المرق النصيحة وقال تمرقن للشغل
الشفيع راجل السرور
القال متلنا اليستحق يسكن بيوت السودنة
وياكل رغيف الطوسطة اجل الكسرة طايرا
هرت بطونا الفتريتة برت بطونا
الشافع إن جري ماش يجيبا يقع يموت
ايابا يكبروا في حواك
شفيعنا يكبروا في ضراك
الله يجيرك يا الشفيع
يديك عمراً وريش المرمة
يموت عدوك
تفضل شفيعنا الما انكرى
تنفض بيوتنا من الشرى
رجع الشفيع واتبرا مفتونة
بحديث فاطمة الجريئة
عن رغيف الخبز
عن احلام احمد في القرى
سهدت تسن شوافعاً لتفل صمت المقبرة
صار الشوافع اسطراً والنيل ظل المحبرة
ماريل آه سوي النشيد مقاصلا
لا ريب يا ماريل أن النجوم العسكرية آفلة
فالتعلني أن الديالكتيك بوصلة لعمال العوالم
ضد تيه القافلة
ماريل نتظر المساء لنستحم ونقضى حاجتنا
ونحلم في العرى
فقراء يا ماريل نحن .. فقراء الا منك
أو كالنيل الا من مياة
أ و اثرياء نحن يا ماريل الا منك
ماريل حدثنا صبايا الحى
والفتيات جلبن الدلاليك لك الغناءالبلابل
واطلقنا الحناجر
وطني للصبر اخر
يسقط الصبر ويحيا آل ياسر
قمنا نقرشنا الجريد
الامهات ضفرنّا برش في الاصيل
ملآنا بالماءا لجرارة
اخذنا من تمر الخوابي قبضتين
كأس ونبيذ
وانطلقنا لحديث جانبي
هذه الخائنة لاجل دولار ولكنه اجنبي
باعت المحجوب يا محجوب يا لك من نبي
اجمل الاشياء ايلورا وفاطمة الجميلة
مالها باعت بطاقات الزفاف
الى البقالة
اودليلا نهمة كمسدس الشرطي
ايفانا تغني اليوم للضباط
اصبحت كثيرة الغرام شبق حي
بسمة مفروشة بعناية
ترنيمة بالسر تجهر في الضلوع
كان الرجال يعالجون بناية طينية
يثرثرون عن النساء القادمات من الخليج
محملات وحاملات ويلعنون حظوظهم
والعسكر المأفون والبايركس يتفقون
في مهر العروس الحلو ويختلفون في نسب المسيح
كان العساكر يلعبون الغولفو في حوش الخليفة
والسفير الأمريكي يعد مآدبة على شرف الهزيمة
احتفاء بانتصارات جديدة
وقت العساكر يمضغون السندباد
يلعقون الكوكاكولا يقذفون برأس مالك في الحريق
ممزقين المايوهات ويطاردون البط في جزر الباهما
في مسارح مونت كارلو أو جناح امير مكة
يرفعون الاجتماع لأن صاحبة الجلالة
تقترح في الجمع رقص الكمبلا
ويؤسلمون الكمبلا
ويهللون ويشربون ويرقصون .. ويهللون ويشربون ويرقصون
و يتعبون فيسقطون على البطون مدلكين بزيت فهد
وينهضون مؤسلمين
وقت العساكر يشربون وقت المساخر
كنتي تقترحين للشجر التشبس بالتراب
وللعصافير التمسك بالغناء
وللرياح الانطلاق للم اشتات الغيوم
وحشد ايقاع الفصول وشحذ حنجرة الرعود
وبدء كورال المطر
وكنت انتح في الناس هذه القصيدة
يا ايها الناس صدوا العساكر باللغة الشارعية
عن هذه الشاعرية
صدوا المساخر عن هذه القادمة
ذات الصمودين .. ذات النطاقين .. ذات النشيدين
أن الجراحات في صدر ماريل صارت براكين
طارت عناوين .. حطت بساتين
في كنف الثورة القادمة .

اسامة ابوزيد
18-10-10, 10:00 AM
غلطان انا
لكني مابعفيكي مــــن موت الغـــــــرام يا ســـوسنة
أعفيكي كــــيف يا غــــارزة في جــــــوايا ســــيف
يلهب رؤاي وهج الهجير يا قالبة كـــل إيامي صيف
غصبا عن الآلام حــــزن جـــــوايا مكتوم و النزيف
لاب ينتهي و لابالسنين .. أحزان و صارت مزمنة
ــــــــــ
أعفيكي كيف
و إنتي الفراقك كــــان سهم و إنشك فى حلــــــق الغنا
كتل القوافى المشتهـــــــاك واللســـــــــة دابة مدونة
لبست حلل احــــــزان سنين قنعانى من طعــــم الغنا
ولايهم وحاتك كــان رجوع او كان تزيدى عناك عنا
ــــــــــ
اعفيكى كيف
وانتى القليبك كان حجـــــر عارفــــاه ياناكرة الجميل
كتف الخطـــاوي الجات عليك شماتك الكاسو الرحيل
ومابين رياحــــن والكلام انضـــــــر فى عازة الخليل
إنضـــــر فات شهــــــد عليك هادى الغناوى المحزنة
ــــــــــ
اعفيكى كيف
لــــوقاســـــــــــية قلــبك ومابيحـــــــــــــــــــــــــن
لا شاف دموعي الفى عينى لاراعى لى قلبى البئن
سهران اناجــى بنات نعش رحماك عقلى الدار يجن
لو كان جزاى حـــــد النصال خليها مغروزات سنة
ــــــــــ
اعفيكى كيف
وبينا الرحـــم يرفـــــع خصامـــات القــــــــــــراب
الموت يهون مـــن الخصـام لو حتى يسرقنا الشباب
ورغم انو ظلم القرب مر لكنى عافيهو العــــــذاب
ولاتبكى حتى ان كان قسيت كل الحصل غلطان انا

عادل عثمان
20-10-10, 08:15 AM
شوفتك ترد الروح
وبعدك بحسو جروح
ماإنت ليا دليل
وبدونك إنت بروح

محمد ساتي
22-10-10, 07:48 PM
http://www.facebook.com/album.php?profile=1&id=334982110804

محمد ساتي
22-10-10, 07:52 PM
<H6 class=uiStreamMessage data-ft='{"type":"msg"}'>‎قلت (http://www.facebook.com/profile.php?id=1207297126) ليها

صلاح حاج سعيد

قلت ليها

وإيدى فى أيديها

دمعة حزن سالت ..

جاى منك ... وماشى ليك

يا مداين غربة طالت

لو مدارات نجمى ضلت ..

وسكة السفر استحالت ..

كونى فى دربى الحقيقة

الديمة ليها مشاعرى مالت..

قلت ليها ..

وكنت راجع لى عينيها

من أسى الزمن المسافر فى المشاوير .. العصيبة

من متاهات الأمانى

فى مدار الحسن ضماها وحبيبه ..

بينى لا بينك مزار ..

لا محطات إنتظار ..

لا مواعيدك قريبة

إنتى يا الفرح .. الحقيقة المستحيل ..

هدهدي الصبر الجميل

وأمسحى الألم المخيم ..

فى المدارات الرحيبة

قلت ليها

الحقيقة الضايعة

بين .. قلبى وعيونك

أنى لا قادر أفوتك لا أجيك

وأنى ما عارف بدونك ..

أبقى كلمة حب

تزف البشرى فى ساعة مجيك

وأنتى عارفة .. وقلت ليك

يانى أكثر زول بريدك ...

يانى صفوة عاشقيك ..

يانى راكز الخيل عليك

ولسه بى حبك متيم ومبتلى

ألا ريدك زادنى حيرة .. على العلى

لا مراكب البشرى ختن

.. قلبى عندك

وإنتى لاقلبك

نسانى

ولا عليـــــــ

</H6>

محمد ساتي
22-10-10, 08:45 PM
ابو السيد

صفوة عاشقيك

اسامة ابوزيد
03-11-10, 09:04 AM
عندما أحسب عمري
ربما أنسى هواك
ربما أشتاق شيئا من شذاك
ربما أبكي لأني لا أراك
إنما في العمر يوم هو عندي كل عمري
يومها أحسست أني عشت كل العمر نجما في سماك
خبرني.. بعد هذا كيف أعطي القلب يوما لسواك؟
حياتي وأبحث عنك كثيرا.. كثيرا
يدور الزمان وقلبي لديك
يضيع الأمان فأبحث عنك ويشتاق قلبي كثيرا إليك
إذا جاء صيف سألت النسيم ترى من عبيرك هذا العبير؟ وإن طال ليل تساءل قلبي:
بربك أين ملاكي الصغير؟
وإن جاءني الحزن ضيفا ثقيلا
يعاتبني الدمع هل من رفيق؟
فأبحث عنك على كل ضوء
وعمر الحيارى ظلام سحيق
لأنك مني وأني إليك
كما يعرف الزهر طعم الرحيق
وأبحث عنك كثيرا.. كثيرا فأنت الضياع وأنت الطريق

اسامة ابوزيد
10-11-10, 07:43 AM
ايا يوماً يحاصر ليله فجرُ
ايا اريجاً يفوق اريجه العطرُ
ايا روحاً كأن شذى انفاسه زهرُ
ايا ثغراً يصوغ حديثه سحرُ
اليك فررتُ من نفسى
فايامى كما امسى …
وافراحى كما بؤسى
فذا صبحى بلا شمس …
فكيف ترينى إذ أمسى ؟!
ايا حسناء قد جئت
وفى همس قد قلت :
غداً ارحل ...
فهل تقبل .. بان أفعل؟!
وتاهت احرفى عني
ولم أسأل
فيا حسناء صمتى هنا اجمل
يموت الطير فى حزن
…علي المهجر
بالاشواق للموطن
فكيف انا وانتى معى
شوقى انا عاصف
حبى انا جارف …
جرحى انا نازف قلبى هنا هاتف
يا حسناء .بحبك

بكي
10-11-10, 04:18 PM
ياسلام عليك ياابصلعة علي الدرر امتعتنا

محمد ساتي
25-11-10, 09:52 PM
قال الامام عل كرم الله وجهه
ذهب الشباب فما له من عودة


و أتى المشيب فأين منه المهرب





دع عنك ما قد فات في زمن الصبا


و ذكر ذنوبك و ابكها يا مذنب





و اخش مناقشة الحساب فإنه


لا بد يحصى ما جنيت و يكتب





و غرور دنياك التي تسعى لها


دار حقيقتها متاع يذهب





و جميع ما حصلته و جمعته


حقا يقينا بعد موتك ينهب







و الروح فيك وديعة أودعتها


ستردها بالرغم منك و تسلب






و الليل فاعلم و النهار كلاهما


أنفاسنا فيها تعد و تحسب





تبا لدار لا يدوم نعيمها


و مشيدها عما قليل يخرب





لا تحرصن فالحرص ليس بزائد


في الرزق بليشقى الحريص و يتعب





و اختر قرينك و اصطفيه تفاخرا


إن القرين إلى المقارنينسب







و احرص على حفظ القلوب من الأذى


فرجوعها بعد التنافر يصعب




إنالقلوب إذا تنافر ودها


شبه الزجاجة كسرها لا يشعب




و أحفظ لسانك و احترسمن لفظه


فالمرء يسلم باللسان و يعطب





و كذاك سر المرء إن لم يطوه


نشرته ألسنة تزيد وتكذب




واجه عدوك بالتحية لا تكن


منه زمانك خائفا تترقب






و احذر من المظلوم سهما صائبا


و اعلم بأن دعاءه لايحجب




و إذا أصابك في زمانك شدة


و أصابك الخطب الكريه الأصعب




فالجأ لربك إنه أدنى لمن


يدعوه من حبل الوريد وأقرب





فلقد نصحتك إن قبلت نصيحتي


فالنصح أغلى ما يباع و

محمد ساتي
06-12-10, 03:46 PM
الرائع حميد في .....

نورة
هي .. أقيفن .. نورة فيكن
نورة نقاحة الجروف ..
نورة حلابة اللبيني .. للصغيرين والضيوف
نورة ساعة الحر يولع .. تنقلب نسمة وتطوف
تدي للجيعان لقيمة
وتدي للعطشان جغيمة
والمخلي الحال مصنقر ..
في تقاة الليل تندقر .. تدي لي باكر بسيمة
تكسي للماشين عرايا وفوقا إنقطع هديما
ما عرفتن نورة إنتن .. قولن إنتن شن عرفتن
نورة بت الواطة أخيتي .. نورة اخت كل الغلابة
نورة حاحاية الشقاوة .. نورة هداية الضهابة
الاراضي الياما أدت .. نورة بقت من ترابا
وماشي في الأعماق سحابا
مشتهنها .. والله جابا
للجنوب طبلاً يهدهد .. لي مشاعر ناس تعابة
وللشمال طنبور يسكت .. دمعة الميتين كآبة
ما عرفتن نورة إنتن .. قولن إنتن شن عرفتن
نورة عايز تقرأ قالت
فوقا حيطة الدنيا مالت
ختت الكراس وشالت
منجلاً صالت به جالت
لامن إنجرحت به شالت
للتراب فوق إيدا كالت
ومرة يوم في الدونكا لدغت
جاء الفقير بالليل حواها
ويوم ملاها الهم قطايع .. جاء البصير بالنار كواها
ونورة ما قدرت تمانع .. تقنع الناس المعاها
ومرة شافت في رؤاها طيرة تاكل في جناها
حيطة تنمغى وتفلع .. في قفا الزول البناها
في جنينة سيدي سمعت .. تمرة تصقع للوراها
الأرض لابد ترجع للتعب فوقا ورعاها
شافت النيل موجو لاها
الخليقة بقت إلاها
الشمس طبقت ضحاها
نار عقاب إنساب مكسر .. فوق تكليات متاهة
وضو من الله .. رهاب مكتف في وتيد الليل معاها
بين حضر بلدا وخلاها
فسرت للناس رؤاها
وقالوا جنت ومو براها
ونورة زادت فوق شقاها
وصدت الأيام تخش
تبني لي عصفورة عش
في السواقي تشوف عزاها
لما شوقا يسوي .. وش
تسقي تزرع
تسعى تصنع
للنهار في الليل تخش
عرفت الشقا والشقاوة إلا ما عرفت تغش
شايلة طولة البال من الله .. ومن أراضينا الإثارة
وماشي تكدح طول نهارا
وترجى لما الليل يفلل .. تسرق ألمي عشان خدارا
عشان صغارا
ولما ترجع لي ديارا
تنزف أحلام الفقارى
من عويناتا الحيارى
لي غبار الحال تقش
فوقو للآمال ترش
نورة تقعد صاحي تحلم .. بي بيوت بي نور ودش
وبالمحبة تشق دروبا .. ولي قلوب الكل تخش
نورة تحلم بي وجود
ما مشت بينو القيود
أفضل أفضل بي كتير .. بي وطن من غير حدود
نورة تحلم بي عوالم
زي رؤى الأطفال حوالم
لا درادر .. لا عساكر .. لا مظاليم لا مظالم
نورة تحلم .. ولما تحلم نورة ترجف
ولما ترجف نورة تحلم ..
ولما ريح الواقع المر .. لي عشيش أحلاما ينسف
نورة تنزف
ولما تنزف بالا يهتف .. يوم حا تنصف يوم حاتنصف
وتبدأ تحلم .. ولما تحلم نورة ترجف
ولما ترجف نورة تحلم
صاحي تحلم.. وصاح بتحلم
صاح بتحلم

اسامة ابوزيد
08-12-10, 10:32 AM
اأرى مرجاً زهره أزهر
أرى غدى انا يشرق
أرى ايامى تضىء وغصنها يورق
أرى نوراً ونيراناً
أراها تضىء فى ودٍ – ولا تحرق
أراى زهراً كالمنى مؤنق
أرى زهراً اريجه يعبق
أرى فيها فراشات هنا تمرح
أرى طيراً بها يصدح
ارى صبحى بها اصبح

عادل عثمان
17-12-10, 07:47 PM
عندي كلمة أحب اقولا عن مصيري وعن مصيرك
إيه كسبت بعد فراقي غير ألم عذّب ضميرك
ما لقيت بلاي سعاده ما قدرت أحن لغيرك

أنت لو ضحيّت زيي في سبيل مبدأ وفكرة
لو وقفت تشدي أزري لمّا كانت عيشتي مرةّ
كنا نتخطى المصاعب ننتصر في العمر مرة
بس هربت تركت قلبي زي جفاك واطيلو جمرة

ما صبرت معاي شوية ما رضيت أتخلى عنك
كنت أقوى من الأعادي اقوى من شكك وظنك
إحتفظت بوعدي ليك ما إلتزمت بكلمة منك
وفي النهاية بقت خصومة تحكي ظلمي و أشكي غبنك

إيه جنينا من الليالي غير حديث الحب راعنا
من دموع البهجة فينا ضحكت الأحزان معانا
من ثقافة ملت عقولنا من أمان طلّت سمانا
من جراحاتنا الكبيرة زي أعاصير في دمانا

سيف الدين الدسوقى

محمد ساتي
17-12-10, 09:39 PM
وا شوقاً على بلدى ..
شوق زولاً ولوف بكّاى ..
حليل يا ناس دعاش حلتنا يغشانى
عشان الشوق هلكنى براى...
طريت الدار بشارة خير
مع أم بشار
و برق ليلاً لمحتو بعيد
شلع ضوّاى...
و هاك ياخير وكت ما تمطر
الضحوية
و تسقى واطاتنا بى حنية
بحس بالخير معدى علينا ساير
جاى...
دخن قايم
معاهو سنابل الماريق
و داك الفول متلخبط بالويكة واللصّيق
يمجد فوق عظمة
الخالق السواى
و اشوقاّ ... على بلدى
شوق زولاً ولوف بكاى
حليل يمّة ...
ختت إيدا فوق رأسى
و قالت لى تعال ياغالى قرّب جاى
بدور فى الخطبة السمحة بت الناس
أزغرد ليك
و أسوى الفوت
و أتّم الفرحة بيك ياعشاى !
قت ليها
سمح يمّة ... عشان خاطرك
و عشان خاطر قليب هوّاى
...
أصلو السمحة يا يمّة
جدى ريلاً ...
بقدل جوّه فى جواى
و من يومى بدور السمحة
تبقى معاى
تقولا معاى
و ا شوقاً على بلدى
شوق زولاً ولوف بكّاى
ديار الشورى...
و النقارة...
و المردوم ..
و حس جرارى طول الليل علينا يحوم...
ديار القرعة
و المفراكة ...
و الحكّامة
و الهدّاى ...
واشوقاً على بلدى ... شوق زولاً
ولوف بكّاى...

محمد ساتي
09-01-11, 02:48 PM
بلقيس

قــــــــــــــــــــــــــــــباني

شكراً لكم شكراً لكم
فحبيبتي قتلت وصار بوسعكم
أن تشربوا كأساً على قبر الشهيدة
وقصيدتي اغتيلت وهل من أمة في الأرض
- إلا نحن - تغتال القصيدة ؟

بلقيس …كانت أجمل الملكات في تاريخ بابل
بلقيس كانت أطول النخلات في أرض العراق
كانت إذا تمشي .. ترافقها طواويس وتتبعها أيائل
بلقيس يا وجعي ويا وجع القصيدة حين تلمسها الأنامل
هل يا ترى من بعد شعرك سوف ترتفع السنابل ؟
يا نينوى الخضراء يا غجريتي الشقراء يا أمواج دجلة
تلبس في الربيع بساقها أحلى الخلاخل

قتلوك يا بلقيس أية أمة عربية تلك التي تغتال أصوات البلابل ؟
أين السموأل ؟والمهلهل ؟والغطاريف الأوائل ؟فقبائل أكلت قبائل
وثعالب قتلت ثعالب وعناكب سحقت عناكب قسماً بعينيك اللتين إليهما
تأوي ملايين الكواكب سأقول ، يا قمري ، عن العرب العجائب
فهل البطولة كذبة عربية ؟أم مثلنا التاريخ كاذب ؟

بلقيس لا تتغيبي عني
فإن الشمس بعدك لا تضيئ على السواحل
سأقول في التحقيق :إن اللص أصبح يرتدي ثوب المقاتل
سأقول في التحقيق : إن القائد الموهوب أصبح كالمقاول
وأقول : إن حكاية الإشعاع ، أسخف نكتة قيلت فنحن قبيلة بين القبائل
هذا هو التاريخ يا بلقيس كيف يفرق الإنسان ما بين الحدائق والمزابل
بلقيس أيتها الشهيدة والقصيدة والمعطرة النقية
سبأ تفتش عن مليكتها فردي للجماهير التحية
يا أعظم الملكات يا امرأة تجسد كل أمجاد العصور السومرية
بلقيس يا عصفورتي الأحلى ويا أيقونتي الأغلى ويا دمعاً تناثر فوق خد المجدلية
أترى ظلمتك إذ نقلتك ذات يوم من ضفاف الأعظمية
بيروت تقتل كل يوم واحد منا وتبحث كل يوم عن ضحية
والموت في فنجان قهوتنا وفي مفتاح شقتنا
وفي أزهار شرفتنا وفي أوراق الجرائد والحروف الأبجدية …
هانحن يا بلقيس
ندخل مرة أخرى لعصر الجاهلية هانحن ندخل في التوحش
والتخلف والبشاعة والوضاعة ندخل مرة أخرى عصور البربرية
حيث الكتابة رحلة بين الشظية والشظية
حيث اغتيال فراشة في حقلها صار القضية
هل تعرفون حبيبتي بلقيس ؟ فهي أهم ما كتبوه في كتب الغرام
كانت مزيجا رائعاً بين القطيفة والرخام
كان البنفسج بين أعينها ينام ولا ينام
بلقيس يا عطراً بذاكرتي ويا قبراً يسافر في الغمام
قتلوك ، في بيروت ، مثل أي غزالة من بعدما قتلوا الكلام
بلقيس ليست هذه مرثية لكن على العرب السلام
بلقيس مشتاقون مشتاقون مشتاقون
والبيت الصغير يسأل عن أميرته المعطرة الذيول
نصغي إلى الأخبار والأخبار غامضة ولا تروي فضول

بلقيس مذبوحون حتى العظم والأولاد لا يدرون ما يجري
ولا أدري أنا ماذا أقول ؟
هل تقرعين الباب بعد دقائق ؟
هل تخلعين المعطف الشتوي ؟ هل تأتين باسمة وناضرة
ومشرقة كأزهار الحقول ؟

بلقيس إن زروعك الخضراء مازالت على الحيطان باكية
ووجهك لم يزل متنقلاً بين المرايا والستائر
حتى سجارتك التي أشعلتها لم تنطفئ ودخانها
مازال يرفض أن يسافر

بلقيس مطعونون مطعونون في الأعماق
والأحداق يسكنها الذهول
بلقيس كيف أخذت أيامي وأحلامي
وألغيت الحدائق والفصول

يا زوجتي وحبيبتي وقصيدتي وضياء عيني
قد كنت عصفوري الجميل فكيف هربت يا بلقيس مني ؟

بلقيس هذا موعد الشاي العراقي المعطر والمعتق كالسلافة
فمن الذي سيوزع الأقداح أيتها الزرافة ؟
زمن الذي نقل الفرات لبيتنا وورود دجلة والرصافة ؟

بلقيس إن الحزن يثقبني
وبيروت التي قتلتك لا تدري جريمتها
وبيروت التي عشقتك تجهل أنها قتلت عشيقتها
وأطفأت القمر بلقيس يا بلقيس يا بلقيس
كل غمامة تبكي عليك فمن ترى يبكي عليا
بلقيس كيف رحلت صامتة ولم تضعي يديك على يديا ؟

بلقيس كيف تركتنا في الريح
نرجف مثل أوراق الشجر ؟
وتركتنا - نحن الثلاثة- ضائعين
كريشة تحت المطر أتراك ما فكرت بي ؟
وأنا الذي يحتاج حبك مثل (زينب)أو عمر

بلقيس يا كنزاً خرافياً ويا رمحاً عراقياً
وغابة خيزران يا من تحديت النجوم ترفعاً
من أين جئت بكل هذا العنفوان ؟

بلقيس تذبحني التفاصيل الصغيرة في علا قتنا
وتجلدني الدقائق والثواني فلكل دبوس صغير .. قصة

ولكل عقد من عقودك قصتان
حتى ملاقط شعرك الذهبي
تغمرني كعادتها ، بأمطار المنان
ويعرش الصوت العراقي الجميل
على الستائر
والمقاعد
والأواني
ومن المرايا تطلعين
من الخواتم تطلعين
من القصيدة تطلعين
من الشموع
من الكؤوس
من النبيذ الأرجواني


بلقيس
يا بلقيس
لو تدرين ما وجع المكان
في كل ركن .. أنت حائمة كعصفور
وعابقة كغابة بيلسان
فهناك .. كنت تدخنين
هناك .. كنت تطالعين
هناك .. كنت كنخلة تتمشطين
وتدخلين على الضيوف
كأنك السيف اليماني

بلقيس
أين زجاجة ( الغيلان ) ؟.
والولاعة الزرقاء
أين سجارة الـ (الكنت ) التي
ما فارقت شفتيك ؟
أين (الهاشمي ) مغنياً
فوق القوام المهرجان
تتذكر الأمشاط ماضيها
فيكرج دمعها
هل يا ترى الأمشاط من أشواقها أيضاً تعاني ؟
بلقيس : صعب أن أهاجر من دمي
وأنا المحاصر بين ألسنة اللهيب
وبين ألسنه الدخان …

بلقيس : أيتها الأميرة
هاأنت تحترقين .. في حرب العشيرة والعشيرة
ماذا سأكتب عن رحيل مليكتي ؟
إن الكلام فضيحتي
هانحن نبحث بين أكوام الضحايا
عن نجمة سقطت
وعن جسد تناثر كالمرايا
هانحن نسأل يا حبيبة
إن كان هذا القبر قبرك أنت
أم قبر العروبة
بلقيس :
يا صفصافة أرحت ضفائرها عليّ
ويا زرافة كبرياء

بلقيس :
إن قضاءنا العربي أن يغتالنا عرب
ويأكل لحمنا عرب
ويفتح قبرنا عرب
فكيف نفر من هذا القضاء ؟
فالخنجر العربي .. ليس يقيم فرقاً
بين أعناق الرجال
وبين أعناق النساء

بلقيس :
إن هم فجروك .. فعندنا
كل الجنائز تبتدي في كربلاء
وتنتهي في كربلاء
لن أقراء التاريخ بعد اليوم
إن أصابعي اشتعلت
وأثوابي تغطيها الدماء
هانحن ندخل عصرنا الحجري
نرجع كل يوم ، ألف عام للوراء …


البحر في بيروت
بعد رحيل عينيك استقال
والشعر .. يسأل عن قصيدته
التي لم تكتمل كلماتها
ولا أحد .. يجيب على السؤال
الحزن يا بلقيس
يعصر مهجتي كالبرتقال
الآن .. أعرف مأزق الكلمات
أعرف ورطة اللغة المحالة
وأنا الذي اخترع الرسائل
لست أدري .. كيف أبتدئ الرسالة
السيف يدخل لحم خاصرتي
وخاصرة العبارة
كل الحضارة ، أنت يا بلقيس ، والأنثى حضارة
بلقيس : أنت بشارتي الكبرى
فمن سرق البشارة ؟
أنت الكتابة قبلما كانت كتابة
أنت الجزيرة والمنارة

بلقيس :
يا قمري الذي طمروه ما بين الحجارة
الآن ترتفع الستارة
الآن ترتفع الستارة
سأقول في التحقيق
إني أعرف الأسماء .. والأشياء .. والسجناء
والشهداء .. والفقراء .. والمستضعفين
وأقول إني أرف السياف قاتل زوجتي
ووجوه كل المخبرين
وأقول : إن عفافنا عهر
وتقوانا قذارة
وأقول : إن نضالنا كذب
وأن لا فرق
ما بين السياسة والدعارة !!
سأقول في التحقيق :
إني قد عرفت القاتلين
وأقول :
إن زماننا العربي مختص بذبح الياسمين
وبقتل كل الأنبياء
وقتل كل المرسلين
حتى العيون الخضر
يأكلها العرب
حتى الضفائر والخواتم
والأساور والمرايا .. واللعب
حتى النجوم تخاف من وطني
ولا أدري السبب
حتى الطيور تفر من وطني
و لا أدري السبب
حتى الكواكب .. والمراكب .. والسحب
حتى الدفاتر .. والكتب
وجميع أشياء الجمال
جميعها .. ضد العرب

لما تناثر جسمك الضوئي
يا بلقيس ،
لؤلؤة كريمة
فكرت : هل قتل النساء هواية عربية
أم أننا في الأصل ، محترفو جريمة ؟
بلقيس
يا فرسي الجميلة .. إنني
من كل تاريخي خجول
هذي بلاد يقتلون بها الخيول
هذي بلاد يقتلون بها الخيول
من يوم أن نحروك
يا بلقيس
يا أحلى وطن
لا يعرف الإنسان كيف يعيش في هذا الوطن
لا يعرف الإنسان كيف يموت في هذا الوطن
مازلت أدفع من دمي أعلى جزاء
كي أسعد الدنيا ولكن السماء
شاءت بأن أبقى وحيداً مثل أوراق الشتاء
هل يولد الشعراء من رحم الشقاء ؟
وهل القصيدة طعنة في القلب ليس لها شفاء ؟
أم أنني وحدي الذي عيناه تختصران تاريخ البكاء ؟

سأقول في التحقيق :
كيف غزالتي ماتت بسيف أبي لهب
كل للصوص من الخليج إلى المحيط
يدمرون .. ويحرقون .. وينهبون .. ويرتشون
ويعتدون على النساء كما يريد أبو لهب
كل الكلاب موظفون ويأكلون ويسكرون
على حساب أبي لهب لا قمحة في الأرض
تنبت دون رأي أبي لهب لا طفل يولد عندنا
إلا وزارت أمه يوماً فراش أبي لهب !!
لا سجن يفتح دون رأي أبي لهب
لا رأس يقطع دون أمر أبي لهب

سأقول في التحقيق :
كيف أميرتي اغتصبت وكيف تقاسموا فيروز عينيها
وخاتم عرسها وأقول كيف تقاسموا الشعر الذي
يجري كأنهار الذهب

سأقول في التحقيق:
كيف سطوا على آيات مصحفها الشريف وأضرموا فيه اللهب
سأقول كيف استنزفوا دمها وكيف استملكوا فمها
فما تركوا به ورداً ولا تركوا عنب هل موت بلقيس
هو النصر الوحيد بكل تاريخ العرب ؟
بلقيس يا معشوقتي حتى الثمالة
الأنبياء الكاذبون يقرفصون
ويكذبون على الشعوب ولا رسالة
لو أنهم حملوا إلينا
من فلسطين الحزينة نجمة أو برتقالة
لو أنهم حملوا إلينا

من شواطئ غزة حجراً صغيراً
أو محارة لو أنهم من ربع قرن حرروا
زيتونه أو أرجعوا ليمونة ومحوا عن التاريخ عاره
لشكرت من قتلوك يا بلقيس
يا معبودتي حتى الثمالة لكنهم تركوا فلسطيناً ليغتالوا غزالة !!
ماذا يقول الشعر يا بلقيس في هذا الزمان ؟

ماذا يقول الشعر ؟في العصر الشعوبي
المجوسي الجبان والعالم العربي
مسحوق ومقموع ومقطوع اللسان
نحن الجريمة في تفوقها
فما ( العقد الفريد ) وما ( الأغاني ) ؟؟
أخذوك أيتها الحبيبة من يدي أخذوا القصيدة من فمي
أخذوا الكتابة والقراءة والطفولة والأماني

بلقيس يا بلقيس يا دمعاً ينقط فوق أهداب الكمان
علمت مت قتلوك أسرار الهوى لكنهم قبل انتهاء الشوط
قد قتلوا حصاني

بلقيس : أسألك السماح ، فربما
كانت حياتك فدية لحياتي إني لأعرف جيداً
أن الذين تورطوا في القتل ، كان مرادهم
أن يقتلوا كلماتي !!! نامي بحفظ الله أيتها الجميلة
فالشعر بعدك مستحيل والأنوثة مستحيلة
ستظل أجيال من الأطفال تسأل عن ضفائرك الطويلة
وتظل أجيال من العشاق تقرأ عنك أيتها المعلمة الأصيلة
وسيعرف الأعراب يوماً أنهم قتلوا الرسولة
قتلوا الرسولة قتلوا الرسوله

إشراقه علي الكليب
15-01-11, 02:42 PM
قصيدة شعرية عجيبة ، نظمها إسماعيل بن أبي بكر المقري ـ رحمه الله ـ والعجيب فيها أنك عندما تقرأها من اليمين إلى اليسار تكون مدحا ، وعندما تقرأها من اليسار إلى اليمين تكون ذما .


وإليكم بعضا من هذه القصيدة

من اليمين إلى اليسار ... في المدح

طلبوا الذي نالوا فما حُرمــــوا **** رُفعتْ فما حُطتْ لهـــم رُتبُ

وهَبوا ومـا تمّتْ لــهم خُلــــــقُ **** سلموا فما أودى بهـــم عطَبُ

جلبوا الذي نرضى فما كَسَدوا **** حُمدتْ لهم شيمُ فــمـــا كَسَبوا

من اليسار إلى اليمين ... في الذم

رُتب لهم حُطتْ فمــــا رُفعتْ **** حُرموا فما نالوا الـــــذي طلبُوا

عَطَب بهم أودى فمــــا سلموا **** خُلقٌ لهم تمّتْ ومـــــــــا وهبُوا

كَسَبوا فما شيمٌ لــــهم حُمــدتْ **** كَسَدوا فما نرضى الذي جَلبُوا

==============================

محمد ساتي
15-01-11, 08:55 PM
كلام عجيب ومقدرة فذة

شكرا اشراقة

إشراقه علي الكليب
15-01-11, 11:50 PM
كلام عجيب ومقدرة فذة

شكرا اشراقة

إختياراتك أنت شديدة التميز خاصة أنها قد تقودنا إلى قضايا أدبية مرتبطة بفترات زمنية كثر فيها التجديد لشعراء امتلكوا ناصية اللغة فابتدعوا ما يسحر الألباب , وها أنت تشعل فينا من جديد محبة الإطلاع على هذه النماذج الرائعة فلك الشكر والثناء. ود ساتي
.

محمد ساتي
16-01-11, 08:17 PM
شكراً اشراقة واتمنى الا تنقطعي عن البوست

محمد ساتي
16-01-11, 08:17 PM
شهيق
=======
ما تتضارى ورا الدعوات

وما تتلبسى فرح الفات

بسكن فيك النغم الزايف

ويسرق حاسة شوفنا الواقفة على رجلين جوانا

نحن الهاوية .. والمتطامن من الأرض

آه من نحلك ساعة يرحل

ولمن يكتب فينا الحنضل

ويختم عمرو بفعل الشهد

قال الجدول :

طلوع النخلة .. مرور الريح .. واحد

لكن الريح بعانق حقل

ونحن بنطلع نخلة .. وننزل

ونكتب فى ذاكرة الصفق الأخضر

سجنا الريح فى الورق الأبيض

وجهناها ضد التمر الناعس

يسقط زى قبعة الحارس

زى الكان بيناتنا .. و فات

قالت غيمة :

".. بين قوسين غيمة لئيمة"

أولاد الشارع فهرس لى كل المدن

التهرس جوفك بالأسمنت

قالت ريح :

شوف الناس قنديل

لو ما نور يحرق كوخ .. وباقى الحلة تنور

أو جبة جوخ .. أو ينزل بوخ

يقول للنسمة الزايفة .. أقيفى

لو تتفرد ريح .. تتشرد ريح .. ريح الخوف

لو تتفرد ريح تبدا تفرتق ضفاير المدن الكاذبة

تعيد تسريحتك

ويوم سمايتك .. شكل قامتك

كيف تموتى .. وتحيى تانى

ويوم قيامتك .. هو البيدينا الثبات

يا مجلوبة فى قافلة رق

ما بستحمل صدرك رصاصة ظلم

يا صابت رحم الفال

يا قطعت حبل الحلم

يا كنا نبيعك .. يا نسرق

إخترنا النار .. الضلها يحرق

طمنـّاك إنو الدنيا بخشها ضو

يجرح جلد العتمة

دم الليل قربان فجرك

يا بت يا نيل

لو نامت قمحة على الأبيض .. وإتشرت زيو

وزاد الأبيض فى غيو

ومدد رجلو اليسرى

ما كان الكسرة .. جاتك من برة

صفرا .. ومنكسرة

زوجناك الشهدا وِلاد الكلب

الماتو عشان الشعب

زوجناك ما عندك ضرة

زوجناك ما جاتك ضرة

وما إنشاف ماعونك فى الحلة يساسق

ويلقى فتات

قال الأبيض لى الأزرق:

يبقى ضد الإنتباه

وضد تواريخ التمازج بينى .. بينك

البشوفك فى مراهقة الخرائط

وفينا من وجع المسافرين .. واطه .. ما لاقت هوية

رد الأزرق:

مطر الحبش لو كان نبش جواك سقف

أو هد حيلك فى الدواخل

وشدّ عصبك فى المداخل

صوت مراكبى

وإيد بتسأل فى القمح

وفينا من فرح المسافرين قصة الشمس .. القضية

يا أعشاب النيل الأبيض .. ما تتضارى ورا الدعوات

أقرا تاريخك .. وأخاف

أسأل جبين الفجر .. وألقى الفجر مطعون فى القفا

هل سافرت فى دمك المحقون رجا

حبة غضب

ما شلنا جمرك .. وإنطفا جوانا نارك .. والمطر

جايين بالكتابة .. وضربة الناس المهابة

لو هز نخلك باشبزق

ما غادرت تمرة السبيط

وما ساور الطورية شك

إنو الأرض أنثى .. وبتحمل بالحلال

مين اللى قال

إنو المسافة البينا بين الشمس طاقة

أو مياه النيل

بتدخل فى عروق السنبلة المسقية بى عرق الجعانين ..

والمساهرين بالبطاقة

أقرى تاريخك .. وأقيف

جواكى .. والزمن النضيف

جواى .. من جواك غضب

سلم مفاتيح السؤال

جيل الشمس .. موكب حريق

واقف على باب الدخول

بيناتو بينات الوصول ..

لحظة شهيق

عاطف خيري

اسامة ابوزيد
18-01-11, 11:18 AM
دنيا تتغير ودنيا
ادمنت عشق الثوابت
صوت ينادي الاستحالة
والحقيقة صوتا خافت
جرح ينزف وقلب دامي
ولسة صابر ولسة ساكت

اسامة ابوزيد
18-01-11, 11:30 AM
ياواقفا عند ابواب السلاطين
ارفق بنفسك من هم وتحزين
تاتى بنفسك فى ذل ومسكنة
وكسر نفس وتخفيض وتهوين
من يطلب الخلق فى انجاز مصلحة
او دفع ضر فهذا فى المجانين
وكم يحاكى لمسجون يدوم له
وكم من السجن فى ايدى المساجين
ان كنت تطلب عزا لافناء له
فلا تقف عند ابواب السلاطين
الا الزم العلم والتقوى ومانتجت
من الثمار تفز بالخرد العين
خل الملوك بدنايهم وما جمعوا
وقم بدينك من فرض ومسنون
استغن بالله عن دنيا الملوك كما
استغنى الملوك بدنياهم عن الدين

محمد ساتي
30-01-11, 04:13 PM
بلاد اللامكان
هناك في بلاد اللامكان... تنمو زهور الاقحوان
لا تعرف العين الدموع .. و لا الجباه الإنحناء
لا يعرف الطفل البكاء
هناك يعود الغريب من حيث جاء

*************************************************

قابلته على اعتاب شقتي .. في الليلة الأولى .. حزيناً بعد عودتي
سألته عن الثعالب الحمراء في القرى .. عن (الجداد)
عن أخوة لنا و عن أخوات .. أجاب في اقتضاب
في خير حال
سألته ذات السؤال بعد عام .. تملى لحظة .. ثم أجاب
تركتهم يعانون البلاد .. أصابهم و هن و طول زمان
غادرنا و قال عائد أنا .. لكنه ما عاد .. أحمد

*************************************************

فنجان قهوتي المسكوب .. على أوراق غربتي الملونة
احتسيته .. نفثته دخان
اعددت أوراقي لأكتب العزاء .. ميثاق صمت دام نيفاً من الزمان
و لم أجد كلماتي المنمقة .. و لم أزل أمزق الأوراق
و لم أزل أمزق الأوراق .. ربما
أعود يوماً لبلاد اللامكان

*********************
محجوب علي
الإسكندرية - 2004

اسامة ابوزيد
08-02-11, 09:55 AM
النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو البياخد من ملامحك نغمة من طبلة وربابة
يصنعوا اللحن البيدوي يجمعوا الأرض والسحابة
نخلة تاخد من ملامحك فرحة النيل في التعابة
طفلة تلعب بين دموعو كايسة لي حرف الكتابة
النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو اللي ثابت فينا منك هو اللي ساكن في الحنايا
النهايات التفتش في عيونك للبداية